Йегови фӕндуй, цӕмӕй ӕгас бийнонтӕ дӕр амондгун уонцӕ (Пс 127:3–5; Ек 9:9; 11:9). Фал аци дуйней ке цӕрӕн ӕма ӕнӕнхӕст ке ан, уой туххӕй нӕ цийнӕ еуӕй-еу хатт фӕццидӕр уй. Алке бон дӕр ни ци ӕй кӕнун, цӕмӕй нӕ хӕдзари алкӕддӕр цийнӕ уа?

Лӕг ӕ бийнойнагӕн кадӕ кӕнуй (1Пт 3:7). Ӕ хӕццӕ рӕстӕг ӕрветуй. Ӕгӕр берӕ си некӕд фӕййагоруй, удта ин алкӕддӕр фӕййарфӕ кӕнуй, сӕ бийнонтӕбӕл куд тухсуй, уой туххӕй (Кл 3:15). Алкӕддӕр ин фӕдздзоруй, куд берӕ ’й уарзуй ӕма си куд боз ӕй, уой (Ӕм 31:28, 31).

Уосӕ алкӕддӕр фӕййархайуй, цӕмӕй ӕ лӕги къох араза (Ӕм 31:12). Ӕ лӕгмӕ фегъосуй, ӕнхус ин кӕнуй, удта ӕ хӕццӕ унаффӕ кӕнуй (Кл 3:18). Ӕ хӕццӕ фӕлмӕнӕй фӕдздзоруй ӕма иннетӕн ӕрмӕстдӕр ӕ хуарзи кой фӕккӕнуй (Ӕм 31:26).

Ниййергутӕ сӕ сувӕллӕнттӕн рӕстӕг хецӕн кӕнунцӕ (Д.з 6:6, 7). Берӕ сӕ ке уарзунцӕ, уой син фӕдздзорунцӕ (Мф 3:17). Зунд син ку фӕййамонунцӕ, уӕд уарзгӕй ӕма лӕдӕргӕй фӕййархайунцӕ (Еф 6:4).

Сувӕллӕнттӕ ниййергути нимайунцӕ ӕма сӕмӕ игъосунцӕ (Ӕм 23:22). Сӕ сагъӕстӕ ӕма син сӕ тухститӕ ӕргом фӕдздзорунцӕ, удта син сӕ унаффитӕмӕ байгъосунцӕ (Ӕм 19:20).

БАКӔСӔ ВИДЕОРОЛИКМӔ «ПУСТЬ ВАША СЕМЬЯ БУДЕТ СЧАСТЛИВОЙ!» ӔМА ДЗУАПП РАТТӔ АЦИ ФАРСТАБӔЛ:

Бийнонтӕй алке бон дӕр ци ӕй кӕнун, цӕмӕй сӕ хӕдзари алкӕддӕр цийнӕ уа?