ଯୀଶୁ ଖ୍ରୀଷ୍ଟ ଏକ ଶମିରୋଣୀୟା ସ୍ତ୍ରୀକୁ ସୁଯୋଗ ଦେଖି ସାକ୍ଷ୍ୟ ଦେଇପାରିଲେ, କାରଣ ସେ ସାକ୍ଷ୍ୟ ଦେବା ପୂର୍ବରୁ ଏକ ସ୍ୱାଭାବିକ କଥାବାର୍ତ୍ତା ଆରମ୍ଭ କଲେ । ଅଚିହ୍ନା ବ୍ୟକ୍ତିମାନଙ୍କ ସହ କଥାବାର୍ତ୍ତା ଆରମ୍ଭ କରିବାରେ ଆମେ ନିଜ ଦକ୍ଷତା କିପରି ବଢ଼ାଇପାରିବା?

• ଲୋକମାନଙ୍କୁ ବନ୍ଧୁତାପୂର୍ଣ୍ଣ ବ୍ୟବହାର ଦେଖାନ୍ତୁ ଏବଂ କଥା ହୁଅନ୍ତୁ । ଯଦିଓ ଯୀଶୁ ଥକି ଯାଇଥିଲେ, ତଥାପି ସେ ପିଇବା ପାଇଁ ପାଣି ମାଗି କଥାବାର୍ତ୍ତା ଆରମ୍ଭ କଲେ । ତେଣୁ ହୁଏତ ଆପଣ ମଧ୍ୟ ପାଣିପାଗ କିମ୍ବା କୌଣସି ସାମ୍ପ୍ରତିକ ଘଟଣା ବିଷୟରେ ନିଜ ମତାମତ ଦେଇ କଥାବାର୍ତ୍ତା ଆରମ୍ଭ କରିପାରିବେ । ମନେ ରଖନ୍ତୁ ଯେ ଆମର ପ୍ରାରମ୍ଭିକ ଉଦ୍ଦେଶ୍ୟ ହେଉଛି, କେବଳ କଥାବାର୍ତ୍ତା ଆରମ୍ଭ କରିବା । ତେଣୁ ଏପରି କୌଣସି ବିଷୟରେ କଥାବାର୍ତ୍ତା ଆରମ୍ଭ କରନ୍ତୁ, ଯେଉଁଥିରେ ବ୍ୟକ୍ତି ଜଣକ ରୁଚି ରଖୁଥିବେ । ଯଦି ସେ କିଛି ପ୍ରତିକ୍ରିୟା ଦେଖାନ୍ତି ନାହିଁ, ତେବେ ସେଥିରେ କିଛି କ୍ଷତି ନାହିଁ । ଆପଣ ହାର୍‌ ମାନନ୍ତୁ ନାହିଁ, ଅନ୍ୟ କାହା ସହିତ କଥା ହୁଅନ୍ତୁ । ଯିହୋବାଙ୍କୁ ପ୍ରାର୍ଥନାରେ ସାହସ ମାଗନ୍ତୁ ।—ନିହି ୨:୪; ପ୍ରେରି ୪:୨୯.

• ସାକ୍ଷ୍ୟ ଦେବାର କୌଣସି ସୁଯୋଗକୁ ହାତଛଡ଼ା କରନ୍ତୁ ନାହିଁ । ସେଥିପାଇଁ ସର୍ବଦା ପ୍ରସ୍ତୁତ ରହନ୍ତୁ । କିନ୍ତୁ ତରବର ହୁଅନ୍ତୁ ନାହିଁ । କଥାବାର୍ତ୍ତାକୁ ସ୍ୱାଭାବିକ ଭାବେ ଆଗକୁ ବଢ଼ିବାକୁ ଦିଅନ୍ତୁ । ଯଦି ଆପଣ ତୁରନ୍ତ ଓ ଜବରଦସ୍ତି ସାକ୍ଷ୍ୟ ଦେବାକୁ ଚେଷ୍ଟା କରିବେ, ତେବେ ହୁଏତ ବ୍ୟକ୍ତି ଜଣକୁ ଏହା ଅଖାଡ଼ୁଆ ଲାଗିପାରେ ଏବଂ ସେ କଥାବାର୍ତ୍ତା ବନ୍ଦ କରିଦେଇପାରନ୍ତି । ଯଦି ଆପଣଙ୍କ ସାକ୍ଷ୍ୟ ଦେବା ପୂର୍ବରୁ କଥାବାର୍ତ୍ତା ସମାଯ୍ତ ହୋଇଯାଏ, ତେବେ ନିରାଶ ହୁଅନ୍ତୁ ନାହିଁ । ଯଦି ଆପଣଙ୍କୁ ସୁସମାଚାର ବିଷୟରେ କହିବାକୁ ଭୟ ଲାଗେ, ତେବେ ସାକ୍ଷ୍ୟ ଦେବାର ଉଦ୍ଦେଶ୍ୟ ନ ରଖି କଥାବାର୍ତ୍ତା ଆରମ୍ଭ କରିବାର ଅଭ୍ୟାସ କରନ୍ତୁ । [ଭିଡିଓ-୧ ଚଲାନ୍ତୁ ଏବଂ ଆଲୋଚନା କରନ୍ତୁ ।]

• ସାକ୍ଷ୍ୟ ଦେବା ପାଇଁ ଏକ ସୁଯୋଗ ତିଆରି କରନ୍ତୁ । ଏଥିପାଇଁ ନିଜ ବିଶ୍ୱାସ ବିଷୟରେ ହୃଦୟରୁ କୌଣସି ଏକ କଥା କୁହନ୍ତୁ, ଯାହାଫଳରେ ବ୍ୟକ୍ତି ଜଣକର ମନରେ ହୁଏତ ସେବିଷୟରେ ଆହୁରି ଜାଣିବା ପାଇଁ ଇଚ୍ଛା ଜାଗ୍ରତ ହେବ । ଯୀଶୁ କିଛି କୌତୁହଳପୂର୍ଣ୍ଣ କଥା କହିଲେ, ଯାହାଫଳରେ ସ୍ତ୍ରୀ ଜଣକ ସେବିଷୟରେ ପ୍ରଶ୍ନ ପଚାରିବା ପାଇଁ ବାଧ୍ୟ ହେଲା । କିଛି ସମୟ ପରେ, ଯେତେବେଳେ ଯୀଶୁ ସୁସମାଚାର ବିଷୟରେ କହିବାକୁ ଲାଗିଲେ, ସେ କେବଳ ସ୍ତ୍ରୀଟିର ପ୍ରଶ୍ନଗୁଡ଼ିକର ଉତ୍ତର ଦେଉଥିଲେ । [ଭିଡିଓ-୨ ଚଲାନ୍ତୁ ଏବଂ ଆଲୋଚନା କରନ୍ତୁ । ତାʼପରେ ଭିଡିଓ-୩ ଚଲାନ୍ତୁ ଏବଂ ଆଲୋଚନା କରନ୍ତୁ ।]