35 АХУРГӔНӔН СТАТЬЯ
Йеговӕ ӕ сӕрниллӕг лӕггадгӕнгутӕн аргъ кӕнуй
«Йеговӕ... сӕрниллӕг адӕймаги уинуй» (ПС. 138:6).
48 ЗАР Алли бон дӕр Йегови хӕццӕ цӕуӕн
РАЗДЗУРД *
1. Йеговӕ сӕрниллӕг адӕнмӕ цӕхуӕн цӕстӕй кӕсуй? Ба ’й лӕдӕрун кӕнӕ.
ЙЕГОВӔ уарзуй сӕрниллӕг адӕни. Ӕрмӕстдӕр ӕцӕг сӕрниллӕг ка ӕй, уони бон ӕй Йеговӕмӕ хӕстӕг кӕнун. Сӕрбӕрзонд адӕни хӕццӕ ба ин «еумӕйагӕй неци ес» (Пс. 138:6). Алкедӕр ни фӕндуй Йегови зӕрдӕ рохс кӕнун ӕма ин ӕ уарзондзийнадӕ нӕхебӕл ӕвзарун. Мадта гъӕуама архайӕн, цӕмӕй сӕрниллӕг уӕн.
2. Аци статьяй цӕмӕ ӕркӕсдзиан?
2 Аци статьяй дзуапп базондзиан ӕртӕ фарстайебӕл: 1) сӕрниллӕг адӕймаг цӕхуӕн фӕууй? 2) Еци менеуӕгбӕл архайун цӕмӕн гъӕуй? 3) Нӕ сӕрниллӕгдзийнадӕ цӕхуӕн уавӕрти фӕлвӕрд ӕрцӕуй? Идарддӕр ӕй куд базондзиан, уотемӕй сӕрниллӕгдзийнадӕбӕл ку архайӕн, уӕд е нӕхецӕн дӕр пайда уодзӕй, удта ма Йегови зӕрдӕ дӕр рохс кӕндзиан (Ӕмб. 27:11; Ис. 48:17).
СӔРНИЛЛӔГ АДӔЙМАГ ЦӔХУӔН ФӔУУЙ?
3. Сӕрниллӕг адӕймаг цӕхуӕн фӕууй?
3 Сӕрниллӕг адӕймаг сӕрбӕрзонд ӕма ӕхецӕй боз нӕ фӕууй. Библи куд зӕгъуй, уомӕ гӕсгӕ ’й сӕрниллӕг адӕймаг фӕллӕдӕруй, Хуцау си цӕйбӕрцӕ уӕлдӕр ӕй, уой, удта си алли адӕймаг дӕр цӕмӕйдӕр хуӕздӕр ке ӕй, уой дӕр (Фил. 2:3, 4).
4, 5. Уотӕ зӕгъӕн цӕмӕн ес, ӕма еуӕй-еу адӕн сӕрниллӕг ӕрмӕстдӕр фиццаг бакастӕй фӕуунцӕ?
4 Еуӕй-еу адӕн сӕрниллӕг ӕрмӕстдӕр фиццаг бакастӕй фӕуунцӕ. Ка ’й зонуй, адӕймагӕн ӕ райгурцӕй дӕр сабур уодигъӕдӕ ес, кенӕ ба иннети нимайуй, уомӕн ӕма ’й ӕ ниййергутӕ уотӕ исахур кодтонцӕ. Фал медӕгӕй ба хъӕбӕр сӕрбӕрзонд ӕй. Уӕхӕн адӕймагӕн, ӕ зӕрдихатт еу афони уӕддӕр рабӕрӕг уй (Лук. 6:45).
5 Иннердиги ба, адӕймаг нифсхаст ӕма ӕргом дзурд ку уа, Иоан. 1:46, 47). Фал дзурдарӕхст ӕма ӕнтӕстгун адӕн гъӕуама лӕмбунӕг уонцӕ, цӕмӕй сӕ зӕрдӕ сӕхебӕл дарун ма райдайонцӕ. Кудфӕнди ма уа, уӕддӕр гъӕуама ӕгас хъауритӕй архайӕн, цӕмӕй сӕрниллӕг уӕн.
уӕд е уобӕл дзорӕг нӕма ӕй, ӕма сӕрбӕрзонд ӕй (Апостол Павел сӕрниллӕг адтӕй ӕма ӕхе иннетӕй уӕлдӕр нӕ нимадта (кӕсӕ 6 абзац) *
6. 1 Коринфӕгтӕмӕ 15:10 куд финст ӕй, уомӕ гӕсгӕ апостол Павели цӕветтонӕй цӕбӕл ахур кӕнӕн?
