Кӕрӕдзей хӕццӕ ка тох кӕнуй, еци паддзӕхтӕ кӕрони рӕстӕг Аци схеми ци пахампарӕдти кой цӕуй, уонӕй кӕцидӕртӕ ӕнхӕст кӕнунцӕ еци еу рӕстӕг. Аци пахампарӕдтӕ ӕгасӕйдӕр ӕвдесунцӕ, «кӕрони рӕстӕг» ке цӕрӕн, уой (Дан. 12:4).

• Стихтӕ. Рарг. 11:7; 12:13, 17; 13:1–8, 12.

  Пахампарадӕ. «Сирд» зӕнхӕбӕл цӕрӕг адӕнӕн хецау адтӕй 3 000 анземӕй фулдӕр. Кӕрони рӕстӕг ӕ ӕвдӕймаг сӕр фӕццӕф ӕй. Фӕстӕдӕр ӕ цӕф исдзӕбӕх ӕй, ӕма «ӕгас зӕнхӕ дӕр» сирди фӕдбӕл рацудӕй. Сайтан еци сирди фӕрци тох кӕнуй, «ка байзадӕй, уони хӕццӕ».

  Куд исӕнхӕст ӕй. Дони хъиамӕти фӕсте фӕззиндтӕй, Йегови нихмӕ ка цудӕй, уӕхӕн хецауӕдтӕ. Сӕдӕгай ӕностӕ фӕстӕдӕр, Фиццаг дуйнеуон тугъди, Великобритани хъӕбӕр ӕрлӕмӕгъ ӕй. Уой фӕсте нӕуӕгӕй исфедар ӕй, Еугонд Штаттӕ имӕ ку ӕрбайеу ӕнцӕ, уӕд. Кӕрони рӕстӕг Сайтан ӕгас зӕнхон хецауӕдтӕй дӕр пайда кӕнуй, цӕмӕй Хуцауи адӕни ӕфхуӕра.

• Стихтӕ. Дан. 11:25–45.

  Пахампарадӕ. Цӕгаттаг паддзах ӕма хонсайраг паддзах кӕрӕдзей хӕццӕ тох кӕнунцӕ, фулдӕр бартӕ ке къохти уодзӕнцӕ, уобӕл.

  Куд исӕнхӕст ӕй. Германи тох кодта Великобританий ӕма Еугонд Штатти хӕццӕ. 1945 анзи Советон Цӕдес ӕма ӕ фарс ка адтӕй, еци бӕститӕ иссӕнцӕ цӕгаттаг паддзах. 1991 анзи Советон Цӕдес фехалдӕй. Цӕйбӕрцӕдӕр рӕстӕги фӕсте ба цӕгаттаг паддзах иссӕй Уӕрӕсе ӕма ӕ фарс ка ’нцӕ, еци бӕститӕ.

• Стихтӕ. Ис. 61:1; Мал. 3:1; Лук. 4:18.

  Пахампарадӕ. Йеговӕ ӕ «федеуӕги» рарвиста, цӕмӕй «над ракӕдзос» кӕна, цалинмӕ Мессийи Паддзахадӕ ӕвӕрд не ’рцудӕй, уӕдмӕ. Еци «федеуӕг» райдӕдта «сабур адӕнӕн хуарз хабар игъосун кӕнун».

  Куд исӕнхӕст ӕй. 1870 анзи ӕнсувӕр Расселл ӕма е ’мбӕлттӕ райдӕдтонцӕ Библи лӕмбунӕг ӕртасун ӕма, ӕцӕгӕй ци дзоруй, уой лӕдӕрун кӕнун. 1881 анзи балӕдӕрдтӕнцӕ Хуцауи лӕггадгӕнгутӕ хуарз хабар ке гъӕуама игъосун кӕнонцӕ. Мухури рауагътонцӕ статьятӕ «Гъӕуй 1 000 игъосунгӕнӕги» ӕма «Исӕрст ӕнцӕ игъосун кӕнунмӕ».

• Стихтӕ. Матф. 13:24–30, 36–43.

  Пахампарадӕ. Знаг мӕнӕуи хуми байтудта хӕмпӕлгӕрдӕг. Хӕмпӕлгӕрдӕг ку исзадӕй, уӕд мӕнӕуӕ нӕбал зиндтӕй. Фал хумӕ кӕрдуни афони мӕнӕуӕ хӕмпӕлгӕрдӕгӕй хецӕн кӕнун райдӕдта.

