39 АХУРГӔНӔН СТАТЬЯ
«Фӕууидтон хъӕбӕр берӕ адӕн»
«Фӕууидтон хъӕбӕр берӕ адӕн... Етӕ лӕудтӕнцӕ паддзахбадӕни ӕма Уӕрикки размӕ» (РАРГ. 7:9).
60 ЗАР Уой фӕрци уодзӕй уонӕн цард
РАЗДЗУРД *
1. Фиццаг ӕноси кӕрон апостол Иоанн цӕхуӕн уавӕри адтӕй?
НӔ ЭРИ фиццаг ӕноси кӕрон апостол Иоанн хъӕбӕр зин уавӕри адтӕй. Иоанн зӕронд лӕг адтӕй, уой хӕццӕ ба ма ӕрвист ӕрцудӕй Патмос сакъадахмӕ. Еци рӕстӕги апостолтӕй, ӕвӕдзи, Иоаннӕй ӕндӕр уодӕгас некебал адтӕй (Рарг. 1:9). Е ӕй зудта, раст дин ка ниууагъта, етӕ киристӕнтти астӕу мӕнгӕттӕ ке парахат кодтонцӕ ӕма ӕмбурди еудзийнадӕ фехалунбӕл ке архайдтонцӕ. Фиццаг бакастӕй уотӕ зиндтӕй, цума тагъд рӕстӕги ӕцӕг киристӕнттӕй ӕппундӕр нӕкебал байзайдзӕй (Иуд. 4; Рарг. 2:15, 20; 3:1, 17).
Апостол Иоанн фӕууидта «хъӕбӕр берӕ адӕн» уорс дарӕсти, сӕ къохти ба пальми къалиуттӕ (кӕсӕ 2 абзац)
2. Раргомади 7:9–14 куд финст ӕй, уомӕ гӕсгӕ Иоанн цӕхуӕн цӕстӕбӕлуайӕн фӕууидта? (Кӕсӕ хузӕмӕ ӕндаг цъарӕбӕл.)
2 Ӕма гъе уӕхӕн зин уавӕрти Иоанн фӕууидта дессаги цӕстӕбӕлуайӕн. Иоанн фӕууидта, цуппар изӕдемӕн загъд ке ӕрцудӕй, цӕмӕй устур бӕллӕхи карз дунгитӕбӕл хуӕцонцӕ, цалинмӕ цъагъарти тӕрнихтӕбӕл мухур ӕвӕрд не ’рцӕуа, уӕдмӕ (Рарг. 7:1–3). Мухур ӕвӕрд кӕбӕл ӕрцудӕй, етӕ ӕнцӕ, Йесой хӕццӕ уӕлӕрвти хецӕуттӕ ка уодзӕй, еци 144 000 (Лук. 12:32; Рарг. 7:4). Уой фӕсте Иоанн фӕууидта ӕндӕр адӕни къуар. Еци адӕн «хъӕбӕр берӕ» адтӕнцӕ ӕма сӕ «банимайун дӕр... неке бон адтӕй». Удта адтӕнцӕ «еугур адӕнтӕй, муггӕгтӕй, адӕнихӕттитӕй ӕма ӕвзӕгтӕй». Етӕ «лӕудтӕнцӕ паддзахбадӕни ӕма Уӕрикки размӕ». (Бакӕсӕ Раргомадӕ 7:9–14.) Расагъӕс кӕнӕ, Иоанн куд цийнӕ кодтайдӕ, федӕни уойбӕрцӕ адӕн Йеговӕн ке лӕггадӕ кӕндзӕнцӕ, уой ку базудта, уӕд!
3. а) Иоанни цӕстӕбӕлуайӕн нин не ’ууӕндундзийнадӕ цӕмӕн федар кӕнуй? б) Аци статьяй цӕмӕ ӕркӕсдзиан?