6 Ӕркӕсӕн апостол Павели цӕветтонмӕ. Йеговӕ си испайда кодта, цӕмӕй аллихузи горӕтти ӕмбурдтӕ ӕрфедар кодтайдӕ. Павелӕн ӕ лӕггади цӕйбӕрцӕ бантӕстӕй, уойбӕрцӕ, Киристей апостолтӕй, ӕвӕдзи, некӕмӕн бантӕстӕй. Фал Павел ӕхе иннӕ ӕнсувӕртӕй уӕлдӕр нӕ кодта. Е сӕрниллӕгӕй загъта: «Ӕз апостолтӕй се ’гасемӕйдӕр дӕлдӕр дӕн ӕма, апостоли ном хӕссуни аккаг дӕр нӕ дӕн, уомӕн ӕма ӕз ӕфхуардтон Хуцауи ӕмбурд» (1 Кор. 15:9). Уой фӕсте ба Павел загъта, Хуцауи ӕмбал е ’стур хуарзӕнхи фӕрци ке иссӕй, цӕйбӕрцӕ ин бантӕстӕй кенӕ имӕ ци искурдиӕдтӕ адтӕй, уой фӕрци нӕ, фал. (Бакӕсӕ 1 Коринфӕгтӕмӕ 15:10.) Коринфи ӕмбурдӕй кадӕртӕ Павели нихмӕ дзурдтонцӕ, фал Павел еци ӕмбурдмӕ ци финстӕг ниффинста, уомӕй бӕрӕг ӕй, цӕхуӕн сӕрниллӕг адтӕй, е (2 Кор. 10:10).
Карл Клейн лӕггадӕ кодта Разамонӕг совети ӕма адтӕй сӕрниллӕг ӕнсувӕр (кӕсӕ 7 абзац)
7. Еу бӕрнон ӕнсувӕр сӕрниллӕгдзийнадӕ куд бавдиста?
7 Хуӕртӕ ӕма ӕнсувӕртӕй берети зӕрдӕмӕ фӕццудӕй, Разамонӕг совети ка лӕггадӕ кодта, еци ӕнсувӕр Карл Клейни биографи. Карл сӕрниллӕгӕй радзурдта, берӕ ӕнзти дӕргъи цӕхуӕн зиндзийнӕдтӕбӕл ӕмбалдӕй, уой. Зӕгъӕн, 1922 анзи фиццаг хатт рацудӕй хӕдзарӕй-хӕдзарӕмӕ игъосун кӕнунмӕ, фал имӕ е уотӕ зин фӕккастӕй, ӕма дууӕ анзей дӕргъи хӕдзарӕй-хӕдзарӕмӕ еунӕг хатт дӕр нӕбал рацудӕй. Фӕстӕдӕр ба Вефили ку лӕггадӕ кодта, уӕд ин еу ӕнсувӕр унаффӕ равардта, ӕма ибӕл хъӕбӕр фӕззӕрдихудт ӕй. Сауӕнгӕ ма ӕ нервитӕ дӕр *.
куддӕр кӕнун райдӕдтонцӕ, ӕма цӕйбӕрцӕдӕр рӕстӕг ӕхе кеми нӕ цудӕй. Фал уӕддӕр берӕ кадгин ихӕстӕ ӕнхӕст кодта. Расагъӕс кӕнӕ, бӕрнон ӕнсувӕр уогӕй ӕй цӕйбӕрцӕ сӕрниллӕгдзийнадӕ гъудӕй, цӕмӕй ӕ лӕмӕгъдзийнӕдти туххӕй уотӕ ӕргом радзурдтайдӕ! Карл Клейни биографи беретӕ гъуди кӕнунцӕСӔРНИЛЛӔГДЗИЙНАДӔБӔЛ АРХАЙУН ЦӔМӔН ГЪӔУЙ?
8. 1 Петури 5:6 финст дзурдтӕй куд зиннуй, сӕрниллӕг адӕнӕй Йегови зӕрдӕ ке рохс кӕнуй?