  Куд исӕнхӕст ӕй. 1870 анзӕй фӕстӕмӕ никки хъӕбӕрдӕр зиннуй, ӕцӕг киристӕнттӕ ӕма мӕнгӕ киристӕнттӕ кӕрӕдземӕй ке хецӕн кӕнунцӕ, е. 1914 анзи фӕсте изӕдтӕ райдӕдтонцӕ мӕнгӕ киристӕнтти «ӕмбурд кӕнун», гъома сӕ ӕцӕг киристӕнттӕй хецӕн кӕнун.

• Стихтӕ. Дан. 2:31–33, 41–43.

  Пахампарадӕ. Аллихузи ӕфсӕйнагӕй конд ка ӕй, еци гумери; ӕ къӕхтӕ фадигъолтӕй дӕлӕмӕ ӕнцӕ ӕфсӕйнагӕй ӕма ӕргъӕй.

  Куд исӕнхӕст ӕй. Ӕргъӕ амонуй, Великобританий ӕма Еугонд Штатти ка цӕруй ӕма хецауади нихмӕ ка цӕуй, еци хумӕтӕг адӕнмӕ. Еци адӕни туххӕй Англо-Америкаг дуйнеуон паддзахадӕн ӕ бон нӕй ӕфсӕйнаги хузӕн федарӕй архайун.

• Стихтӕ. Матф. 13:30; 24:14, 45; 28:19, 20.

  Пахампарадӕ. «Мӕнӕуӕ» ӕмбурд кӕнунцӕ «хуардонӕмӕ»; хецау ӕ «хӕдзаронти» бакодта «ӕууӕнкгун ӕма зундгин цагъари» бӕрагӕ. «Хуцауи паддзахади туххӕй... хуарз хабар» игъосун кӕнун райдӕдтонцӕ «ӕгас зӕнхи цъарӕбӕл дӕр».

  Куд исӕнхӕст ӕй. 1919 анзи ӕууӕнкгун цагъар ӕвӕрд ӕрцудӕй, цӕмӕй Хуцауи адӕнбӕл тухса. Уӕдӕй фӕстӕмӕ Библиртасгутӕ игъосун кӕнуни гъуддаги никки зӕрдиагдӕрӕй архайунцӕ. Абони Йегови Ӕвдесӕнтӕ игъосун кӕнунцӕ 200 бӕстемӕй фулдӕри ӕма Библибӕл арӕзт публикацитӕ уадзунцӕ 1 000 ӕвзагемӕй фулдӕрбӕл.

• Стихтӕ. Дан. 12:11; Рарг. 13:11, 14, 15.

  Пахампарадӕ. Дууӕ сикъай кӕбӕл ес, еци сирд зӕнхӕбӕл цӕрӕг адӕнӕн дзоруй, цӕмӕй, авд сӕри кӕбӕл ес, еци «сирди хузӕ искӕнонцӕ» ӕма еци «хузӕмӕ» цард бауагъта.

  Куд исӕнхӕст ӕй. Англо-Америкаг дуйнеуон паддзахади фӕндӕй арӕзт ӕрцудӕй Нацити Лигӕ. Ӕрбайеу имӕ ’нцӕ ӕндӕр бӕститӕ дӕр. Уой фӕсте имӕ ӕрбайеу ӕй цӕгаттаг паддзах дӕр, фал си цалдӕр анземӕй ӕндӕр нӕ фӕцӕй (1926 анзӕй 1933 анзмӕ). Адӕн ӕууӕндтӕнцӕ Нацити Лигӕ зӕнхӕбӕл сабур цард ке искӕндзӕй. Еугонд Нацити Организацибӕл дӕр сӕ зӕрдӕ уотӕ дарунцӕ. Фал сабур цард ӕрмӕстдӕр Хуцауи Паддзахадӕ искӕндзӕй.

• Стихтӕ. Дан. 8:23, 24.

  Пахампарадӕ. Агъудхуз паддзах «бӕстӕ пурхӕ кӕндзӕй».

  Куд исӕнхӕст ӕй. Англо-Америкаг дуйнеуон паддзахадӕ устур зиан ӕрхаста. Зӕгъӕн, Дуккаг дуйнеуон тугъди рӕстӕг Еугонд Штаттӕ ӕргӕлстонцӕ дууӕ атомон бомби, Еугонд Штаттӕн ӕма Великобританийӕн се знаг ка адтӕй, еци бӕстӕбӕл. Кӕми сӕ ӕргӕлстонцӕ, уоми бӕстӕ ниппурхӕ кодтонцӕ ӕма си дуйне адӕн ниццагътонцӕ.

