• ଆୟୁ ୩୭:୨୦—ପ୍ରାଚୀନ ସମୟରେ ଗୋଟେ ଜାଗାରୁ ଅନ୍ୟ ଜାଗାକୁ ଖବର କିମ୍ବା ସୂଚନା କିପରି ପହଞ୍ଚାଇ ଦିଆଯାଉଥିଲା ? (ଇନସାଇଟ୍‌-୧ ପୃ ୪୯୨)

  ଉତ୍ତର

• ଏ ସପ୍ତାହର ଅଧ୍ୟାୟଗୁଡ଼ିକରୁ ଆପଣ ଆଉ କʼଣ କ’ଣ ଶିଖିଲେ ?

  ଉତ୍ତର

ଯିହୋବାଙ୍କ ସଙ୍ଗଠନ ଅନେକ ବ୍ୟବସ୍ଥା କରିଛି, ଯାହା ସାହାଯ୍ୟରେ ଆମେ ରକ୍ତ ସହ ଜଡ଼ିତ ମାମଲାରେ ଈଶ୍ୱରଙ୍କ ନିୟମ ପାଳନ କରିପାରିବା । (ପ୍ରେରି ୧୫:୨୮, ୨୯) କʼଣ ଆପଣ ଏହି ବ୍ୟବସ୍ଥାର ଲାଭ ଉଠାଉଛନ୍ତି ?

ଆଡଭାନ୍‌ସ ହେଲ୍‌ଥ କେୟାର ଡାଇରେକ୍ଟିଭ (DPA) ଏବଂ ଆଇଡେଣ୍ଟିଟି କାର୍ଡ (ic): ଏହି କାର୍ଡ଼ରେ କୁହାଯାଇଛି ଯେ ଚିକିତ୍ସାରେ ରକ୍ତର ବ୍ୟବହାର ମାମଲାରେ ଜଣେ ରୋଗୀର କʼଣ ଇଚ୍ଛା ଅଛି । ବାପ୍ତିସ୍ମ ନେଇଥିବା ପ୍ରଚାରକ, ସାହିତ୍ୟ ସେବକଙ୍କଠାରୁ DPA ଅର୍ଥାତ ‘ନୋ ବ୍ଲଡ କାର୍ଡ’ ନେଇପାରିବେ । ଯଦି ସେମାନଙ୍କ ଛୋଟ ପିଲା ଅଛନ୍ତି, ତେବେ ସେମାନେ ତାଙ୍କ ପାଇଁ ଆଇଡେଣ୍ଟିଟି କାର୍ଡ ନେଇପାରିବେ । ଆମକୁ ସବୁବେଳେ ଏହି କାର୍ଡ ନିଜ ପାଖରେ ରଖିବା ଉଚିତ୍‌ । ଯଦି ଆପଣ ଏହି କାର୍ଡ ଭରି ନାହାନ୍ତି କିମ୍ବା ଆପଣଙ୍କୁ ସେଥିରେ କିଛି ପରିବର୍ତ୍ତନ କରିବାର ଅଛି, ତାହେଲେ ଯେତେ ଶୀଘ୍ର ହୋଇପାରେ ଏହା କରନ୍ତୁ ।

S-401 ଫର୍ମ ଏବଂ S-407 ଫର୍ମ: ଯେଉଁ ଭଉଣୀମାନେ ଗର୍ଭବତୀ ଅଛନ୍ତି, ସେମାନେ ପ୍ରାଚୀନମାନଙ୍କଠାରୁ S-401 ଫର୍ମ ନେଇପାରିବେ । ଆଉ ଯେଉଁ ଭାଇଭଉଣୀମାନଙ୍କର କୌଣସି ଅପରେସନ୍‌ ହେବାର ଅଛି କିମ୍ବା ସେମାନଙ୍କୁ କ୍ୟାନସର ସହ ଜଡ଼ିତ କୌଣସି ଚିକିତ୍ସା କରାଇବାର ଅଛି, ତେବେ ସେମାନେ ପ୍ରାଚୀନମାନଙ୍କଠାରୁ S-407 ଫର୍ମ ନେଇପାରିବେ । ଏହି ଫର୍ମରେ ଏପରି ସୂଚନା ଦିଆଯାଇଛି ଯାହା ସାହାଯ୍ୟରେ ସେମାନେ ଚିକିତ୍ସା ମାମଲାରେ ସଠିକ୍‌ ନିଷ୍ପତ୍ତି ନେଇପାରିବେ, ସେସମୟରେ ବି ଯେବେ ରକ୍ତ ସହ ଜଡ଼ିତ କୌଣସି ମାମଲା ସୃଷ୍ଟି ହୁଏ ।

