Пионерӕй лӕггадӕ кӕнунмӕ гъӕуй хуарз график. Къуӕремӕ 18 сахатти ку лӕггадӕ кӕнай, уӕд дӕ бон уодзӕй пионерӕй лӕггадӕ кӕнун ӕма ма дин бауолӕфунмӕ дӕр рӕстӕг байзайдзӕй! Уӕхӕн график дин ку уа, уӕд, зӕгъӕн, ку фӕссӕйгӕ уай кенӕ бонигъӕдӕ лӕгъуз ку уа, уӕддӕр дӕ бон уодзӕй пионери нормӕ исӕнхӕст кӕнун. Дӕлдӕр ци графиктӕ ес, етӕ устур ӕнхус уодзӕнцӕ, къуӕре цалдӕр бони кенӕ ӕнӕгъӕнӕ къуӕре ка косуй, уонӕн, удта е ’нӕнездзийнадӕ лӕмӕгъ кӕмӕн ӕй, еци игъосунгӕнгутӕн дӕр. Уӕ гъуддӕгти минкъий ести ку феййевайтӕ, уӕд, гӕнӕн ес, ӕма уӕ бийнонтӕй еске бон исуа сентябрӕй пионерӕй лӕггадӕ кӕнун райдайун. Уобӕл уӕ бон ӕй уӕ бийнонти ахури рӕстӕг радзубанди кӕнун.