ଏହା କାହିଁକି ମହତ୍ତ୍ୱପୂର୍ଣ୍ଣ: ଘର ଘର ପ୍ରଚାର କରିବା ସମୟରେ ନେତ୍ରହୀନ ଲୋକଙ୍କ ସହିତ ଆମ ସାକ୍ଷାତ ବହୁତ କମ୍‌ ହୋଇଥାଏ, କାରଣ ସେମାନଙ୍କ ମଧ୍ୟରୁ ଅଧିକାଂଶ ଲୋକେ ଅଜଣା ବ୍ୟକ୍ତିମାନଙ୍କ ସହ କଥା ହେବାକୁ ପସନ୍ଦ କରନ୍ତି ନାହିଁ । ତେଣୁ ସେମାନଙ୍କୁ ସାକ୍ଷ ଦେବା ପାଇଁ ଆମକୁ କୁଶଳୀ ହେବା ଆବଶ୍ୟକ । ପ୍ରେମମୟ ପିତା ଯିହୋବା ନେତ୍ରହୀନ ଲୋକମାନଙ୍କ ପାଇଁ ବହୁତ ଚିନ୍ତା କରନ୍ତି । (ଲେବୀ ୧୯:୧୪) ଯିହୋବାଙ୍କ ଭଳି ଆମେ କିପରି ଦେଖାଇପାରିବା ଯେ ନେତ୍ରହୀନ ଲୋକମାନଙ୍କ ପାଇଁ ଆମେ ଚିନ୍ତା କରୁ ? ସେମାନଙ୍କୁ ଯିହୋବାଙ୍କ ମିତ୍ର ହେବା ପାଇଁ ସାହାଯ୍ୟ କରିବା ଦ୍ୱାରା ।

ଏହା କିପରି କରିପାରିବା:

• ନେତ୍ରହୀନ ଲୋକମାନଙ୍କୁ ‘ଅନୁସନ୍ଧାନ କରନ୍ତୁ’ । (ମାଥି ୧୦:୧୧) କʼଣ ଆପଣ ଏପରି କୌଣସି ବ୍ୟକ୍ତିଙ୍କୁ ଜାଣନ୍ତି, ଯାହାଙ୍କ ପରିବାରର କୌଣସି ସଦସ୍ୟ ଦେଖିପାରନ୍ତି ନାହିଁ ? କʼଣ ଆପଣଙ୍କ ଅଞ୍ଚଳରେ ନେତ୍ରହୀନ ଲୋକମାନଙ୍କ ପାଇଁ କୌଣସି ଆଶ୍ରମ, ସ୍କୁଲ କିମ୍ବା ଅନ୍ୟ କିଛି ସୁବିଧାଗୁଡ଼ିକ ଅଛି, ଯାହା ସେମାନଙ୍କ ପାଇଁ ପ୍ରସ୍ତୁତ କରାଯାଇଥିବା ପ୍ରକାଶନ ନେବାକୁ ଚାହିଁବ ?

• ବ୍ୟକ୍ତିଗତ ଆଗ୍ରହ ଦେଖାନ୍ତୁ । ଯଦି ଆପଣ କୌଣସି ନେତ୍ରହୀନ ବ୍ୟକ୍ତିଙ୍କୁ ଭଲ ବ୍ୟବହାର ଦେଖାଇବେ ଓ ସେମାନଙ୍କ ପ୍ରତି ଆଗ୍ରହ ଦେଖାଇବେ, ତେବେ ହୁଏତ ତାଙ୍କ ସଂକୋଚ ଦୂର ହୋଇଯିବ ଏବଂ ସେ ଆପଣଙ୍କ ସହ କଥା ହେବାକୁ ଚାହିଁବେ । ଆପଣଙ୍କ ଅଞ୍ଚଳରେ ସାଧାରଣତଃ ଲୋକେ ଯେଉଁ ବିଷୟରେ ଆଗ୍ରହ ଦେଖାନ୍ତି, ସେହି ବିଷୟରେ କଥାବାର୍ତ୍ତା ଆରମ୍ଭ କରନ୍ତୁ ।

• ନେତ୍ରହୀନ ଲୋକଙ୍କ ପାଇଁ ପ୍ରସ୍ତୁତ କରାଯାଇଥିବା ପ୍ରକାଶନ ଦିଅନ୍ତୁ । ଯେଉଁମାନେ ନେତ୍ରହୀନ କିମ୍ବା ଯେଉଁମାନଙ୍କୁ ଦେଖିବା ପାଇଁ କଷ୍ଟ ହୁଏ, ସେମାନଙ୍କ ପାଇଁ ସଂଗଠନ ଭିନ୍ନ ଭିନ୍ନ ଫର୍ମାଟ୍‌ରେ ପ୍ରକାଶନଗୁଡ଼ିକ ପ୍ରସ୍ତୁତ କରିଛି । ପ୍ରତ୍ୟୋକଙ୍କୁ ପଚାରନ୍ତୁ ଯେ ସେମାନେ କିପରି ଶଖିବା ପାଇଁ ଚାହାନ୍ତି ? ସେବା ଅଧ୍ୟକ୍ଷ ଏହା ପ୍ରତି ଧ୍ୟାନ ଦେବେ ଯେ ନେତ୍ରହୀନ ବ୍ୟକ୍ତିଙ୍କୁ ପ୍ରକାଶନର ଯେଉଁ ଫର୍ମାଟ୍‌ ଦରକାର, ପ୍ରକାଶନ ସେବକ ସେହି ଫର୍ମାଟ୍‌ ପାଇଁ ଅନୁରୋଧ କରିବେ ।