ଯିହୋବା ଚାହାନ୍ତି ଯେ ଆମେ ପ୍ରେମ ଯୋଗୁଁ ତାଙ୍କ ସେବା କରୁ । (ମାଥି ୨୨:୩୭, ୩୮) ଯଦି ବିଦ୍ୟାର୍ଥୀ ଯିହୋବାଙ୍କୁ ପ୍ରେମ କରିବାକୁ ଲାଗେ, ତେବେ ତାଙ୍କୁ ନିଜଠାରେ ପରିବର୍ତ୍ତନ କରିବା ଏବଂ ଅନ୍ୟ ସମସ୍ୟାଗୁଡ଼ିକର ସାମନା କରିବା ପାଇଁ ସାହସ ମିଳିବ । (୧ଯୋହ ୫:୩) ଏହି ପ୍ରେମ ତାଙ୍କୁ ବାପ୍ତିସ୍ମ ନେବା ପାଇଁ ସାହାଯ୍ୟ କରିବ ।

ବିଦ୍ୟାର୍ଥୀଙ୍କୁ ଏହା ବୁଝିବା ପାଇଁ ସାହାଯ୍ୟ କରନ୍ତୁ ଯେ ଯିହୋବା ତାଙ୍କୁ ବହୁତ ପ୍ରେମ କରନ୍ତି । କିପରି ? ତାଙ୍କୁ ପଚାରନ୍ତୁ, “ଏଥିରୁ ଆପଣ ଯିହୋବାଙ୍କ ବିଷୟରେ କʼଣ ଶିଖିଲେ ?” କିମ୍ବା “ଏଥିରୁ କିପରି ଜଣାପଡ଼େ ଯେ ଯିହୋବା ଆପଣଙ୍କୁ ପ୍ରେମ କରନ୍ତି ?” ତାଙ୍କୁ ଏହା ଜାଣିବା ପାଇଁ ସାହାଯ୍ୟ କରନ୍ତୁ ଯେ ଯିହୋବା ତାଙ୍କୁ କିପରି ସାହାଯ୍ୟ କରୁଛନ୍ତି । (୨ବଂଶା ୧୬:୯) ତାଙ୍କୁ କହନ୍ତୁ ଯେ ଯିହୋବା ଆପଣଙ୍କ ପ୍ରାର୍ଥନାର ଉତ୍ତର କିପରି ଦେଲେ । ତାʼପରେ ଏହା ଧ୍ୟାନ ଦେବା ପାଇଁ ପ୍ରୋତ୍ସାହନ ଦିଅନ୍ତୁ ଯେ ଯିହୋବା କିପରି ତାଙ୍କ ପ୍ରାର୍ଥନାର ଉତ୍ତର ଦେଲେ । ଯେତେବେଳେ ଆମେ ଦେଖୁ ଯେ ବାଇବଲ ବିଦ୍ୟାର୍ଥୀ ଯିହୋବାଙ୍କ ପ୍ରେମକୁ ବୁଝିପାରୁଛନ୍ତି ଏବଂ ବଦଳରେ ତାଙ୍କୁ ପ୍ରେମ କରୁଛନ୍ତି ଏବଂ ତାଙ୍କ ସାଙ୍ଗ ହେବା ପାଇଁ ଚାହାନ୍ତି, ସେତେବେଳେ ଆମକୁ ବହୁତ ଖୁସି ଲାଗେ ।

ନିଜ ବାଇବଲ ବିଦ୍ୟାର୍ଥୀଙ୍କୁ ଯିହୋବାଙ୍କ ସହ ମିତ୍ରତା କରିବା ପାଇଁ ଶିଖାନ୍ତୁ ନାମକ ଭିଡିଓ ଦେଖନ୍ତୁ । ତାʼପରେ ଏ ପ୍ରଶ୍ନଗୁଡ଼ିକର ଉତ୍ତର ଦିଅନ୍ତୁ:

• ନମ୍ରତାଙ୍କ ସାମନାରେ କେଉଁ ସମସ୍ୟା ଆସିଲା ?

• ନିତା ନମ୍ରତାଙ୍କ ସାହାଯ୍ୟ କିପରି କଲେ ?

• ନମ୍ରତା ନିଜ ସମସ୍ୟାର ସାମନା କରିବା ପାଇଁ କʼଣ କଲେ ?