3 Еци цӕстӕбӕлуайӕн Иоанни ӕууӕндундзийнадӕ ӕнӕмӕнгӕй бафедар кодта. Фал никки хъӕбӕрдӕр ба мах ӕууӕндундзийнадӕ федар кӕнуй, уомӕн ӕма еци цӕстӕбӕлуайӕн мах рӕстӕги ӕнхӕст кӕнуй. Мах ӕй нӕхе цӕститӕй уинӕн, устур бӕллӕхи фӕййервӕзунбӕл ӕ зӕрдӕ ка даруй
ӕма ӕносмӕ цӕрун ке фӕндуй, милиуангай уӕхӕн адӕн ӕмбурдгонд ке цӕунцӕ. Аци статьяй ӕркӕсдзиан, еу 80 анзей размӕ, хъӕбӕр берӕ адӕни къуармӕ ка хауй, уой Йеговӕ ӕ адӕнӕн куд раргом кодта, уомӕ. Уой фӕсте ба еци адӕни туххӕй базондзиан дууӕ гъуддаги: 1) цӕйбӕрцӕбӕл берӕ ’нцӕ ӕма 2) цӕйбӕрцӕбӕл аллихузи ’нцӕ. Аци статья ӕнӕмӕнгӕй бафедар кӕндзӕй, «хъӕбӕр берӕ адӕни» къуармӕ бахаун ке фӕндуй, уони.«ХЪӔБӔР БЕРӔ АДӔН» КӔМИ ЦӔРДЗӔНЦӔ?
4. Киристон динти Библийӕй цӕхуӕн гъуддаг нӕ лӕдӕрунцӕ ӕма Библиртасгутӕ уонӕй цӕмӕй хецӕн кодтонцӕ?
4 Хуцаумӕ ка игъосуй, еци адӕн ӕносмӕ зӕнхӕбӕл ке цӕрдзӕнцӕ, е кӕд Библий ӕргом финст ӕй, уӕддӕр киристон динтӕ адӕнӕн уой нӕ амонунцӕ (2 Кор. 4:3, 4). Берӕ киристон аргъауӕнти адӕнӕн дзорунцӕ хуарз адӕн сӕ мӕлӕти фӕсте уӕлӕрвтӕмӕ ке рандӕ унцӕ. Фал 1800 ӕнзти «Гъуайгӕнӕн мӕсуг» уадзун ка райдӕдта, еци Библиртасгути къуар ба ӕндӕрхузи гъуди кодтонцӕ. Етӕ ’й балӕдӕрдтӕнцӕ, Хуцау ӕгас зӕнхӕй дӕр нӕуӕгӕй дзенет ке рауайун кӕндзӕй ӕма милиуангай коммӕгӕс адӕн зӕнхӕбӕл ке цӕрдзӕнцӕ, уӕлӕрвти нӕ, фал. Фал еци коммӕгӕс адӕн ка уодзӕнцӕ, уой балӕдӕрунмӕ дӕр сӕ рӕстӕг гъудӕй (Матф. 6:10).
5. Библиртасгутӕ 144 мини туххӕй ци балӕдӕрдтӕнцӕ?
5 Библиртасгутӕ ма балӕдӕрдтӕнцӕ, кадӕртӕ «зӕнхӕй ӕлхӕд» ке ӕрцӕудзӕнцӕ, цӕмӕй Киристей хӕццӕ уӕлӕрвти паддзӕхтӕ уонцӕ (Рарг. 14:3). Етӕ уодзӕнцӕ, зӕнхӕбӕл дӕр Хуцауӕн еузӕрдонӕй ӕма зингзӕрдӕй ка лӕггадӕ кӕндзӕй, уӕхӕн киристӕнттӕ ӕма ӕдеугурӕй уодзӕнцӕ 144 мини. «Хъӕбӕр берӕ адӕни» туххӕй ба ци гъуди кодтонцӕ?
6. Библиртасгутӕ «хъӕбӕр берӕ адӕни» туххӕй ци гъуди кодтонцӕ?
