ଆମେ ସମସ୍ତେ ଅପରିପୂର୍ଣ୍ଣ ଅଟୁ ତେଣୁ ଆମକୁ ନିଜ ଇଚ୍ଛାଗୁଡ଼ିକୁ କାବୁ ପାଇବା ପାଇଁ ଲଗାତାର ସଂଘର୍ଷ କରିବାକୁ ପଡ଼େ । ଯଦି ଆମେ ନିଜ ଇଚ୍ଛାଗୁଡ଼ିକୁ କାବୁରେ ରଖିବା ନାହିଁ ଏବଂ ଯାହା ଇଚ୍ଛା ତାହା କରିବା, ତେବେ ଆମ ଉପରେ ଯିହୋବାଙ୍କ ମଞ୍ଜୁରି ରହିବ ନାହିଁ । ଯେପରି, କିଛି ଲୋକଙ୍କ ପାଇଁ ଖାଇବା ପିଇବା ଜିନିଷ, କପଡ଼ା ଓ ଘର ବହୁତ ମହତ୍ତ୍ୱ ରଖେ । ସେମାନେ ଈଶ୍ୱରଙ୍କଠାରୁ ବେଶି ଏସବୁ ଜିନିଷଗୁଡ଼ିକୁ ଅଧିକ ମହତ୍ତ୍ୱ ଦିଅନ୍ତି । କିଛି ଲୋକଙ୍କ ଦୃଷ୍ଟିରେ ଈଶ୍ୱରଙ୍କ ମାନଦଣ୍ଡ କିଛି ମହତ୍ତ୍ୱ ରଖେ ନାହିଁ ଏବଂ ନିଜ ଯୌନ ଇଚ୍ଛାଗୁଡ଼ିକୁ ଭୁଲ ଉପାୟରେ ବ୍ୟବହାର କରନ୍ତି । (ରୋମୀ ୧:୨୬, ୨୭) କିଛି ଲୋକ ଏପରି ଥାʼନ୍ତି ଯେଉଁମାନେ ଚାହାନ୍ତି ଯେ ଲୋକମାନେ ତାଙ୍କୁ ପସନ୍ଦ କରନ୍ତୁ, ତେଣୁ ସେମାନେ ଲୋକମାନଙ୍କ କଥାରେ ପଡ଼ି ଭୁଲ କାମ କରନ୍ତି ।—ଯାତ୍ରା ୨୩:୨.

ଆମେ ନିଜ ଇଚ୍ଛାଗୁଡ଼ିକୁ କାବୁ କିପରି କରିପାରିବା ? ଆମେ ନିଜ ଧ୍ୟାନ ଯିହୋବାଙ୍କୁ ଖୁସି କରୁଥିବା ବିଷୟରେ ଲଗାଇବା ଉଚିତ୍‌ । (ମାଥି ୪:୪) ଏହାଛଡ଼ା ନିଜ ଇଚ୍ଛାଗୁଡ଼ିକୁ କାବୁ କରିବା ପାଇଁ ଆମେ ଯିହୋବାଙ୍କୁ ପ୍ରାର୍ଥନା କରିବା ଉଚିତ୍‌ । କାହିଁକି ? କାରଣ ସେ ଜାଣନ୍ତି ଯେ ଆମ ପାଇଁ କʼଣ ଭଲ ଏବଂ ସେ ଏପରି ସବୁ ଇଚ୍ଛା ପୂରା କରିପାରିବେ ଯାହା ତାଙ୍କ ଇଚ୍ଛା ମୁତାବକ ଅଛି ।—ଗୀତ ୧୪୫:୧୬.

ଧୂମ୍ରପାନ ନିଏ ଜୀବନ ନାମକ ଭିଡିଓ ଦେଖନ୍ତୁ । ତାʼପରେ ଏ ପ୍ରଶ୍ନଗୁଡ଼ିକର ଉତ୍ତର ଦିଅନ୍ତୁ:

• କିଛି ଲୋକ ସିଗାରେଟ୍‌ କାହିଁକି ପିଅନ୍ତି ?

• ସିଗାରେଟ୍‌ ପିଇଲେ ଆପଣଙ୍କ କʼଣ କ୍ଷତି ହୋଇପାରିବ ?

• ସିଗାରେଟ୍‌ ଓ ହୁକ୍‌କା ପିଇବା କାହିଁକି ଭୁଲ ଅଟେ ?—୨କରି ୭:୧

• ଆପଣ ସିଗାରେଟ୍‌କୁ “ନା” କିପରି କହିପାରିବେ ? ଆପଣ ଏହି ଅଭ୍ୟାସକୁ କିପରି ଛାଡ଼ିପାରିବେ ?