Кӕмӕн? Не ’мбурдмӕ ка ’рбацӕуй, уонӕй алкӕмӕндӕр – не ’мбӕлттӕн дӕр ӕма фиццаг хатт ка ’рбацудӕй, уонӕн дӕр (Ро 15:7; Дзт 13:2). Гӕнӕн ес, ӕма е ӕй, цалдӕр анземӕ фиццаг хатт ӕмбурдмӕ ка ’рбацудӕй кенӕ ӕндӕр бӕстӕй ка ’рцудӕй, уӕхӕн хуӕрӕ кенӕ ’нсувӕр. Расагъӕс кӕнӕ, ду ба уони бунати куд адтайсӕ? Зӕрдиагӕй дӕбӕл ку бацийнӕ кодтайуонцӕ, уӕд дин ӕхцӕуӕн н’ адтайдӕ? (Мф 7:12). Мадта хуарз нӕ уайдӕ, ӕмбурди размӕ кенӕ ӕмбурди фӕсте, ка ’рбацудӕй, уонӕн расалам кӕнун? Уӕд ӕмбурди уодзӕй фарнӕ ӕма уарзондзийнадӕ, ӕма е Йеговӕн кадӕ хӕсдзӕй (Мф 5:16). Еугурей хӕццӕ нин нӕ рауайдзӕй радзорун. Фал ни алкедӕр зӕрдиагӕй ку архайа, уӕд алкӕмӕндӕр нӕ астӕу ӕхцӕуӕн уодзӕй *.

Гъӕуама ӕцӕг иуазӕгуарзагӕ уӕн айдагъ цидӕр ӕхсидзгӕ бӕнтти нӕ, зӕгъӕн Имисӕн изӕри, фал алкӕддӕр. Не ’мбурди ци уарзондзийнадӕ ес, уой нӕуӕг ӕрбацӕугутӕ ку уинонцӕ, уӕд сӕ е, ка ’й зонуй, баразӕнгард кӕндзӕй Хуцауи кадгин кӕнун ӕма ин лӕггадӕ кӕнун (Ин 13:35).