Расагъӕс кӕнӕ, стих цӕй туххӕй кӕсис, уобӕл. Стих бакӕсуни разӕй цубуртӕй уӕхӕн ести зӕгъӕ, цӕмӕй ӕй игъосгутӕ балӕдӕронцӕ, цӕмӕ гӕсгӕ син ӕй кӕсис, уой.

Библибӕл ӕууӕндӕн ке ес, уой балӕдӕрун кӕнӕ. Хуцаубӕл ка ӕууӕндуй, уони хӕццӕ дзоргӕй, Библи хонӕ «Хуцауи Дзурд». Уотемӕй бавдесдзӕнӕ, еци киунуги Хуцауи гъудитӕ финст ке ес.

Стих бакӕсуни разӕй адӕймаги бацӕмӕдес кӕнӕ. Раттӕ, ӕ дзуапп стихи кӕмӕн ӕй, уӕхӕн фарста. Зӕгъӕ, цӕхуӕндӕр гъуддаг ниллух кӕнунмӕ еци стих куд банхус кӕндзӕй, уой. Кенӕ ба ин цӕхуӕндӕр уагӕвӕрд балӕдӕрун кӕнуни туххӕй Библийӕй ести хабар радзорӕ.