6 Иоанн ӕ цӕстӕбӕлуайӕни фӕууидта, еци адӕн «паддзахбадӕни ӕма Уӕрикки размӕ» ке лӕудтӕнцӕ (Рарг. 7:9). Уомӕ гӕсгӕ Библиртасгутӕ уӕхӕн гъудимӕ ӕрцудӕнцӕ, ӕма «хъӕбӕр берӕ адӕн» дӕр уӕлӕрвти цӕрдзӕнцӕ. Фал кӕд дууӕ къуари дӕр уӕлӕрвтӕмӕ цудӕнцӕ, уӕд ма кӕрӕдземӕй цӕмӕй хецӕн кодтонцӕ? Библиртасгутӕмӕ уотӕ кастӕй, ӕма «хъӕбӕр берӕ адӕнмӕ» бахаудзӕнцӕ, зӕнхӕбӕл цӕргӕй Хуцаубӕл ӕнхӕст еузӕрдон ка н’ адтӕй, уӕхӕн киристӕнттӕ. Уонӕй кадӕртӕ Библий раст уагӕвӕрдтӕмӕ гӕсгӕ цардӕнцӕ, фал сӕ аргъауӕнтӕй дӕр нӕма рандӕ ’нцӕ. Библиртасгути гъудимӕ гӕсгӕ, еци адӕн Хуцауи уарзтонцӕ, фал уойбӕрцӕбӕл нӕ, цӕмӕй Киристей хӕццӕ паддзӕхтӕ исуонцӕ. Уомӕ гӕсгӕ ба «хъӕбӕр берӕ адӕн» паддзахбадӕнбӕл нӕ баддзӕнцӕ, фал паддзахбадӕни размӕ лӕудзӕнцӕ.
7. Библиртасгути гъудимӕ гӕсгӕ Минанзон хецаудзийнади рӕстӕг зӕнхӕбӕл ка гъӕуама цардайдӕ? Киристей размӕ ка цардӕй, еци еузӕрдон нӕлгоймӕгти туххӕй ба ци гъуди кодтонцӕ?
7 Мадта уӕд зӕнхӕбӕл ба ка гъӕуама цардайдӕ? Библиртасгути гъудимӕ гӕсгӕ, Хуцау 144 000 ӕма «хъӕбӕр берӕ адӕни» уӕлӕрвти ку ӕрӕмбурд кодтайдӕ, уӕд милиуангай адӕнӕн ба фадуат равардтайдӕ, цӕмӕй зӕнхӕбӕл цардайуонцӕ ӕма Киристей Минанзон хецаудзийнади арфӕдзийнӕдтӕй исхайгин адтайуонцӕ. Цалинмӕ, дан, Киристей Минанзон хецаудзийнадӕ нӕ райдайа, уӕдмӕ, дан, еци милиуангай адӕн Йеговӕн нӕ лӕггадӕ кӕндзӕнцӕ. Фал, дан, Йегови туххӕй базондзӕнцӕ Минанзон хецаудзийнади рӕстӕг. Ӕма уой фӕсте, Йегови закъӕнттӕмӕ гӕсгӕ ка цӕра, етӕ зӕнхӕбӕл ӕносмӕ цӕргӕ байзайдзӕнцӕ, ӕ нихмӕ ка цӕуа, етӕ ба фесӕфдзӕнцӕ. Уомӕй уӕлдай ма Библиртасгутӕ ӕууӕндтӕнцӕ, еци рӕстӕг зӕнхӕбӕл «кънийӕзтӕй» ӕвӕрд ка ’рцӕуа, уонӕй Пс. 45:16).
дӕр кадӕртӕ Минанзон хецаудзийнади кӕрон куддӕрти уӕларвон цардӕй ке исхайгин уодзӕнцӕ. Ӕма, дан, сӕ астӕу уодзӕй, Киристей размӕ ка цардӕй, еци еузӕрдон нӕлгоймӕгтӕ дӕр (8. Библиртасгути гъудимӕ гӕсгӕ цӕхуӕн ӕртӕ къуари гъӕуама байзадайдӕ?
