Адӕнмӕ нӕуӕгӕй ку бацӕуӕн кенӕ Библий ахур ку фӕууадзӕн, уӕд син гъӕуама сӕйраг гъудитӕ лӕдӕрунмӕ ӕнхус кӕнӕн. Еци гъуддаги нин устур ӕнхус фӕуунцӕ цӕстуингӕ цӕветтонтӕ, уомӕн ӕма адӕймаги зӕрдӕбӕл бамбӕлунцӕ, удта ма ин уони фӕрци сӕйраг гъудитӕ нигъгъуди кӕнун ӕнцондӕр фӕууй.

Дӕхе цӕттӕ кӕнгӕй расагъӕс кӕнисӕ, сӕйраг гъудитӕ цӕветтони фӕрци куд балӕдӕрун кӕндзӕнӕ, уобӕл. Цӕветтон гъӕуама уа хумӕтӕг ӕма зӕрдӕмӕгъаргӕ (Мф 5:14–16; Мк 2:21; Лк 14:7–11). Дӕ гъудий дарӕ, адӕймаг цӕхуӕн адӕнихаттӕй ӕй, куд ирӕзтӕй ӕма ци куст кӕнуй, уой (Лк 5:2–11; Ин 4:7–15). Ӕма ’й ку фӕууинай, адӕймаг Библий рӕстдзийнадӕ ке балӕдӕрдтӕй, уобӕл куд цийнӕ кӕнуй, уӕд дӕхе цийнӕн дӕр кӕрон нӕ уодзӕй!

БАКӔСӔ ВИДЕОРОЛИКМӔ «АХУРКӔНУЙНӔГТӔ ЦӔТТӔ КӔНУНИ ГЪУДДАГ ЦИЙНӔ ХӔССУЙ. АРӔХСТГУНДӔРӔЙ ИГЪОСУН КӔНТӔ. ЦӔВЕТТОНТӔЙ ПАЙДА КӔНТӔ» ӔМА АЦИ ФАРСТАТӔБӔЛ ДЗУӔППИТӔ РАТТӔ:

• Адӕймагӕн Библий стих балӕдӕрун алкӕд ӕнцон цӕмӕннӕ фӕууй?

• Нитӕ цӕхуӕн цӕветтон ӕрхаста, цӕмӕй Джейдӕн Ромӕгтӕмӕ 5:12 стих балӕдӕрун кодтайдӕ?

• Хуарз цӕветтон адӕймагбӕл куд бандавуй?

• Цӕмӕн ӕй ӕхсидзгӕ игъосун кӕнгӕй видеороликтӕй ӕма нӕмӕ рӕстдзийнадӕ амонунмӕ ци косӕндзаумӕуттӕ ес, уонӕй пайда кӕнун?