ଯିହୋବାଙ୍କର ମିତ୍ର ହେବା ପାଇଁ ହେଲେ ବାଇବଲ ବିଦ୍ୟାର୍ଥୀଙ୍କୁ ଭଲ ଲୋକଙ୍କ ସହିତ ସମୟ ବିତାଇବା ଉଚିତ୍‌ । (ଗୀତ ୧୫:୧, ୪) ଭଲ ସାଙ୍ଗ ସେମାନଙ୍କୁ ଭଲ କାମ କରିବାକୁ ଉତ୍ସାହ ଦେବେ ।—ହିତୋ ୧୩:୨୦; ଜୀବନ ବହି ପାଠ ୪୮ ।

ନିଜ ବାଇବଲ ବିଦ୍ୟାର୍ଥୀମାନଙ୍କୁ ବୁଝିବା ପାଇଁ ଚେଷ୍ଟା କରନ୍ତୁ । ସେମାନଙ୍କ ପାଇଁ ପୁରୁଣା ସାଙ୍ଗମାନଙ୍କୁ ଛାଡ଼ିବା ଏତେ ସହଜ ନୁହେଁ । ଏଥିପାଇଁ ସେମାନଙ୍କ ସହିତ ବାଇବଲ ଅଧ୍ୟୟନ ସମୟ ଛଡ଼ା ଅନ୍ୟ ଦିନ ମଧ୍ୟ କଥା ହୁଅନ୍ତୁ । ଯେପରି, ଆପଣ ସେମାନଙ୍କୁ ମେସେଜ୍‌ କରିପାରିବେ, ଫୋନ କରିପାରିବେ, କିମ୍ବା ସେମାନଙ୍କ ସହିତ ମିଶିପାରିବେ । ଯେତେବେଳେ, ସେମାନେ ଧିରେ ଧିରେ ଉନ୍ନତି କରିବାକୁ ଲାଗିବେ, ଆପଣ ସେମାନଙ୍କୁ ଅନ୍ୟ ଭାଇଭଉଣୀମାନଙ୍କ ସହ ସମୟ ବିତାଇବା ପାଇଁ ଡାକିପାରିବେ । ତେବେ ସେମାନେ ପୁରୁଣା ସାଙ୍ଗମାନଙ୍କୁ ଛାଡ଼ି ଦୁଃଖିତ ହେବେ ନାହିଁ ବରଂ ନୂଆ ସାଙ୍ଗମାନଙ୍କୁ ପାଇ ଖୁସି ହେବେ । (ମାର୍କ ୧୦:୨୯, ୩୦) ଆପଣଙ୍କୁ ମଧ୍ୟ ଯିହୋବାଙ୍କ ପରିବାର ବଢ଼ିବାର ଦେଖି ଖୁସି ଲାଗିବ ।

ନିଜ ବାଇବଲ ବିଦ୍ୟାର୍ଥୀଙ୍କୁ ଖରାପ ସାଙ୍ଗମାନଙ୍କୁ ଛାଡ଼ିବା ପାଇଁ ଶିଖାନ୍ତୁ ନାମକ ଭିଡିଓ ଦେଖନ୍ତୁ । ତାʼପରେ ଏହି ପ୍ରଶ୍ନଗୁଡ଼ିକର ଉତ୍ତର ଦିଅନ୍ତୁ:

• ଖରାପ ସଙ୍ଗତି କଲେ ତାʼର ପରିଣାମ କʼଣ ହୁଏ ?—୧କରି ୧୫:୩୩

• ଖ୍ରୀଷ୍ଟିୟାନ ସଙ୍ଗତି ବିଷୟରେ ନମ୍ରତା କʼଣ ଭାବିଲେ ?

• ନମ୍ରତାଙ୍କୁ ଭଲ ଲୋକଙ୍କ ସହ ସଙ୍ଗତି କରାଇବା ପାଇଁ ନୀତା କʼଣ କଲେ ?