ଶିଷ୍ୟ କରିବା କାମ ଘର ତିଆରି କରିବା ସଦୃଶ। ଯେପରି ଘର ତିଆରି କରିବା ପାଇଁ ଉପକରଣଗୁଡ଼ିକର ସଠିକ୍‌ ଉପଯୋଗ କରିବା ଜରୁରୀ, ଠିକ୍‌ ସେହିପରି ଶିଷ୍ୟ କରିବା ପାଇଁ ଆମେ ଶିକ୍ଷା ଉପକରଣ ବକ୍ସର କୁଶଳତାର ସହିତ ବ୍ୟବହାର କରିବା ଉଚିତ୍‌। ବିଶେଷ କରି ବାଇବଲ ପଦ ଦେଖାଇବାରେ ଆମେ କୁଶଳୀ ହେବା ଉଚିତ୍‌, କାରଣ ବାଇବଲ ଆମର ମୁଖ୍ୟ ପ୍ରକାଶନ। (୨ତୀମ ୨:୧୫) କୌଣସି ନିର୍ଦ୍ଦିଷ୍ଟ ପ୍ରକାଶନ ଲୋକଙ୍କୁ କିପରି ଦେବା ଏବଂ କେଉଁ ଭିଡିଓଟିକୁ କାହାକୁ ଦେଖାଇବା, ତାହା ଆମେ ଜାଣିବା ଉଚିତ୍‌। କାରଣ ଆମର ଲକ୍ଷ୍ୟ ହେଉଛି, ଯୀଶୁଙ୍କ ଶିଷ୍ୟ ହେବା ପାଇଁ ଲୋକମାନଙ୍କୁ ଶିଖାଇବା। a

ଆପଣ ଶିକ୍ଷା ଉପକରଣ ବକ୍ସର ସଠିକ୍‌ ବ୍ୟବହାର କରିବା କିପରି ଶିଖିପାରିବେ? (୧) ନିଜ ପ୍ରଚାର ସମୂହର ଅଧ୍ୟକ୍ଷଙ୍କୁ ସାହାଯ୍ୟ ମାଗନ୍ତୁ, (୨) କୌଣସି ଅଭିଜ୍ଞ ପ୍ରଚାରକ ବା ଅଗ୍ରଦୂତଙ୍କ ସହିତ ପ୍ରଚାର କରନ୍ତୁ ଏବଂ (୩) ବାରମ୍ବାର ଅଭ୍ୟାସ କରନ୍ତୁ। ଯେତେବେଳେ ଆପଣ ଏହି ପ୍ରକାଶନ ଓ ଭିଡିଓଗୁଡ଼ିକର କୁଶଳତାର ସହିତ ବ୍ୟବହାର କରିବେ, ଆପଣଙ୍କୁ ଶିଷ୍ୟ କରିବା କାମରେ ବହୁତ ଖୁସି ମିଳିବ।