3 ХАЙ
Цард циуавӕр адтӕй Едеми дзӕхӕрадони?
Йеговӕ Адам ӕма Евӕн равартта зӕрдӕмӕдзӕугӕ куститӕ. Райдайӕн 1:28
Йеговӕ искодта фиццаг силгоймаги Еви ӕма ӕй Адамӕн цардӕмбалӕн равартта (Райдайӕн 2:21, 22).
Йеговӕ сӕ исфӕлдиста ӕнхӕст бауӕр ӕма зунди хӕццӕ.
Сӕ цӕрӕнбунат адтӕй Едеми дзӕхӕрадонӕ – дессаги рӕссугъд бунат. Адтӕй си цӕугӕдон, рӕзбӕлӕстӕ ӕма цӕрӕгойтӕ. Еудзурдӕй, е адтӕй Дзенет.
Йеговӕ сӕ хӕццӕ дзурдта, зунд син амудта. Ку имӕ игъустайонцӕ, уӕд цардайонцӕ ӕностӕмӕ дзенети зӕнхӕбӕл.
Хуцау загъта, еу бӕласӕй хуӕрун ке не ’нгъезуй. Райдайӕн 2:16, 17
Изӕдтӕй сӕ еу Хуцауи нихмӕ рацудӕй. Еци маргзӕрдӕ изӕд ӕй Сайтан Ибилис.
Йеговӕ Адам ӕма Евӕн дзӕхӕрадони еу рӕзбӕласӕмӕ байамудта ӕма син загъта, зӕгъгӕ си ку бахуӕрайтӕ, уӕд рамӕлдзинайтӕ.
Сайтани нӕ фӕндӕ адтӕй, цӕмӕй Адам ӕма Евӕ Йегови коммӕ кастайонцӕ. Ӕма Евӕн хелаги бӕлти загъта, зӕгъгӕ, еци бӕласи рӕзӕй ку бахуӕрай, уӕд нӕ рамӕлдзӕнӕ, фалӕ исуодзӕнӕ Хуцауи хузӕн. Ке зӕгъун ӕй гъӕуй, е адтӕй сайд (Райдайӕн 3:1–5).
Ка ’й зонуй ма дӕ зӕрдӕмӕ фӕццӕуа
БИБЛИЙ СӔЙРАГ АХУРӔДТӔ
Хуцау зӕнхӕ цӕмӕн сфӕлдиста?
Нӕ зӕнхӕбӕл алцидӕр хъӕбӕр дессаг конд ӕй. Хорӕй цӕйбӕрцӕ гъӕуй, уойбӕрцӕ идард ӕвӕрд ӕй. Уомӕй уӕлдай ма, куд гъӕуй, уотӕ тагъд зелуй. Цума Хуцау зӕнхӕ искӕнунбӕл уойбӕрцӕ цӕмӕн фӕййархайдта?
БИБЛИ. ЦӔХУӔН ӔХСИДЗГӔ ХАБАР СИ ЕС?
Хуцау адӕми ӕрцӕрун кодта Дзенети
Хуцау адӕми куд искодта, уой туххӕй Библий ци финст ес? Хуцау фиццаг адӕмӕн ци бафӕдзахста?
