• ଗୀତ ୯୨:୫—ଏହି ପଦରେ ଯିହୋବାଙ୍କ ବୁଦ୍ଧି ବିଷୟରେ ଯେପରି ଭାବେ ଲେଖାଯାଇଛି, ତାହା କାହିଁକି ଠିକ୍‌ ଅଟେ ? (ଯିହୋବାଙ୍କ ନିକଟବର୍ତ୍ତୀ ପୃ ୧୭୬ ¶୧୮)

  ଉତ୍ତର

• ଏ ସପ୍ତାହର ଅଧ୍ୟାୟଗୁଡ଼ିକରୁ ଆପଣ ଆଉ କʼଣ କ’ଣ ଶିଖିଲେ ?

  ଉତ୍ତର

ଯିହୋବାଙ୍କ ସେବକମାନଙ୍କୁ ମଧ୍ୟ ଚିନ୍ତାଗୁଡ଼ିକ (ଏଞ୍ଜାଇଟି) ହୁଏ । ଯେପରି, ଦାଉଦଙ୍କୁ ନିଜ ଜୀବନରେ ଅନେକଥର ଚିନ୍ତାର ସାମନା କରିବାକୁ ପଡ଼ିଲା । (ଗୀତ ୧୩:୨; ୧୩୯:୨୩) ଆଜି ବି ଆମର ଅନେକ ଭାଇଭଉଣୀଙ୍କୁ ଡର ଓ ଚିନ୍ତା ଲାଗିରହେ । ଆମ ଯୁବାମାନେ ମଧ୍ୟ ଏହାର ସାମନା କରନ୍ତି । ଅନେକଥର ଅତ୍ୟଧିକ ଚିନ୍ତା ଯୋଗୁଁ ସେମାନଙ୍କ ପାଇଁ ପ୍ରତିଦିନର କାମ କରିବା କଠିନ ହୋଇଯାଏ, ଯେପରି ସ୍କୁଲ କିମ୍ବା ସଭାରେ ଯିବା । ଏହା ଯୋଗୁଁ ସେମାନଙ୍କୁ ଅତ୍ୟଧିକ ଡର ଓ ଚିନ୍ତାର ସାମନା କରିବାକୁ ପଡ଼ିପାରେ କିମ୍ବା ସେମାନେ ନିଜର ଜୀବନ ବି ନେବା ପାଇଁ ଭାବିପାରନ୍ତି ।

ଯୁବାମାନେ, ଯଦି ଆପଣଙ୍କୁ ଅତ୍ୟଧିକ ଚିନ୍ତା ହେବାକୁ ଲାଗେ, ତେବେ ନିଜ ବାପାମାଆ କିମ୍ବା ମଣ୍ଡଳୀର କୌଣସି ପ୍ରୌଢ଼ ଭାଇଭଉଣୀଙ୍କ ସହିତ କଥା ହୁଅନ୍ତୁ । ଯିହୋବାଙ୍କୁ ମଧ୍ୟ ପ୍ରାର୍ଥନା କରିବା ଭୁଲନ୍ତୁ ନାହିଁ । (ଫିଲିପ୍‌ ୪:୬) ସେ ଆପଣଙ୍କର ନିଶ୍ଚୟ ସାହାଯ୍ୟ କରିବେ । (ଗୀତ ୯୪:୧୭-୧୯; ଯିଶା ୪୧:୧୦) ସ୍ଟିଙ୍ଗଙ୍କ ବିଷୟରେ ହିଁ ଭାବନ୍ତୁ ।

ଯିହୋବା ମୋର ଯତ୍ନ ନେଲେ ଭିଡିଓ ଦେଖାନ୍ତୁ । ତାʼପରେ ଲୋକମାନଙ୍କୁ ପଚାରନ୍ତୁ:

• ବାଇବଲର କେଉଁ ପଦରୁ ସ୍ଟିଙ୍ଗଙ୍କୁ ସାହାଯ୍ୟ ମିଳିଲା ଏବଂ କାହିଁକି ?

• ଯିହୋବା କିପରି ତାଙ୍କର ଯତ୍ନ ନେଲେ ?

ବାପାମାଆମାନେ, ଯଦି ଆପଣଙ୍କ ପିଲାମାନଙ୍କୁ ଚିନ୍ତା ହେବାକୁ ଲାଗେ, ତେବେ ଆପଣ ସେମାନଙ୍କ ସାହାଯ୍ୟ କରିପାରିବେ । ଧୈର୍ଯ୍ୟର ସହ ସେମାନଙ୍କ ଶୁଣନ୍ତୁ, ତାଙ୍କୁ କହନ୍ତୁ ଯେ ଆପଣ ତାଙ୍କୁ ପ୍ରେମ କରନ୍ତି ଏବଂ ଭରସା କରାନ୍ତୁ ଯେ ଯିହୋବା ବି ତାଙ୍କୁ ପ୍ରେମ କରନ୍ତି । (ତୀତ ୨:୪; ଯାକୁ ୧:୧୯) ଯିହୋବାଙ୍କୁ ପ୍ରାର୍ଥନା କରନ୍ତୁ ଯେ ସେ ଆପଣଙ୍କୁ ସାନ୍ତ୍ୱନା ଓ ସାହସ ଦିଅନ୍ତୁ । ଏପରି କରିବା ଦ୍ୱାରା ଆପଣ ନିଜ ପିଲାମାନଙ୍କୁ ସାହାଯ୍ୟ କରିପାରିବେ ।

ହୁଏତ ଆମକୁ ଜଣା ନ ଥିବ ଯେ ମଣ୍ଡଳୀର କେଉଁ ଭାଇ କିମ୍ବା ଭଉଣୀ ଚିନ୍ତାର ସାମନା କରୁଛନ୍ତି କିମ୍ବା ହୁଏତ ଆମକୁ ବୁଝା ପଡ଼ିବନି ଯେ ତାଙ୍କ ଉପରେ କʼଣ ଘଟୁଛି, ତଥାପି ଆମେ ସେମାନଙ୍କର ସାହାଯ୍ୟ କରିପାରିବା । ଆମେ ମଣ୍ଡଳୀର ସମସ୍ତ ଭାଇଭଉଣୀମାନଙ୍କୁ ଅନୁଭବ କରାଇପାରିବା ଯେ ଆମେ ସେମାନଙ୍କୁ ପ୍ରେମ କରୁ ଏବଂ ନିଜର ମନେ କରୁ ।—ହିତୋ ୧୨:୨୫; ଏବ୍ରୀ ୧୦:୨୪.