АРХАЙӔН АРӔХСТГУНӔЙ ИГЪОСУН КӔНУН
Архайӕн арӕхстгунӕй игъосун кӕнун. Брошюрӕ дӕтгӕй дзубанди куд райдайдзӕнӕ, уой бацӕттӕ кӕнӕ
Е ӔХСИДЗГӔ ЦӔМӔН ӔЙ. Кӕд косӕн тъетради игъосун кӕнгӕй дзубанди куд райдайдзиан, уой фӕдбӕл хуарз цӕветтонтӕ фӕууй, уӕддӕр гъӕуама нӕхе дзурдтӕй дзорӕн. Ӕвӕдзи, уотӕ дӕр фӕссагъӕс кӕнис, ӕма дзубанди ӕндӕрхузи ку райдайай, уӕд дӕмӕ уӕ территорий адӕн хуӕздӕр байгъосдзӕнцӕ. Кӕд уотӕ ’й, уӕд брошюрӕ бакӕсӕ, дзубанди райдайун куд ӕнгъезуй, уой фӕдбӕл цӕветтонтӕмӕ ӕркӕсӕ ӕма видеороликтӕмӕ бакӕсӕ, ӕма уой фӕсте ба бацӕттӕ кӕнӕ, дӕ дзубанди куд райдайдзӕнӕ, уой, дӕлдӕр ци унаффитӕ ес, уонӕмӕ гӕсгӕ.
УОМӔН КУД ЕС ГӔНӔН
Дӕхе бафӕрсӕ: «Косӕн тъетради ци цӕветтонтӕ ес, уонӕй мӕ фӕндуй испайда кӕнун?»
ГЪО
-
Дзубанди куд райдайдзӕнӕ, уой бацӕттӕ кӕнӕ. Адӕймагӕн салам ку раттай, уӕд ин цубуртӕй зӕгъӕ, цӕмӕн ӕрбацудтӕ, уой. (Дӕ бон ӕй зӕгъун: «Ӕз ӕрбацудтӕн, цӕмӕй...»)
-
Расагъӕс кӕнӕ, фарстай фӕсте стихмӕ куд рахездзӕнӕ ӕма ин уой фӕсте брошюрӕ куд ратдзӕнӕ. (Цӕмӕй ин стих бакӕсай, уой туххӕй ин дӕ бон ӕй зӕгъун: «Аци фарстабӕл дзуапп иссерӕн ес мӕнӕ ами».)
НӔ
-
Расагъӕс кӕнӕ, иннӕ хатт адӕймаги хӕццӕ цӕхуӕн фарстабӕл радзорӕн уодзӕй, уобӕл
-
Иннӕ хатт ци дзордзӕнӕ, уой гӕгъӕдибӕл ниффинсӕ, цӕмӕй ди ма феронх уа
-
Брошюрӕй равзарӕ, дӕумӕ гӕсгӕ цӕмӕдесагдӕр ка ӕй ӕма уӕ территорий адӕни зӕрдитӕмӕ хъӕбӕрдӕр ка фӕццӕудзӕй, уӕхӕн темӕ
-
Расагъӕс кӕнӕ, адӕймагмӕ цӕхуӕн фарста ес раттӕн, цӕмӕй ӕй баразӕнгард кӕна расагъӕс кӕнунмӕ ӕма ӕ гъуди зӕгъунмӕ, фал цӕмӕй ма истухса. (Дӕ бон ӕй, иуарунмӕ брошюрити 2-аг фарсбӕл ци фарстатӕ ес, уонӕй ескӕци равзарун.)
ЦИЙФӔНДИ УАВӔРИ ДӔР
-
Библийӕй стих равзарӕ. (Алли мӕйӕ дӕр ке феуарӕн, еци брошюритӕй еу ӕй, Библи хуарз ка нӕ зонуй кенӕ динтӕбӕл ка не ’ууӕндуй, еци адӕнӕн. Уӕхӕн брошюрӕ ку дӕттай, уӕд стих кӕсун ӕнӕмӕнгӕ нӕй.)
-
Адӕймагӕн цубуртӕй балӕдӕрун кӕнӕ, аци статья ин ци пайда ӕрхӕсдзӕй, уой