8 Уотемӕй Библиртасгути гъудимӕ гӕсгӕ адтӕй ӕртӕ къуари 1) Йесой хӕццӕ уӕлӕрвти паддзӕхтӕ ка уодзӕнцӕ, еци 144 000 киристони, 2) «хъӕбӕр берӕ адӕн», гъома, Хуцаубӕл ӕнхӕст еузӕрдон ка нӕй ӕма «паддзахбадӕни ӕма Уӕрикки размӕ» ка лӕудзӕй, еци киристӕнттӕ, удта 3) зӕнхӕбӕл ка цӕрдзӕй ӕма Йегови туххӕй Минанзон хецаудзийнади рӕстӕг ка базондзӕй, еци милиуангай адӕн *. Фал фӕстӕдӕр Йеговӕ Библиртасгутӕн банхус кодта, цӕмӕй еци хабӕрттӕ хуӕздӕр балӕдӕрдтайуонцӕ (Ӕмб. 4:18).
РӔСТДЗИЙНАДИ РОХС ХЪӔБӔРДӔР КӔНУЙ
1935 анзи конгресси донаргъуд райстонцӕ, зӕнхӕбӕл цӕруни нифс кӕмӕн адтӕй, берӕ уӕхӕн адӕн (кӕсӕ 9 абзац)
9. а) «Хъӕбӕр берӕ адӕни» бон куд ӕй «паддзахбадӕни ӕма Уӕрикки размӕ» лӕуун? б) Раргомади 7:9 финст дзурдтӕ куд лӕдӕрӕн, е раст цӕмӕн ӕй?
9 1935 анзи Йегови Ӕвдесӕнтӕ кӕронмӕ балӕдӕрдтӕнцӕ, Иоанн цӕстӕбӕлуайӕни ке фӕууидта, еци «хъӕбӕр берӕ адӕн» ка ’нцӕ, уой. Етӕ ’й балӕдӕрдтӕнцӕ, цӕмӕй «хъӕбӕр берӕ адӕнӕн» сӕ бон уа «паддзахбадӕни ӕма Уӕрикки размӕ» лӕуун, уой туххӕй сӕ уӕлӕрвти цӕрун нӕ гъӕуй. Зӕнхӕбӕл цӕргӕй дӕр сӕ бон ӕй «паддзахбадӕни... размӕ» лӕуун. Уой туххӕй сӕ гъӕуй Йегови сӕ хецаубӕл нимайун ӕма имӕ алкӕддӕр игъосун (Ис. 66:1). Киристей нивондбӕл ке ӕууӕндунцӕ, уомӕ гӕсгӕ ба зӕгъӕн ес, ӕма «Уӕрикки размӕ» лӕуунцӕ. Зӕгъӕн, Матфеййи 25:31, 32 финст ӕй, «еугур адӕнихӕттитӕ дӕр», уони астӕу ба ма фудгӕнгутӕ дӕр, Киристей кадгин паддзахбадӕни рази ке «ӕрӕмбурд уодзӕнцӕ». Ке зӕгъун ӕй гъӕуй, еци адӕн зӕнхӕбӕл уодзӕнцӕ, уӕлӕрвти нӕ, фал. Ӕма е ӕцӕгӕйдӕр раст ӕй. Мадта бӕрӕг ӕй, Библий уотӕ финст цӕмӕн нӕййес, ӕма «хъӕбӕр берӕ адӕн» уӕлӕрвтӕмӕ рандӕ уодзӕнцӕ. Уӕларвон царди нифсӕй ӕрмӕстдӕр еунӕг къуар исхайгин ӕй. Етӕ ӕнцӕ 144 000 ӕма Йесой хӕццӕ еумӕ «зӕнхӕн уодзӕнцӕ паддзӕхтӕ» (Рарг. 5:10).
10. Цалинмӕ Киристей Минанзон хецаудзийнадӕ нӕма райдӕдта, уӕдмӕ «хъӕбӕр берӕ адӕни» Йегови туххӕй базонун цӕмӕн гъӕуй?
