АДӔЙМАГИ НӔУӔГӔЙ КУ БАБӔРӔГ КӔНАЙ
7 УРОК
Фӕндфедар уо
Уагӕвӕрд: «Ӕппунӕдзох амудтонцӕ ӕма игъосун кодтонцӕ... хуарз хабар» (Гъуд. 5:42).
Павел куд архайдта?
1. Бакӕсӕ ВИДЕОРОЛИКМӔ кенӕ бакӕсӕ Гъуддӕгтӕ 19:8–10. Уой фӕсте расагъӕс кӕнӕ дӕлдӕр финст фарстатӕбӕл:
Павелӕй цӕбӕл ахур кӕнис?
2. Цӕмӕй адӕймаги фулдӕр базонун бафӕндӕуа ӕма Библи ахур кӕнун райдайа, уой туххӕй фӕгъгъӕуй рӕстӕг ӕма хъауритӕ ӕрӕвӕрун.
Павели хузӕн архайӕ
3. Адӕймагмӕ ӕрбацӕуисӕ, рӕстӕг ин ку фӕууй, уӕд. Дӕхе бафӕрсӕ: «Ӕ хӕццӕ фембӕлун хуӕздӕр кӕд ӕма кӕми уодзӕй?» Дӕ гъуддӕгтӕ уотӕ испълан кӕнисӕ, цӕмӕй имӕ бацӕуай, уомӕн кӕд хуӕздӕр уодзӕй, еци рӕстӕг.
4. Адӕймаги хӕццӕ бадзубанди кӕнӕ, иннӕ хатт кӕд фембӕлдзиайтӕ. Алли хатт дӕр байархайисӕ, цӕмӕй бӕлвурд рӕстӕги туххӕй бадзубанди кӕнайтӕ. Кӕд ин зӕрдӕ байвардтай, ке имӕ ӕрбацӕудзӕнӕ, уӕд дӕ дзурд исӕнхӕст кӕнӕ.
5. Дӕ нифс ма сӕттӕд. Уотӕ дӕмӕ ма кӕсӕд, ӕма кӕд адӕймаги арӕх хӕдзари не ’рбаййафис кенӕ ’й нӕ фӕййевдӕлуй, уӕд ӕй рӕстдзийнадӕ базонун нӕ фӕндуй (1 Кор. 13:4, 7). Фал иннердиги ба дӕ гъудий дарӕ, рӕстӕгӕй хуӕздӕр куддӕриддӕр ӕй, уотӕ ке гъӕуама пайда кӕнай (1 Кор. 9:26).