8 Йегови зӕрдӕ рохс кӕнун нӕ ке фӕндуй, фиццагидӕр уой туххӕй гъӕуама архайӕн сӕрниллӕгдзийнадӕбӕл. Апостол Петур дӕр уой хуарз балӕдӕрун кодта. (Бакӕсӕ 1 Петури 5:6.) Петури дзурдти туххӕй киунуги «Приходи и следуй за мной» уотӕ финст ӕй: «Сӕрбӕрзонддзийнадӕ марг ӕй, ӕма устур зиан хӕссуй. Сӕрбӕрзонддзийнадӕ цийфӕнди искурдиадгин адӕймаги дӕр Хуцауӕн ӕнӕпайда искӕнуй. Сӕрниллӕг адӕймаг ба Хуцауи цӕсти кадгин ӕй ӕма, цийфӕнди ӕвӕлтӕрд ма уа, уӕддӕр си Йеговӕ испайда кӕндзӕй. [...] Йеговӕн ӕхцӕуӕн уодзӕй дӕуӕн дӕр дӕ сӕрниллӕгдзийнади туххӕй райарфӕ кӕнун» *. Нӕ уӕларвон Фиди зӕрдӕ рохс кӕнунӕй хуӕздӕр ма ци гъӕуама уа! (Ӕмб. 23:15).
9. Сӕрниллӕг ка ӕй, уони хӕццӕ лимӕн кӕнун нӕ цӕмӕн фӕффӕндуй?
9 Уомӕй уӕлдай ма сӕрниллӕгдзийнадӕбӕл ку архайӕн, уӕд е нӕхецӕн дӕр устур пайда ӕрхӕсдзӕй. Сӕрниллӕг адӕймаги хӕццӕ алкедӕр фӕндуй лимӕн кӕнун. Ӕвӕдзи, дӕхуӕдӕг дӕр ӕмбалӕн уӕхӕн адӕймаги равзурстайсӕ (Матф. 7:12). Хеваст ӕма иннети гъуди ка нецӕмӕ даруй, уӕхӕн адӕймаги хӕццӕ рӕстӕг ӕрветун неке фӕффӕндуй. Фал иннети рист кӕмӕ гъаруй, ӕнсувӕрти ка уарзуй, кӕрӕдзей зин ка лӕдӕруй ӕма сӕрниллӕг ка ӕй, уӕхӕнтти хӕццӕ лимӕн кӕнун ба алкедӕр фӕндуй (1 Пет. 3:8). Ӕма кӕд махӕн ӕхцӕуӕн ӕй, уӕхӕн адӕни хӕццӕ лимӕн кӕнун, уӕд уонӕн дӕр нӕ хӕццӕ лимӕн кӕнун ӕхцӕуӕн уодзӕй, сӕрниллӕг ку уӕн, уӕд.
10. Сӕрниллӕг адӕймагӕн царди медӕг ӕнцондӕр цӕмӕн фӕууй?
10 Сӕрниллӕг ку уӕн, уӕд нин царди медӕги дӕр ӕнцондӕр уодзӕй. Ӕвӕдзи ’й уинӕн, царди цӕйбӕрцӕ ӕнӕраст гъуддӕгтӕ фӕууй, уой. Зӕгъӕн, зундгин паддзах Соломон загъта: «Ӕз фӕууидтон лӕггадгӕнгути бӕхтӕбӕл Еккл. 10:7). Ӕма ӕцӕгӕйдӕр, цӕхуӕндӕр гъуддӕгти иннетӕй дӕснидӕр ка фӕууй, уони гъуди дӕр нӕ фӕккӕнунцӕ, ка неци фӕллӕдӕруй, уони ба ниддессаг кӕнунцӕ. Фал, Соломон куд загъта, уомӕ гӕсгӕ лӕдӕрун гъӕуй, цард нуртӕккӕ уотӕ ке ӕй, уой, ӕма дзӕгъӕли ма маст кӕнун (Еккл. 6:9). Ӕма нин еци гъуддаги ӕнцондӕр уодзӕй, сӕрниллӕг ку уӕн, уӕд.
бадгӕ, къниӕзти ба хумӕтӕг лӕггадгӕнгути хузӕн фестӕгӕй цӕугӕ» (НӔ СӔРНИЛЛӔГДЗИЙНАДӔ ЦӔХУӔН УАВӔРТИ ФӔЛВӔРД ӔРЦӔУЙ?
Аци уавӕрти сӕрниллӕг ун зин цӕмӕн ӕй? (кӕсӕ 11 ӕма 12 абзацтӕ) *
11. Унаффӕмӕ цӕхуӕн цӕстӕй гъӕуама кӕсӕн?
