• ଗୀତ ୩୫:୧୯—ତାଙ୍କ ଶତ୍ରୁମାନଙ୍କୁ “ଆକ୍ଷିଠାର ମାରିବାକୁ ଦିଅ ନାହିଁ ” ଦାଉଦଙ୍କ ଏହି ବିନତିର ଅର୍ଥ କʼଣ ? (ପ୍ର୦୬-ହି ୫/୧୫ ପୃ ୨୦ ¶୧)

  ଉତ୍ତର

• ଏ ସପ୍ତାହର ଅଧ୍ୟାୟଗୁଡ଼ିକରୁ ଆପଣ ଆଉ କʼଣ କ’ଣ ଶିଖିଲେ ?

  ଉତ୍ତର

ଯିହୋବାଙ୍କ ପ୍ରଶଂସା କରିବାର ସବୁଠୁ ବଢ଼ିଆ ସୁଯୋଗ ମଣ୍ଡଳୀର ସଭାଗୁଡ଼ିକରେ ମିଳେ । ଆସନ୍ତୁ ଧ୍ୟାନ ଦେବା ଯେ ଆମେ କେଉଁ ତିନୋଟି ଉପାୟରୁ ତାଙ୍କର ପ୍ରଶଂସା କରିପାରିବା ।

ଅନ୍ୟମାନଙ୍କ ସହ କଥା ହେବା ସମୟରେ: ଯିହୋବାଙ୍କ ବିଷୟରେ ଭଲ କଥାଗୁଡ଼ିକ କହନ୍ତୁ । (ଗୀତ ୧୪୫:୧, ୭) କʼଣ ଆପଣ ଏପରି କୌଣସି କଥା ପଢ଼ିଛନ୍ତି କିମ୍ବା ଶୁଣିଛନ୍ତି, ଯେଉଁଥିରୁ ଆପଣଙ୍କୁ ବହୁତ ସାହାଯ୍ୟ ମିଳିଲା ? କʼଣ ପ୍ରଚାର ସେବାରେ ଆପଣଙ୍କୁ କୌଣସି ଭଲ ଅନୁଭୂତି ମିଳିଲା ? କʼଣ କେହି ଆପଣଙ୍କୁ ଏପରି କିଛି କଥା କହିଲେ କିମ୍ବା ଆପଣଙ୍କ ପାଇଁ ଏପରି କିଛି କଲେ, ଯାହାଦ୍ୱାରା ଆପଣଙ୍କୁ ଉତ୍ସାହ ମିଳିଲା ? କʼଣ ସୃଷ୍ଟିର କୌଣସି ଜିନିଷ ଦେଖି ଆପଣ ଆଶ୍ଚର୍ଯ୍ୟ ହୋଇଗଲେ ? ଏସବୁ ଯିହୋବାଙ୍କ ତରଫରୁ ଗୋଟିଏ ଉପହାର ଅଟେ । (ଯାକୁ ୧:୧୭) ଏସବୁ ବିଷୟରେ କଥା ହେବା ପାଇଁ ଭଲ ହେବ ଯେ ଆପଣ ସଭା ଆରମ୍ଭ ହେବାର କିଛି ସମୟ ପୂର୍ବେ ଆସନ୍ତୁ ।

ଉତ୍ତର ଦେଇ: ପ୍ରତ୍ୟେକ ସଭାରେ କମ୍‌ରୁ କମ୍‌ ଗୋଟିଏ ଉତ୍ତର ଦେବା ପାଇଁ ଚେଷ୍ଟା କରନ୍ତୁ । (ଗୀତ ୨୬:୧୨) ଆପଣ ସେହି ପ୍ରଶ୍ନର ସିଧାସିଧା ଉତ୍ତର ଦେଇପାରିବେ କିମ୍ବା ତାʼସହ ଜଡ଼ିତ ଅନ୍ୟ କୌଣସି ପଏଣ୍ଟ କହିପାରିବେ । କିମ୍ବା ଆପଣ କୌଣସି ପଦ କିମ୍ବା ଚିତ୍ର ବିଷୟରେ କହିପାରିବେ । କିମ୍ବା ଆପଣ ବୁଝାଇପାରିବେ ଯେ କୌଣସି ତଥ୍ୟକୁ କିପରି ଲାଗୁ କରିବେ । ଆପଣ ଯେଉଁ ପାରାଗ୍ରାଫରେ ଉତ୍ତର ଦେବା ପାଇଁ ଚାହୁଁଛନ୍ତି, ହୁଏତ ଅନ୍ୟମାନେ ବି ତାʼପାଇଁ ହାତ ଉଠାଇବେ । ତେଣୁ ପୂରା ଲେଖାରେ ଗୋଟିଏରୁ ଅଧିକ ଉତ୍ତର ପ୍ରସ୍ତୁତ କରନ୍ତୁ । ଯଦି ଆମେ ନିଜ ଉତ୍ତର ୩୦ ସେକେଣ୍ଡ କିମ୍ବା ତାʼଠାରୁ କମ୍‌ ସମୟରେ ଦେବା, ତାହେଲେ ଅଧିକ ଲୋକମାନଙ୍କୁ “ଈଶ୍ୱରଙ୍କ ଉଦ୍ଦେଶ୍ୟରେ ପ୍ରଶଂସାରୂପ ବଳି” ଦେବାର ସୁଯୋଗ ମିଳିବ ।—ଏବ୍ରୀ ୧୩:୧୫.

ଗୀତ ଗାଇ: ଉତ୍ସାହର ସହ ଗୀତ ଗାଆନ୍ତୁ । (ଗୀତ ୧୪୭:୧) ହୁଏତ ଆପଣଙ୍କୁ ପ୍ରତ୍ୟେକ ସଭାରେ ଉତ୍ତର ଦେବା ପାଇଁ ସୁଯୋଗ ମିଳିବନି, ବିଶେଷ କରି ଯେବେ ଆପଣ ବଡ଼ ମଣ୍ଡଳୀରେ ଥାନ୍ତି । କିନ୍ତୁ ଆପଣ ପ୍ରତ୍ୟେକ ସଭାରେ ଗୀତ ନିଶ୍ଚୟ ଗାଇପାରିବେ । ହୁଏତ ଆପଣଙ୍କୁ ଲାଗିବ ଯେ ଆପଣ ଭଲ ଗୀତ ଗାଆନ୍ତିନି, ତଥାପି ଯଦି ଆପଣ ଗୀତ ଗାଇବା ପାଇଁ ପରିଶ୍ରମ କରିବେ, ତେବେ ଯିହୋବା ଖୁସି ହେବେ । (୨କରି ୮:୧୨) ସଭାରେ ଗୀତ ଗାଇବା ପାଇଁ ଆପଣ ପୂର୍ବରୁ ଘରେ ପ୍ରସ୍ତୁତି କରିପାରିବେ ।

ଅତୀତରୁ ଆଜି ଯାଏ—ଗୀତ ଏକ ଉପହାର, ଭାଗ ୧ ଭିଡିଓ ଦେଖାନ୍ତୁ । ତାʼପରେ ଲୋକମାନଙ୍କୁ ପଚାରନ୍ତୁ:

କିଛି ସମୟ ପୂର୍ବେ ଯେବେ ଆମ ସଂଗଠନର ଆରମ୍ଭ ହେଲା, ତେବେ ଏହା କିପରି ଦେଖାଗଲା ଯେ ଯିହୋବାଙ୍କ ପ୍ରଶଂସାରେ ଗୀତ ଗାଇବା ଜରୁରୀ ଅଟେ ?