2018 анзи 24 январи сӕумӕ Еугонд Штатти ӕма Канади Вефилти бийнонтӕн фегъосун кодтонцӕ, ӕнсувӕр Кеннет Кук Йегови Ӕвдесӕнти Разамонӕг совети лӕггадӕ кӕнун ке райдӕдта.

Ӕнсувӕр Кук райгурдӕй ӕма исгъомбӕл ӕй штат Пенсильваний (АЕШ). Рӕстдзийнадӕ базудта е ’мкъласонӕй, фӕстаг къласи ма ку ахур кодта, уӕд, ӕма донаргъуд райста 7 июни 1980 анзи. 1982 анзи 1 сентябри ба пионерӕй лӕггадӕ кӕнун райдӕдта. Уобӕл дууӕ анзи рацудӕй ӕма 12 октябри 1984 анзи лӕггадӕ кӕнун райдӕдта Уолкилли Вефили (Нью-Йорк).

25 анзей дӕргъи ӕнсувӕр Кук аллихузи куститӕ кодта типографий ӕма Вефили бюрой. 1996 анзи ӕрхудта хуӕрӕ Джеймий, ӕма Уолкилли еумӕ лӕггадӕ кодтонцӕ. 2009 анзи ба сӕ фӕххудтонцӕ Гъӕуайгӕнӕн мӕсуги ахуради центрмӕ Паттерсони (Нью-Йорк). Уоми ӕнсувӕр Кук косун райдӕдта писмоти хайади. 2016 анзи апрели цубур рӕстӕгмӕ фӕстӕмӕ Уолкиллмӕ раздахтӕнцӕ, уой фӕсте ба сӕ рарвистонцӕ Бруклинмӕ (Нью-Йорк). Фондз мӕйей фӕсте ба лӕггадӕ кӕнун райдӕдтонцӕ нӕуӕг сӕйраг хайади Уорвикки (Нью-Йорк). 2017 анзи январи ба ӕнсувӕр Куки иснисан кодтонцӕ Разамонӕг совети Финсгути комитети ӕнхусгӕнӕгӕй.