10 Гъе уотемӕй 1935 анзи Йегови Ӕвдесӕнтӕ балӕдӕрдтӕнцӕ, Иоанни цӕстӕбӕлуайӕни «хъӕбӕр берӕ адӕн» ка ’нцӕ, уой. Етӕ ӕнцӕ, ӕносмӕ зӕнхӕбӕл цӕруни нифс кӕмӕн ес, еци еузӕрдон киристӕнттӕ. Ӕма цӕмӕй устур бӕллӕхи фӕййервӕзонцӕ, уой туххӕй гъӕуама Йегови базононцӕ Минанзон хецаудзийнади рӕстӕг нӕ, фал, цалинмӕ нӕма райдӕдта, уӕдмӕ. Уомӕй уӕлдай ма сӕ гъӕуй федар ӕууӕндундзийнадӕ, цӕмӕй сӕ бон исуа, Киристей минанзон хецаудзийнади размӕ «ӕрцӕуйнаг ци ӕй, уони сӕрти рахезун» (Лукай 21:34–36).
11. Библиртасгутӕй кадӕртӕ, ӕвӕдзи, уотӕ цӕмӕн сагъӕс кодтонцӕ, ӕма еуӕй-еуетӕ Минанзон хецаудзийнади кӕрон уӕлӕрвтӕмӕ ист ӕрцӕудзӕнцӕ?
11 Библиртасгутӕ уотӕ ке гъуди кодтонцӕ, ӕма еузӕрдон лӕггадгӕнгутӕй кадӕртӕ Минанзон хецаудзийнади кӕрон уӕлӕрвтӕмӕ рандӕ уодзӕнцӕ, уой туххӕй ба ци ес зӕгъӕн? Уой туххӕй финст ӕрцудӕй, 1913 анзи 15 феврали «Гъӕуайгӕнӕн мӕсуги». Кадӕртӕ сагъӕс кодтонцӕ: «Рагидзаманти ка цардӕй, еци еузӕрдон лӕггадгӕнгутӕ зӕнхӕбӕл цӕмӕн гъӕуама цӕронцӕ, Хуцаубӕл ӕнхӕст еузӕрдон ка н’ адтӕй, етӕ ба уӕлӕрвти?» Ӕма уӕхӕн гъудибӕл хуӕст адтӕнцӕ, дууӕ гъуддаги раст ке нӕ лӕдӕрдтӕнцӕ, уой туххӕй: 1) «хъӕбӕр берӕ адӕн» уӕлӕрвти ке цӕрдзӕнцӕ ӕма 2) «хъӕбӕр берӕ адӕн», Хуцаубӕл ӕнхӕст еузӕрдон ка нӕй, етӕ ке ’нцӕ.
12, 13. Исӕрст киристӕнттӕ дӕр ӕма «хъӕбӕр берӕ адӕн» дӕр сӕ хуӕрзеуӕги туххӕй ци зонунцӕ?
Рарг. 7:10, 14). Удта ма Йегови Ӕвдесӕнтӕ балӕдӕрдтӕнцӕ, Киристей размӕ ка цардӕй, еци еузӕрдон лӕггадгӕнгутӕ уӕлӕрвтӕмӕ ке нӕ рандӕ уодзӕнцӕ. Библи куд зӕгъуй, уомӕ гӕсгӕ уони хӕццӕ рабаргӕй, уӕларвон цардмӕ ка райгас уа, уонӕн Хуцау «хуӕздӕр цидӕр» ӕрцӕттӕ кодта (Дзиуит. 11:40). Еци хабӕрттӕ ку балӕдӕрдтӕнцӕ, уӕд адӕнӕн зӕрдиагӕй игъосун кӕнун райдӕдтонцӕ, цӕмӕй етӕ дӕр Йеговӕн лӕггадӕ кӕнун райдӕдтайуонцӕ ӕма син ӕносмӕ зӕнхӕбӕл цӕруни нифс фӕззиндтайдӕ.
