«Еу адӕм исистдзӕй иннӕ адӕми нихмӕ. [...] Етӕ еугурӕйдӕр уодзӕнцӕ гъезӕмӕрттӕн сӕ райдайӕн»

(Матфейи 24:7, 8).

«Еци рӕстӕг фӕззиндзӕй берӕ мӕнгӕ пахампартӕ, ӕма берети фӕссайдзӕнцӕ. Ӕма, фудгъуддӕгтӕ ке исарӕх уодзӕнцӕ, уой фудӕй адӕмӕн сӕ фулдӕрӕн сӕ уарзондзийнадӕ ӕруазал уодзӕй»

(Матфейи 24:11, 12).

«Удта хӕстӕг рауӕнтӕй ӕма идард рауӕнтӕй тугъди кой игъосдзинайтӕ, фал ма тӕрсетӕ – еци хабӕрттӕн ӕнӕрцӕугӕ нӕййес, фал е кӕрон нӕма уодзӕй»

(Марки 13:7).

«Уодзӕй устур зӕнхинкъуститӕ, ӕма уӕд еу рауӕн, уӕд иннӕ рауӕн фӕззиндзӕй фуднезтӕ ӕма адӕм уодзӕнцӕ хуӕруйнаг гъӕуагӕ. Удта уиндзӕнцӕ ӕверхъау хабӕрттӕ ӕма арвбӕл устур дессӕгтӕ»

(Лукай 21:11).

 «Фӕстаг бӕнтти ’скӕндзӕй хъӕбӕр уӕззау рӕстӕг. Адӕм уодзӕнцӕ хеуарзон, ӕхцауарзагӕ, хестауагӕ, сӕрбӕрзонд, Хуцауи фаудзӕнцӕ, сувӕллӕнттӕ сӕ ниййергути коммӕ нӕ кӕсдзӕнцӕ, хуарздзийнадӕн аргъ кӕнун нӕ зондзӕнцӕ, уодзӕнцӕ мӕнгард, бийнонти астӕу уарзондзийнадӕ нӕбал уодзӕй, уодзӕнцӕ зиндзурд, иннети фудкой кӕндзӕнцӕ, хебӕл хуӕцун нӕ зондзӕнцӕ, уодзӕнцӕ ӕнӕхатир, хуарздзийнадӕ нӕ уарздзӕнцӕ, кӕрӕдзебӕл гадзирахаттӕй цӕудзӕнцӕ, уодзӕнцӕ хевӕндӕ, сӕ сӕр бӕрзӕндти хӕсдзӕнцӕ, Хуцауи нӕ уарздзӕнцӕ, фал уарздзӕнцӕ ерхӕфсӕнтӕ, сӕхе уотӕ ӕвдесдзӕнцӕ, цума Хуцауӕн ковӕг адӕм ӕнцӕ, фал сӕ цардӕй ба е бӕрӕг нӕ уодзӕй»

(2 Тимофеймӕ 3:1–5).