Зиндзийнӕдти адӕймагӕн ӕ нифс хъӕбӕр ӕнцонтӕй расӕттуй, уӕлдайдӕр ба еци зиндзийнӕдтӕн кӕрон ку нӕ фӕууинуй, уӕд. Давид ӕй зудта, Саули туххӕй ци зинтӕ ӕвзаруй, уонӕн кӕрон ке ӕрцӕудзӕй ӕма ин Йеговӕ зӕрдӕ куд байвардта, уотӕ паддзах ке исуодзӕй (1См 16:13). Давид Йеговӕмӕ фӕразонӕй ӕнгъӕлмӕ кастӕй, е ’ууӕндундзийнадӕ федар ке адтӕй, уой фӕрци.

Зиндзийнӕдтӕ ӕвзаргӕй лӕдӕргӕ ку уӕн ӕма зундӕй ку архайӕн, уӕд, ка ’й зонуй, нӕ уавӕр фӕххуӕздӕр уодзӕй (1См 21:12–14; Ӕм 1:4) Фал, гӕнӕн ес, ӕма нӕ уавӕр кӕронмӕ ма исхуарз уа, кӕд, Библий уагӕвӕрдтӕмӕ гӕсгӕ нӕ бон ци адтӕй, уой бакодтан, уӕддӕр. Уӕхӕн уавӕрти ба гъӕуама Йеговӕмӕ фӕразонӕй ӕнгъӕлмӕ кӕсӕн. Йеговӕ тагъд рӕстӕги ӕгас зиндзийнӕдтӕн дӕр кӕрон искӕндзӕй ӕма нин нӕ «цӕстисугтӕ ниссӕрфдзӕй» (Рар 21:4). Нӕ уавӕр фӕнди Йегови фӕрци фӕххуӕздӕр уа, фӕнди ӕндӕр ескуд, уӕддӕр ӕй федарӕй зонӕн, не ’гас зиндзийнӕдтӕ дӕр еу афони ке фӕууодзӕнцӕ. Уой ке зонӕн, е нин нӕ нифс куд нӕ федар кӕнуй!

БАКӔСӔ ВИДЕОРОЛИКМӔ «ЕДИНЫЙ НАРОД В РАЗОБЩЁННОМ МИРЕ» ӔМА АЦИ ФАРСТАТӔБӔЛ ДЗУАПП РАТТӔ:

• Еугонд Штатти хуӕртӕ ӕма ӕнсувӕртӕ цӕхуӕн зиндзийнӕдтӕбӕл ӕмбалдӕнцӕ?

• Уарзондзийнадӕ ӕма фӕразондзийнадӕ куд бавдистонцӕ?

• Ци син банхус кодта, «ӕхсидзгӕдӕр ци ӕй», уобӕл сагъӕс кӕнун? (Фп 1:10).