11 Алли бон дӕр нин берӕ фадуӕттӕ фӕууй, сӕрниллӕг ке ан, уой бавдесунмӕ. Ӕркӕсӕн цалдӕр уавӕремӕ. Унаффӕ нин ку раттунцӕ. Кӕд гъуддаг уой уӕнгӕ ӕрцудӕй, ӕма нин унаффӕ раттун багъудӕй, уӕд, ӕвӕдзи, уавӕр, мах куд ӕнгъӕл адтан, уомӕй фуддӕр ӕй. Унаффӕ нин ку раттунцӕ, уӕд нӕ фиццагидӕр, ӕвӕдзи, фӕффӕндуй, еци унаффӕбӕл нӕ къох ракъуӕрун. Кенӕ ба нин ӕй ка равардта, еци адӕймагмӕ рамӕстгун уӕн, ци нин загъта кенӕ нин ӕй куд загъта, уобӕл. Фал сӕрниллӕг ку уӕн, уӕд байархайдзиан, цӕмӕй еци унаффӕмӕ раст цӕстӕй ракӕсӕн.
12. Ӕмбесӕндти 27:5, 6 куд финст ӕй, уомӕ гӕсгӕ унаффи туххӕй боз цӕмӕн гъӕуама уӕн? Ӕрхӕссӕ цӕветтон.
12 Сӕрниллӕг адӕймаг, унаффӕ ин ка равардта, уомӕй боз фӕууй. Зӕгъӕн, ӕмбурди разӕй хуӕртӕ ӕма ӕнсувӕрти хӕццӕ дзубандитӕ кӕнис, ӕма дӕ сӕ еу еуварсмӕ рахудта ӕма дин зӕгъуй, дӕ дӕндӕгути цидӕр ниннахстӕй, зӕгъгӕ. Ӕвӕдзи, фиццаг ракуддӕр уодзӕнӕ, фал си боз дӕр куд нӕ уодзӕнӕ. Ӕвӕдзи ма уотӕ дӕр расагъӕс кӕндзӕнӕ, никки раздӕр мин ӕй ку загътайдӕ, зӕгъгӕ. Хуӕртӕ ӕма ӕнсувӕртӕй нин еске нӕ рӕдудмӕ ку байамона, уӕд дӕр гъӕуама гъе уотӕ боз уӕн. Гъӕуама ’й лӕдӕрӕн етӕ не ’мбӕлттӕ ке ’нцӕ, не знӕгтӕ нӕ, фал. (Бакӕсӕ Ӕмбесӕндтӕ 27:5, 6; Гал. 4:16.)
Иннетӕн кадгин гъуддӕгтӕ ку баихӕс кӕнунцӕ, уӕд нӕ сӕрниллӕгдзийнадӕ цӕмӕн багъӕуй? (кӕсӕ 13 ӕма 14 абзацтӕ) *
13. Нӕ бон куд ӕй сӕрниллӕгдзийнадӕ ӕвдесун, иннетӕн кадгин гъуддӕгтӕ ку баихӕс кӕнунцӕ, уӕд?
13 Иннетӕн кадгин гъуддӕгтӕ ку баихӕс кӕнунцӕ. «Ӕнсувӕртӕн ести кадгин гъуддӕгтӕ ку баихӕс кӕнунцӕ, уӕд еуӕй-еухатт расагъӕс кӕнун: „Ӕз ба уонӕй цӕмӕй лӕгъуздӕр дӕн?“»,– зӕгъуй еу хестӕр нӕлгоймаг Джейсон. Ду ба уотӕ ескӕд расагъӕс кодтай? Кадгин ихӕстӕмӕ тундзун хуарз ӕй (1 Тим. 3:1). Фал уӕддӕр гъӕуама нӕ сагъӕстӕмӕ лӕмбунӕг кӕсӕн, цӕмӕй нӕ зӕрди сӕрбӕрзонддзийнадӕн бунат ма фӕззинна. Гӕнӕн ес, ӕма ӕнсувӕрмӕ уотӕ кӕсун райдайа, цума цӕхуӕндӕр ихӕс ӕрмӕстдӕр уой бон исуодзӕй ӕнхӕст кӕнун. Кенӕ ба хуӕрӕ уотӕ расагъӕс кӕна, аци ихӕс мӕ сӕрихецауӕй хуӕздӕр неке искӕндзӕй, зӕгъгӕ. Ӕцӕг сӕрниллӕг ку уӕн, уӕд нӕмӕ уӕхӕн сагъӕстӕ некӕд фӕззиндзӕй.