ହସ୍ପିଟାଲ ସମ୍ପର୍କ ସମିତି (HLC): ଏଚ୍‌.ଏଲ୍‌.ସି ବିଭାଗର ସଦସ୍ୟ ଏପରି ଅନୁଭବୀ ପ୍ରାଚୀନ ଥାନ୍ତି, ଯେଉଁମାନଙ୍କୁ ଡାକ୍ତର ଓ ଭାଇଭଉଣୀମାନଙ୍କୁ ରକ୍ତ ସହ ଜଡ଼ିତ ମାମଲାରେ ସୂଚନା ଦେବା ପାଇଁ ଟ୍ରେନିଙ୍ଗ ଦିଆଯାଏ । ସେମାନେ ଆପଣଙ୍କ ଡାକ୍ତରଙ୍କୁ କହିପାରିବେ ଯେ ବିନା ରକ୍ତର କେଉଁ ଚିକିତ୍ସା ଉପଲବ୍ଧ ଅଛି । ସେମାନେ ଏପରି ଡାକ୍ତରଙ୍କୁ ଖୋଜିବା ପାଇଁ ମଧ୍ୟ ଆପଣଙ୍କ ସାହାଯ୍ୟ କରିପାରିବେ, ଯିଏ ବିନା ରକ୍ତରେ ଚିକିତ୍ସା କରିବା ପାଇଁ ପ୍ରସ୍ତୁତ ରହନ୍ତି । ଏଚ୍‌.ଏଲ୍‌.ସି ବିଭାଗର ଭାଇମାନେ ଦିନ ଥାଉ କିମ୍ବା ରାତି ଆମ ସାହାଯ୍ୟ କରିବା ପାଇଁ ସବୁବେଳେ ପ୍ରସ୍ତୁତ ରହନ୍ତି । ଯେବେ ବି ଆପଣଙ୍କୁ ହସ୍ପିଟାଲରେ ଭର୍ତ୍ତି ହେବାକୁ ପଡ଼େ କିମ୍ବା କୌଣସି ଅପରେସନ୍‌ କିମ୍ବା ଥେରାପି କରିବାକୁ ପଡ଼େ । ଯେପରି କ୍ୟାନସର ସହ ଜଡ଼ିତ ଥେରାପି, ଏପରି ସମୟରେ ଯେତେ ଶୀଘ୍ର ହୋଇପାରେ ଏଚ୍‌.ଏଲ୍‌.ସି ବିଭାଗର ଭାଇମାନଙ୍କ ସହ ସମ୍ପର୍କ କରନ୍ତୁ । ଯଦି ଆପଣଙ୍କୁ ଲାଗେ ଯେ ରକ୍ତ ସହ ଜଡ଼ିତ ମାମଲା ଆସିବନି, ତେବେ ବି ଏପରି କରନ୍ତୁ । ଗର୍ଭବତୀ ଭଉଣୀମାନଙ୍କୁ ମଧ୍ୟ ଏପରି କରିବା ଉଚିତ୍‌ । ଏଚ୍‌.ଏଲ୍‌.ସି ବିଭାଗର ଭାଇମାନଙ୍କ ସହ ସମ୍ପର୍କ କରିବା ପାଇଁ କୌଣସି ପ୍ରାଚୀନଙ୍କ ସହ କଥା ହୁଅନ୍ତୁ ।

ହସ୍ପିଟାଲ ସମ୍ପର୍କ ସମିତି କିପରି ଆମକୁ ସାହାଯ୍ୟ କରେ ? ଭିଡିଓ ଦେଖାନ୍ତୁ । ତାʼପରେ ଲୋକମାନଙ୍କୁ ପଚାରନ୍ତୁ:

ଯେବେ କୌଣସି ଚିକିତ୍ସା କିମ୍ବା ଅପରେସନ୍‌ କରିବାର ଆବଶ୍ୟକ ପଡ଼େ, ତେବେ ଏଚ୍‌.ଏଲ୍‌.ସି ବିଭାଗର ଭାଇମାନେ ଆମର କିପରି ସାହାଯ୍ୟ କରନ୍ତି ?