Сӕйраг дзурдтӕ баханхӕ кӕнӕ. Стих ку бакӕсай, уӕд баханхӕ кӕнӕ дӕ теми хӕццӕ баст сӕйраг дзурдтӕ. Дӕ бон ӕй еци дзурдтӕ нӕуӕгӕй зӕгъун кенӕ игъосгутӕмӕ фарста раттун, цӕмӕй сӕ сӕхуӕдтӕ иссеронцӕ.

Сӕйраг гъудитӕ баханхӕ кӕнӕ. Кӕд стих бакӕсуни размӕ балӕдӕрун кодтай, цӕмӕ гӕсгӕ ’й кӕсис, уой, уӕд ӕй нур ба балӕдӕрун кӕнӕ, ӕ сӕйраг дзурдтӕ куд баст ӕнцӕ, ци гъуди зӕгъунмӕ гъавис, уой хӕццӕ.

Хумӕтӕгӕй лӕдӕрун кӕнӕ. Сӕйраг гъудимӕ ка нӕ хауй, уӕхӕн листӕг хабӕрттӕбӕл ма дзорӕ. Расагъӕс кӕнӕ, игъосгутӕ теми туххӕй ци зонунцӕ, уобӕл. Удта ма расагъӕс кӕнӕ, ци ма син гъӕуй радзорун, цӕмӕй сӕйраг гъуди хуӕздӕр балӕдӕронцӕ.