12 Фал ӕй куд фӕууидтан, уотемӕй 1935 анзи Йегови Ӕвдесӕнтӕ балӕдӕрдтӕнцӕ, Армагеддони ка фӕййервӕздзӕй, етӕ, Иоанн цӕстӕбӕлуайӕни ке фӕууидта, еци «хъӕбӕр берӕ адӕн» ке ’нцӕ. Етӕ ами зӕнхӕбӕл «стур бӕллӕхи сӕрти» рахездзӕнцӕ ӕма гъӕрӕй дзордзӕнцӕ: «Нӕ ервӕзунгӕнгутӕ ӕнцӕ нӕ Хуцау – паддзахбадӕнбӕл ка бадуй, е, ӕма Уӕриккӕ!» (13 «Хъӕбӕр барӕ адӕнӕн» ци нифс ес, е син устур цийнӕдзийнадӕ хӕссуй. Етӕ ’й лӕдӕрунцӕ, еузӕрдон лӕггадгӕнгутӕ уӕлӕрвти цӕрдзӕнцӕ ӕви зӕнхӕбӕл, уой Йеговӕ ке лух кӕнуй. Исӕрст киристӕнттӕ дӕр ӕма ’й «хъӕбӕр берӕ адӕн» дӕр зонунцӕ, сӕ хуӕрзеуӕг Йегови ’стур хуарзӕнхи фӕрци, удта Йесо Киристей нивонди фӕрци ке райсдзӕнцӕ (Ром. 3:24).
ӔНЦӔ ХЪӔБӔР БЕРӔ
14. 1935 анзи фӕсте берети, «хъӕбӕр берӕ адӕни» туххӕй пахампарадӕ куд исӕнхӕст уодзӕй, уой базонун цӕмӕн фӕндадтӕй?
14 1935 анзи Йегови Ӕвдесӕнтӕ, «хъӕбӕр берӕ адӕн» ка ’нцӕ, уой ку балӕдӕрдтӕнцӕ, уӕд уой фӕсте ба берети фӕндадтӕй базонун, зӕнхӕбӕл ка цӕрдзӕй, етӕ хъӕбӕр берӕ кутемӕй исуодзӕнцӕ, уой. Еци рӕстӕги Рональд Паркингбӕл 12 анзи цудӕй. Е зӕгъуй: «Уӕди рӕстӕги ӕгас зӕнхӕбӕл адтӕй еу 56 000 игъосунгӕнӕги ӕма уонӕн дӕр сӕ фулдӕр исӕрст киристӕнттӕ адтӕнцӕ. Уомӕ гӕсгӕ „хъӕбӕр берӕ адӕн“ уотӕ берӕ дӕр нӕ зиндтӕнцӕ».
15. «Хъӕбӕр берӕ адӕн» кутемӕй фулдӕр кӕнунцӕ?
15 Фал фӕстӕдӕр берӕ бӕститӕмӕ миссионерти ӕрветун райдӕдтонцӕ ӕма уой фӕрци Йегови Ӕвдесӕнтӕ фулдӕрӕй-фулдӕр кодтонцӕ. 1968 анзи ба адӕни хӕццӕ Библи ахур кӕнун райдӕдтан, «Истина, ведущая к вечной жизни» ка хундтӕй, еци киунуги фӕрци. Еци кинугӕ Библий ахурӕдтӕ хумӕтӕг ӕвзагӕй ке лӕдӕрун кодта, уой фӕрци хъӕбӕр берӕ сӕрниллӕг адӕн Йегови туххӕй базудтонцӕ. Цуппар ӕнземӕ донаргъуд райстонцӕ 500 000 адӕймагемӕй фулдӕр. Фӕстӕдӕр Латинаг Америки бӕстити ӕма ма ӕндӕр бӕстити дӕр католикон аргъауӕнӕн адӕнбӕл ӕ барӕ уотӕ хъӕбӕр нӕбал цудӕй. Искӕсӕн Европи ӕма Африки бӕстити Ис. 60:22). Фӕстаг ӕнзти ма нӕ организаций, Библий ахурӕдтӕ лӕдӕрун кӕнунмӕ берӕ хуарз мадзӕлттӕ фӕззиндтӕй. Мадта Йеговӕ ӕцӕгӕйдӕр «хъӕбӕр берӕ адӕни» ӕмбурд кӕнуй ӕма нур сӕ нимӕдзӕ 8 милиуанемӕй рахизтӕй.
