Павел ӕма Силӕ Хуцауи кадӕн зардтонцӕ, ахӕстдони ку бадтӕнцӕ, уӕд (Гъд 16:25). Мах рӕстӕги дӕр, нӕ хуӕртӕ ма не ’нсувӕртӕ зардтонцӕ Паддзахади зартӕ, Заксенхаузени концлагери ку бадтӕнцӕ ӕма сӕ Сибирмӕ ку рарвистонцӕ, уӕд. Аци цӕветтонтӕ ӕвдесунцӕ, киристӕнттӕ зиндзийнӕдтӕбӕл ку исӕмбӕлунцӕ, уӕд син Паддзахади зартӕ сӕ нифс куд бафедар кӕнунцӕ, уой.

Тагъд берӕ аллихузи ӕвзӕгтӕбӕл рацӕудзӕй нӕуӕг зарти киунугӕ «Йеговӕн зӕрдиагӕй заретӕ!». Еци киунугӕ ку райсӕн, уӕд байархайӕн, цӕмӕй бийнонти ахури рӕстӕг зартӕ зарӕн, ӕма еци зарти дзурдтӕ нигъгъуди кӕнӕн (Еф 5:19). Ӕма зиндзийнӕдти ку бахауӕн, уӕд нин сугъдӕг хъаурӕ банхус кӕндзӕй, цӕмӕй сӕ ӕргъуди кӕнӕн. Паддзахади зартӕ нин банхус кӕндзӕнцӕ, цӕмӕй, цӕмӕ ӕнгъӕлмӕ кӕсӕн, уой алкӕддӕр нӕ зӕрдӕбӕл дарӕн. Етӕ ни нифс бауаддзӕнцӕ, зиндзийнӕдтӕбӕл ку ӕмбӕлӕн, уӕд. Удта нин хуарз ку уа, уӕд дӕр еци зарти фӕрци Йеговӕн цийнӕгӕнгӕй зардзиан, уомӕн ӕма нӕ зӕрдӕ игъӕлдзӕг ӕй (1Анз 15:16; Пс 33:1–3). Гъӕйдӕ мадта, алли уавӕрти дӕр нӕ Паддзахади зартӕй пайда кӕнӕн!

ВИДЕОРОЛИКМӔ «АХСТ АДӔМЫ НЫФС ЧИ УАГЪТА, УЫЦЫ ЗАРӔГ» КУ БАКӔСАЙТӔ, УӔД АЦИ ФАРСТАТӔБӔЛ ДЗУӔППИТӔ РАТТЕТӔ:

• Не ’нсувӕр Фрост аци зар цӕхуӕн уавӕрти ниффинста?

• Заксенхаузени концлагери ци ӕнсувӕртӕ бадтӕй, уони аци зар куд федар кодта?

• Паддзахади зартӕ нӕ нӕ царди аллихузи уавӕрти куд бафедар кӕндзӕнцӕ?

• Паддзахади зартӕй дӕ кӕци зар фӕндуй исахур кӕнун?