14. Моисей нин фӕнзуйнаг цӕмӕй ӕй?
14 Ӕркӕсӕн Моисеййи цӕветтонмӕ. Е Израили адӕнӕн адтӕй сӕ разамонӕг ӕма еци кадгин ихӕсӕн хъӕбӕр аргъ кодта. Фал Моисей ци хъаурӕй хайгин адтӕй, уомӕй Йеговӕ ӕндӕр кедӕрти дӕр ку исхайгин кодта, цӕмӕй етӕ дӕр ӕ ихӕстӕй кӕцидӕртӕ ӕнхӕст кодтайуонцӕ, уӕд е Моисеййӕн гъулӕг н’ адтӕй (Ним. 11:24–29). Моисей сӕрниллӕгӕй исарази ӕй, цӕмӕй ин адӕнӕн тӕрхон кӕнунмӕ иннетӕ дӕр ӕнхус кодтайуонцӕ (Рац. 18:13–24). Уой фӕрци израилӕгтӕн сӕ гъуддӕгтӕ тагъддӕр ӕвзурст цудӕнцӕ. Бӕрӕг ӕй, Моисей фиццагидӕр адӕни сагъӕс ке кодта, ци бунат ахӕссуй, уой сагъӕс нӕ, фал. Ӕма махӕн дӕр уомӕй фӕнзуйнаг ӕй! Кӕд нӕ фӕдуй, цӕмӕй Йегови гъуддагӕн пайда уӕн, уӕд гъӕуама нӕ зӕрдӕбӕл дарӕн еу гъуддаг: сӕрниллӕгдзийнадӕ сӕрӕндзийнадӕй дзӕвгарӕ ӕхсидзгӕдӕр ӕй. Библий финст ӕй: «Йеговӕ бадуй бӕрзондбӕл, фал сӕрниллӕг адӕймаги уинуй» (Пс. 138:6).
15. Берӕ хуртӕ ӕма ӕнсувӕртӕн сӕ царди цӕхуӕн ӕййивддзийнӕдтӕ ӕрцудӕй?
15 Царди ӕййивддзийнӕдтӕ ку ӕрцӕуй. Фӕстаг ӕнзти берӕ рӕстӕг еу рауӕн ка лӕггадӕ кодта, еци хуӕртӕ ӕма ӕнсувӕртӕй берети ӕндӕр кумӕдӕр иснисан кодтонцӕ. Зӕгъӕн, 2014 анзи организаци унаффӕ рахаста областон цӕстӕдаргутӕ ке нӕбал уодзӕй. Уомӕ гӕсгӕ еци хузи ка лӕггадӕ кодта, еци ӕнсувӕртӕн ӕма сӕ бийнойнӕгтӕн ӕндӕр куст баихӕс кодтонцӕ. Уомӕй уӕлдай ма еци анз уӕхӕн унаффӕ дӕр рахастонцӕ, ӕма районон цӕстӕдарӕгбӕл 70 анзи ку исӕнхӕст уа, уӕд ӕ бон идаддӕр лӕггадӕ кӕнун нӕбал уодзӕй. Хестӕр нӕлгоймӕгти совети координаторӕй ка лӕггадӕ кӕнуй, еци ӕнсувӕр ба еци ихӕс нӕбал ӕнхӕст кӕндзӕй 80 анзи ибӕл ку исӕнхӕст уа, уӕд. Уомӕй уӕлдай ма фӕстаг рӕстӕг Вефилти ка лӕггадӕ кодта, уонӕй
дӕр берети пионертӕй иснисан кодтонцӕ. Кедӕрти ба сӕ лӕггадӕ ниууадзун багъудӕй се ’нӕнездзийнади туххӕй, сӕ бийнонти ӕнхус ке гъудӕй, уой туххӕй ӕма ӕндӕр гъуддӕгти туххӕй.16. Ӕййвддзийнӕдтӕ ке царди ӕрцудӕй, еци хуӕртӕ ӕма ӕнсувӕртӕ нӕуӕг уавӕртӕбӕл цӕй фӕрци исахур ӕнцӕ?
