Адӕймаг зӕрдиагӕй ку фӕдздзоруй, уӕд ӕ дзурдтӕ иннети зӕрдитӕмӕ багъарунцӕ. Удта имӕ адӕн лӕмбунӕгдӕр фегъосунцӕ. Зӕрдиагӕй ку фӕдздзорӕн, уӕд нӕ дзурдти фулдӕр хъаурӕ фӕууй, удта бӕрӕг фӕууй, ци дзорӕн, уобӕл нӕхуӕдтӕ ке ӕууӕндӕн. Адӕймаг цийфӕнди уавӕрти ма исгъомбӕл уа ӕма цийфӕнди уодигъӕди хецау ма уа, уӕддӕр ӕ бон ӕй исахур ун зӕрдиагӕй дзорун (Ро 12:11). Кутемӕй?

Фиццагидӕр расагъӕс кӕнӕ, ци зӕгъун дӕ фӕндуй, е куд ӕхсидзгӕ ’й, уобӕл. Дӕ гъудий дарӕ: Йеговӕ дин бабарӕ кодта адӕнӕн хуарз хабар хӕссун! (Ро 10:15). Уой фӕсте расагъӕс кӕнӕ, дӕ дзурдтӕ дӕ игъосгутӕн ци пайда ӕрхӕсдзӕнцӕ, уобӕл. Гӕнӕн ес, ӕма еци хабари фӕрци фӕййервӕздзӕнцӕ! (Ро 10:13, 14). Дӕ дзурд цардӕгас уӕд! Де ’уӕнгти ’змӕлд ӕнӕуой куд фӕууй, уотӕ уӕд ӕма дӕ цӕсгони ’змӕлдӕй де ’нкъарӕнтӕ ӕвдесӕ.

БАКӔСӔ ВИДЕОРОЛИКМӔ «АХУРКӔНУЙНӔГТӔ ЦӔТТӔ КӔНУНИ ГЪУДДАГ ЦИЙНӔ ХӔССУЙ. АРӔХСТГУНДӔРӔЙ ИГЪОСУН КӔНТӔ. ИННЕТИ ЗӔРДИАГӔЙ АХУР КӔНТӔ» ӔМА АЦИ ФАРСТАТӔБӔЛ ДЗУӔППИТӔ РАТТӔ:

• Нитӕ Джейди хӕццӕ Библи зӕрдиагӕй цӕмӕн нӕбал ахур кодта?

• Нитӕн ци банхус кодта, цӕмӕй бабӕй Джейди хӕццӕ Библи зӕрдиагӕй ахур кӕнун райдӕдтайдӕ?

• Кӕмӕн игъосун кӕнӕн, еци адӕнӕн сӕ хуарз менеугутӕбӕл цӕмӕн гъӕуама сагъӕс кӕнӕн?

• Зӕрдиагӕй ку дзорӕн, уӕд е, Библи ке хӕццӕ ахур кӕнӕн, уонӕбӕл ӕма иннетӕбӕл куд рабӕрӕг уодзӕй?