Хуцау нин ци хабар игъосун кӕнуй, е финст ӕрцудӕй Библий. Библи нин лӕдӕрун кӕнуй, куд цӕрун гъӕуй, амондгун цӕй фӕрци уодзинан ӕма Хуцауи хуарзӕнхӕ куд иссерӕн ес, уой. Уомӕй уӕлдай ма си дзуапп иссерӕн ес аци фарстатӕбӕл:

Библи конд ӕй 66 минкъий киунугӕй. Дех кӕнунцӕ дууӕ хаййебӕл, Дзиуиттаг-арамейаг Финститӕ («Рагон Фӕдзӕхст») ӕма Киристон Грекъаг Финститӕ («Нӕуӕг Фӕдзӕхст»). Алли киунугӕ дӕр си дехтӕ кӕнуй сӕртӕбӕл ӕма стихтӕбӕл. Библий киунуги номи фӕсте фиццаг нимӕдзӕ амонуй, кӕци сӕр ӕй, уомӕ, дуккаг нимӕдзӕ(-тӕ) ба стихмӕ(-тӕмӕ). Зӕгъӕн, финст си ес Райдайӕн 1:1. Е ӕй Райдайӕни киунуги 1-аг сӕр, 1-аг стих.