Нӕ сайти фӕрци дӕ бон ӕй дӕ телефонмӕ, планшетмӕ кенӕ компьютермӕ рафинсун Библи ӕма ӕндӕр публикацитӕ, удта видеороликтӕ ӕма аудиоӕрмӕг.

КУД ЕС ПУБЛИКАЦИТӔ РАФИНСӔН. Интернетмӕ бацо ӕма си ци агорис, уой финсунмӕ ци бунат фӕууй, уоми нӕ сайти адрес ниффинсӕ. Равзарӕ, рафинсун дӕ ке фӕндуй, еци публикаци. Кӕд дӕмӕ хӕдзари интернет нӕййес, уӕд дин, ка ’й зонуй, уӕхӕн фадуат уа нӕ зали, библиотеки кенӕ ести кафей. Публикацитӕ ку рафинсай, уӕд сӕ цӕмӕй райгон кӕнай, уой туххӕй дӕ интернет нӕбал гъӕудзӕй. Фал нӕ сайти рӕстӕгӕй-рӕстӕгмӕ нӕуӕг цидӕртӕ ке фӕззиннуй, уомӕ гӕсгӕ дӕ гъӕудзӕй нӕуӕг ӕрмӕг рафинсун.

ЦИ ПАЙДА ӔЙ? Нӕ сайт устур ӕнхус ӕй Библи ӕртасунмӕ, удта уой фӕрци дӕ телефони кенӕ планшети алкӕддӕр уодзӕй, ӕмбурди нӕ ка багъӕуй, еци публикацитӕ. Удта ма пайда ӕй игъосун кӕнунмӕ дӕр, уӕлдай дӕр ба нин фадуат ку фӕззинна, уӕд.