ба Йегови Ӕвдесӕнтӕн сӕребарӕй лӕггадӕ кӕнуни барӕ равардтонцӕ. Еци рӕстӕги ма донаргъуд никкидӕр цалдӕр милиуан адӕймаги райстонцӕ (ХЪӔБӔР БЕРӔ АДӔН АЛЛИХУЗИ АДӔНИХӔТТИТӔЙ
16. «Хъӕбӕр берӕ адӕн» цӕхуӕн адӕнӕй ӕнцӕ?
16 Иоанни цӕстӕбӕлуайӕни «хъӕбӕр берӕ адӕн» адтӕнцӕ «еугур адӕнтӕй, муггӕгтӕй, адӕнихӕттитӕй ӕма ӕвзӕгтӕй». Уомӕй раздӕр ба пахампар Захари дӕр финста: «Еци рӕстӕг алли ӕвзӕгтӕбӕл дзорӕг адӕнтӕй дӕс адӕймаги ниххуӕцдзӕнцӕ еу дзиуиттаг лӕгӕн ӕ дарӕси кӕронбӕл ӕма зӕгъдзӕнцӕ: „Мах дӕр уӕ хӕццӕ цӕуӕн, уомӕн ӕма фегъустан, Хуцау уӕ хӕццӕ ке ӕй“» (Зах. 8:23).
17. Ӕгас ӕвзӕгтӕбӕл дзорӕг адӕнӕн куд ӕнхус кӕнӕн?
17 Йегови Ӕвдесӕнтӕ ’й лӕдӕрунцӕ, цӕмӕй ӕгас ӕвзӕгтӕбӕл дзорӕг адӕн ӕмбурдгонд цӕуонцӕ, уой туххӕй гъӕуама хуарз хабар берӕ ӕвзӕгтӕбӕл игъустгонд цӕуа. Мах Библи ахур кӕнунмӕ ӕрмӕг тӕлмац кӕнӕн еу 130 анзей дӕргъи. Фал тӕлмаци куст нури хузӕн некӕдма цудӕй. Абони нӕ публикацитӕ тӕлмац кӕнӕн 900 ӕвзагемӕй фулдӕрмӕ. Матф. 24:14; Иоан. 13:35).
Ӕцӕгӕйдӕр, Йеговӕ «хъӕбӕр берӕ адӕни» ӕмбурд кӕнуй ӕгас адӕнтӕй дӕр. Ӕма е ӕй, ци дессӕгтӕ кӕнуй, уонӕй сӕ еу. Ӕууӕндундзийнадӕ федаргӕнӕн хуӕруйнаг уойбӕрцӕ ӕвзӕгтӕбӕл ке ес, уой фӕрци «хъӕбӕр берӕ адӕн» Йеговӕн еумӕйагӕй лӕггадӕ кӕнунцӕ, кӕд аллихузи адӕнихӕттитӕй ӕнцӕ, уӕддӕр. Удта сӕ адӕн зонунцӕ, хуарз хабар куд зингзӕрдӕй игъосун кӕнунцӕ, удта сӕ астӕу ци уарзондзийнадӕ ес, уомӕй. Уойбӕрцӕ гъуддӕгтӕ уингӕй не ’ууӕндундзийнадӕ хъӕбӕр бафедар уй! (ИОАННИ ЦӔСТӔБӔЛУАЙӔН МАХӔН ЦӔБӔЛ ДЗОРӔГ ӔЙ?
18. а) Исаййи 46:10, 11 куд финст ӕй, уомӕ гӕсгӕ, «хъӕбӕр бер адӕни» туххӕй пахампарадӕ ке ӕнхӕст кӕнуй, е нӕмӕ дессаг цӕмӕннӕ кӕсуй? б) Зӕнхӕбӕл цӕруни нифс кӕмӕн ес, етӕ уотӕ цӕмӕннӕ сагъӕс кӕнунцӕ, ӕма цӕмӕйдӕр цох ӕнцӕ?