16 Уӕхӕн ӕййивддзийнӕдтӕ ке царди ӕрцудӕй, еци хуӕртӕ ӕма ӕнсувӕртӕн ӕнцон н’ адтӕй, уомӕн ӕма уойбӕрцӕ ӕнзтӕ кӕми рарвистонцӕ, еци лӕггадӕ сӕ зӕрдӕмӕ хъӕбӕр цудӕй. Сӕ лӕггадӕ син хъӕбӕр зин уадзӕн адтӕй. Фал рӕстӕг рацудӕй, ӕма нӕуӕг уавӕртӕбӕл исахур ӕнцӕ. Цума син ци банхус кодта? Фиццагидӕр Йегови ке уарзунцӕ, е. Етӕ ’й лӕдӕрунцӕ, сӕхе Йеговӕн ке иснивонд кодтонцӕ, цӕхуӕндӕр кустӕн нӕ, фал (Кол. 3:23). Ӕма сӕрниллӕгӕй, удта цийнӕгӕнгӕй арази кӕнунцӕ, Йеговӕ син кӕми зӕгъа, уоми лӕггадӕ кӕнунбӕл. Етӕ се ’гас сагъӕстӕ дӕр уой барӕ бакӕнунцӕ, уомӕн ӕма ’й зонунцӕ ке сӕбӕл батухсдзӕй (1 Пет. 5:6, 7).
17. Йеговӕ нӕ ӕ Дзурди фӕрци сӕрниллӕгдзийнадӕмӕ ке разӕнгард кӕнуй, уой туххӕй си боз цӕмӕн ан?
17 Мах Йеговӕй хъӕбӕр боз ан, ӕ Дзурди фӕрци нӕ сӕрниллӕгдзийнадӕмӕ ке разӕнгард кӕнуй, уой туххӕй. Сӕрниллӕг ку уӕн, уӕд иннетӕн ӕхцӕуӕн уодзӕй нӕ хӕццӕ лимӕн кӕнун. Уомӕй уӕлдай ма нӕ сӕрниллӕгдзийнадӕ нӕхецӕн дӕр ӕма иннетӕн дӕр пайда хӕсдзӕй, удта нин цӕрун дӕр ӕнцондӕр уодзӕй. Фал уомӕй сӕйрагдӕр ба е ӕй, ӕма сӕрниллӕг ку уӕн, уӕд нӕ уӕларвон Фидӕмӕ хӕстӕгдӕр кӕндзиан. Нӕ «Устур ӕма Бӕрзонд» Хуцау Йеговӕ ӕ сӕрниллӕг лӕггадгӕнгути уарзуй ӕма уой туххӕй хъӕбӕр амондгун ан! (Ис. 57:15).
45 ЗАР Мӕ зӕрди сагъӕстӕ
^ 5 абз. Нӕ уодигъӕди ке гъӕуама федар кӕнӕн, еци ӕхсидзгӕ менеугутӕй сӕ еу ӕй сӕрниллӕгдзийнадӕ. Сӕрниллӕг адӕймаг цӕхуӕн фӕууй? Еци менеуӕгбӕл архайун цӕмӕн гъӕуй? Нӕуӕг уавӕрти нӕ сӕрниллӕгдзийнадӕ фӕлвӕрд куд ӕрцӕуй? Аци ӕхсидзгӕ фарстатӕбӕл дзурд цӕудзӕй аци статьяй.
^ 7 абз. Кӕсӕ 1984 анзи 1 октябри «Гъӕуайгӕнӕн мӕсуг», статья «Йеговӕ мин хуарздзийнадӕй федуй» (англ.), удта ма кӕсӕ 2001 анзи 1 маййи «Гъӕуайгӕнӕн мӕсуг», статья «Иегова так милостив ко мне!»
^ 8 абз. Кӕсӕ 3 сӕр, 23 абзац.
^ 53 абз. ХУЗӔ. Апостол Павел еу ӕнсувӕрмӕ иуазӕгуати ӕрбацудӕй ӕма иннети хӕццӕ, удта сувӕллӕнтти хӕццӕ дӕр дзубандитӕ кӕнуй.
^ 57 абз. ХУЗӔ. Каргун ӕнсувӕр ӕригондӕр ӕнсувӕрмӕ лӕмбунӕг игъосуй, раййевун ӕй ци гъӕуй, уой ин куд дзоруй, уомӕ.
^ 59 абз. ХУЗӔ. Еци каргун ӕнсувӕрӕн гъулӕг нӕй ӕмбурди кадгин ихӕстӕ ӕригондӕр ӕнсувӕри барӕ ке бакодтонцӕ, е.