• Стихтӕ. Дан. 11:31; Рарг. 17:3, 7–11.

  Пахампарадӕ. Дӕссикъагун «сурх-сурхид сирд» дӕлзӕнхӕй исхизтӕй, е ӕй ӕстӕймаг паддзах. Данели киунугӕ аци паддзахи хонуй «бӕстӕ ка исафуй, еци илгъагдзийнадӕ».

  Куд исӕнхӕст ӕй. Зӕгъӕн ес, ӕма Дуккаг дуйнеуон тугъди рӕстӕг Нацити Лигӕ некуд архайдта. Тугъди фӕсте арӕзт ӕрцудӕй Еугонд Нацити Организаци. Адӕн Нацити Лигӕбӕл сӕ зӕрдӕ куд дардтонцӕ, уотӕ нур дӕр сӕ зӕрдӕ дарунцӕ Еугонд Нацити Организацибӕл ӕма ӕнгъӕлмӕ кӕсунцӕ, зӕнхӕбӕл сабур цард ке искӕндзӕй, уомӕ. Фал сабур цард ӕрмӕстдӕр Хуцауи Паддзахадӕ искӕндзӕй. Федӕни Еугонд Нацити Организаци ӕхе ниццӕвдзӕй мӕнгӕ динтӕбӕл.

• Стихтӕ. 1 Фес. 5:3; Рарг. 17:16.

  Пахампарадӕ. Игъустгон цӕуй «сабурдзийнадӕ ӕма ӕдасдзийнадӕ». «Дӕс сикъай ӕма сирд» сӕхе ниццавтонцӕ «хӕтагӕ силгоймагбӕл» ӕма ин кӕрон искодтонцӕ. Уой фӕсте сӕ исӕфт ӕрцудӕй.

  Куд исӕнхӕст уодзӕй. Хецауӕдтӕ фегъосун кӕндзӕнцӕ, зӕнхӕбӕл син сабур ӕма ӕдас цард искӕнун ке бантӕстӕй. Уой фӕсте Еугонд Нацити Организаций ка ’нцӕ, еци хецауӕдтӕ мӕнгӕ динтӕ фесафдзӕнцӕ. Уомӕй райдайдзӕй устур бӕллӕх. Ӕма фӕууодзӕй, Йесо Армагеддони Сайтани дуйне ӕнӕгъӕнӕйдӕр ку фесафа, уӕд.

• Стихтӕ. Йез. 38:11, 14–17; Матф. 24:31.

  Пахампарадӕ. Гог бампурста Хуцауи адӕни зӕнхӕмӕ. Изӕдтӕ «ӕвзурст адӕни» ӕрӕмбурд кодтонцӕ.

  Куд исӕнхӕст уодзӕй. Цӕгаттаг паддзах иннӕ хецауӕдти хӕццӕ еумӕ Хуцауи адӕни нихмӕ рацӕудзӕй. Еци хабар ку райдайа, уомӕй еу цӕйбӕрцӕдӕр рӕстӕги фӕсте, исӕрст киристӕнттӕй ма ка байзайа, етӕ уӕлӕрвтӕмӕ ист ӕрцӕудзӕнцӕ.

• Стихтӕ. Йез. 38:18–23; Дан. 2:34, 35, 44, 45; Рарг. 6:2; 16:14, 16; 17:14; 19:20.

  Пахампарадӕ. «Уорс бӕхбӕл» ка бадуй, е Гогбӕл ӕма е ’фсӕдтӕбӕл фӕууӕлахез ӕй. Сирд «гӕлст ӕрцудӕй сондонӕй содзгӕ цадӕмӕ». Устур гумерибӕл дор исӕмбалдӕй ӕма гумери ниппурхӕ ’й.

  Куд исӕнхӕст уодзӕй. Йесо, Хуцауи Паддзахади Паддзах, Хуцауи адӕни фӕййервӕзун кӕндзӕй. 144 000 паддзахи хӕццӕ ӕма ӕ изӕдти хӕццӕ ӕгас зӕнхон хецауӕдти цӕдес ниппурхӕ кӕндзӕй. Уотемӕй Сайтани дуйне ӕнӕгъӕнӕйдӕр исӕфт ӕрцӕудзӕй.