Цӕмӕй, Библи ка ахур кӕнуй, е Хуцауи ӕмбал исуа, уой туххӕй имӕ гъӕуама федар ӕууӕндундзийнадӕ уа (Дзт 11:6). Еци гъуддаги ин банхус кӕндзӕй киунугӕ «Радуйтесь жизни сейчас и вечно!». Ес си Библий сӕйраг стихтӕ, бӕлвурдгӕнӕнтӕ, фарстатӕ, рӕсугъд хузтӕ ӕма видеороликтӕ. Библи ке хӕццӕ ахур кӕнӕн, уомӕн ку ӕнхус кӕнӕн Хуцауи ӕмбал исун ӕма киристон менеугутӕ ӕ уодигъӕди федар кӕнун, уӕд, зӕгъӕн ес, ӕма е ’ууӕндундзийнадӕ, арти ка нӕ басодздзӕй, уӕхӕн ӕрмӕгӕй конд уодзӕй (1Кр 3:12–15).

Еуӕй-еуетӕ фӕззӕгъунцӕ: «Ке нӕ уинис, еци Хуцауи ӕмбал куд гъӕуама исуай?» Уомӕ гӕсгӕ син гъӕуй банхус кӕнун, цӕмӕй Йегови базононцӕ ӕма ибӕл сӕ зӕрдӕ даронцӕ.

БАКӔСӔ ВИДЕОРОЛИКМӔ «ИННЕТӔН ӔНХУС КӔНТӔ, ЦӔМӔЙ ЙЕГОВӔБӔЛ ХЪӔБӔРДӔР ӔУУӔНДОНЦӔ КИУНУГИ ФӔРЦИ „РАДУЙТЕСЬ ЖИЗНИ СЕЙЧАС И ВЕЧНО!“» ӔМА АЦИ ФАРСТАТӔБӔЛ ДЗУАПП РАТТӔ:

• Хуӕрӕ Библий ахурмӕ ӕхе хуарз ке бацӕттӕ кодта, е цӕмӕй бӕрӕг ӕй?

• Хуӕрӕ ци фарстатӕ баццӕттӕ кодта, уони фӕрци кизги куд баразӕнгард кодта, Исаййи 41:10, 13 стихти туххӕй ӕ гъуди зӕгъунмӕ?

• Цӕмӕй бӕрӕг ӕй видеоролик ӕма стихтӕ ӕ зӕрдӕмӕ ке багъардтонцӕ?

Беретӕ Киристей нивонди туххӕй ахурадӕ нӕ лӕдӕрунцӕ. Кедӕрти ба нӕ фе ’руагӕс кӕнуй, Киристе уони туххӕй ке рамардӕй (Гл 2:20). Уомӕ гӕсгӕ син гъӕуй банхус кӕнун, Киристе уони туххӕй дӕр ке рамардӕй, уобӕл баууӕндун.

БАКАСӔ ВИДЕОРОЛИКМӔ «ИННЕТӔН ӔНХУС КӔНТӔ, ЦӔМӔЙ КИРИСТЕБӔЛ ХЪӔБӔРДӔР ӔУУӔНДОНЦӔ КИУНУГИ ФӔРЦИ „РАДУЙТЕСЬ ЖИЗНИ СЕЙЧАС И ВЕЧНО!“» ӔМА АЦИ ФАРСТАТӔБӔЛ ДЗУАПП РАТТӔ:

• Ӕнсувӕр ӕхе дзӕбӕх ке бацӕттӕ кодта, е цӕмӕй бӕрӕг ӕй?

• Ӕнсувӕр куд испайда кодта, рамки «Дополнительно» ци ӕрмӕг ес, уомӕй?

• Цӕмӕн ӕй ӕхсидзгӕ ковун?