18 «Хъӕбӕр берӕ адӕни» туххӕй пахампарадӕ ке ӕнхӕст кӕнуй, е махӕн устур цийнӕдзийнадӕ хӕссуй! Ӕма ’й Йеговӕ уӕхӕн дессаги хузи ке ӕнхӕст кӕнуй, е нӕмӕ дессаг нӕ кӕсуй, уомӕн ӕма ’й зонӕн ӕ дзурд алкӕддӕр ке исӕнхӕст кӕнуй. (Бакӕсӕ Исай 46:10, 11.) «Хъӕбӕр берӕ адӕнӕн» ци нифс ес, уой туххӕй етӕ Йеговӕй хъӕбӕр боз ӕнцӕ. Етӕ уотӕ нӕ сагъӕс кӕнунцӕ, ӕма кӕд Хуцауи сугъдӕг хъаурӕй исӕрст нӕ ’нцӕ, цӕмӕй Йесой хӕццӕ уӕлӕрвти лӕггадӕ кӕнонцӕ, уӕд цӕмӕйдӕр цох ӕнцӕ. Библий ци еузӕрдон нӕлгоймӕгтӕ ӕма силгоймӕгти кой цӕуй, етӕ сугъдӕг хъаури разамундмӕ гӕсгӕ архайдтонцӕ, фал си беретӕ 144 миней астӕу нӕ уодзӕнцӕ. Сӕ еу адтӕй аргъауӕг Иоанн (Матф. 11:11). Иннӕ ба Давид (Гъуд. 2:34). Етӕ, удта ма берӕ ӕндӕр адӕн райгас уодзӕнцӕ ӕма цӕрдзӕнцӕ зӕнхӕбӕл дзенети. Уонӕн се гасемӕн дӕр, удта ма «хъӕбӕр берӕ адӕнӕн» дӕр фадуат уодзӕй, цӕмӕй бавдесонцӕ, Йеговӕбӕл еузӕрдон ке ’нцӕ ӕма ӕ хецаудзийнади фарс ке лӕуунцӕ, уой.
19. Иоанн цӕстӕбӕлуайӕни ци фӕууидта, е ке ӕнхӕст кӕнуй, е нӕ цӕмӕ разӕнгард кӕнуй?
19 Кӕдӕй зӕнхӕбӕл адӕн цӕрунцӕ, уӕдӕй уӕхӕн хабар некӕдма адтӕй, цӕмӕй Хуцау ӕгас адӕнтӕй дӕр уал милиуан адӕймаги исеу кӕна. Мадта нин уӕлӕрвти цӕруни нифс ес ӕви зӕнхӕбӕл, уӕддӕр гъӕуама гӕнӕн уогӕй фулдӕр адӕнӕн банхус кӕнӕн, цӕмӕй етӕ дӕр, ӕндӕр фустӕмӕ ка хауй, еци «хъӕбӕр берӕ адӕнмӕ» ӕрбайеу уонцӕ (Иоан. 10:16). Тагъд Йеговӕ устур бӕллӕхи фесафдзӕй, адӕнӕн уойбӕрцӕ маст ӕма гъезӕмӕрттӕ ка бавзарун кодта, еци хецауӕдтӕ ӕма динтӕ. «Хъӕбӕр берӕ адӕнӕй» ба алкӕмӕдӕр ӕнгъӕлмӕ кӕсуй дессаги федӕн – ӕносмӕ зӕнхӕбӕл Йеговӕн лӕггадӕ кӕндзӕнцӕ! (Рарг. 7:14).
139 ЗАР Кӕсай, нӕуӕг дуйне!
^ 5 абз. Аци статьяй дзурд цӕуй, апостол Иоанн цӕстӕбӕлуайӕни ци фӕууидта, уой туххӕй. Е фӕууидта «хъӕбӕр берӕ адӕн» ӕмбурдгонд ке цудӕй. Аци цӕстӕбӕлуайӕн ӕнӕмӕнгӕй бафедар кӕндзӕй, еци адӕни къуармӕ ка хауй, уони.