Аци анзӕй райдайгӕй нин уодзӕй фулдӕр рӕстӕг, цӕмӕй нӕхе Киристей мӕлӕт Имисӕн изӕрмӕ бацӕттӕ кӕнӕн. Имисӕн изӕр косгӕ бонмӕ ку хауа, уӕд еци къуӕре «Нӕ цард ӕма лӕггадӕ» ка хуннуй, еци фембӕлд нӕ уодзӕй. Имисӕн изӕр сабат кенӕ хуцаубонмӕ бонмӕ ку хауа, уӕдта радзубанди дӕр нӕ уодзӕй ӕма «Гъӕуайгӕнӕн мӕсугӕй» статья дӕр ӕвзурст нӕ цӕудзӕй. Уой фӕрци нӕмӕ ци рӕстӕг фӕззиндзӕй, уомӕй хуӕздӕр куд адтайдӕ испайда кӕнун? Куд фиццаг ӕноси, уотӕ мах рӕстӕги дӕр аци ӕхсидзгӕ хабармӕ алцидӕр гъӕуй дзӕбӕх бацӕттӕ кӕнун (Лк 22:7–13; km 3/15 1). Фал ма ни алкедӕр гъӕуй нӕ зӕрдитӕ ӕма нӕ зунд бацӕттӕ кӕнун. Кутемӕй?

• Сагъӕс кӕнӕ, Имисӕн изӕрмӕ ӕрбацӕун ӕхсидзгӕ цӕмӕн ӕй, уобӕл (1Кр 11:23–26).

• Исковӕ ӕма лӕмбунӕг расагъӕс кӕнӕ, Йегови хӕццӕ дин ци лимӕндзийнадӕ ес, уобӕл (1Кр 11:27–29; 2Кр 13:5).

• Бакӕсӕ ӕма лӕмбунӕг расагъӕс кӕнӕ, Имисӕн изӕр куд ӕхсидзгӕ ӕй, уой туххӕй финст кӕми ес, еци статьятӕ (Ин 3:16; 15:13).

Еуӕй-еуетӕ бакӕсунцӕ ӕма расагъӕс кӕнунцӕ, Имисӕн изӕри рӕстӕг брошюрӕй «Алы бон дӕр Фыстад иртас» Библийӕй бакӕсуйнаг ка фӕууй, еци стихтӕ. Иннетӕ ба фӕккӕсунцӕ, аци ӕма иннӕ фарсбӕл таблици ци стихтӕ ес, уони. Иннетӕ ба Имисӕн изӕри туххӕй, удта Йеговӕ ӕма Йесой уарзондзийнади туххӕй дзурд кӕми цӕуй, уӕхӕн статьятӕ бакӕсунцӕ «Гъӕуайгӕнӕн мӕсугӕй». Дӕхуӕдӕг ӕвзарис, ци кӕсдзӕнӕ ӕма куд, фал байархайӕ, цӕмӕй уой фӕрци Йеговӕ ӕма ӕ Фуртмӕ никки хӕстӕгдӕр исуай.