НӔ КИРИСТОН ЦАРД
Иуазгутӕбӕл бацийнӕ кӕнтӕ
23 мартъий Имисӕн изӕрмӕ ӕрбацӕудзӕй еу 12 милиуан адӕймаги кенӕ фулдӕр. Радзубанди кӕмӕн уа, еци ӕнсувӕр архайдзӕй, цӕмӕй игъосгути зӕрдитӕмӕ над иссера – балӕдӕрун кӕндзӕй, Йеговӕ Киристей нивондӕн цӕмӕн ӕрхаста, удта адӕнмӕ нӕуӕг дуйней цӕхуӕн арфӕдзийнӕдтӕ ӕнгъӕлмӕ кӕсуй, уой (Ис 11:6–9; 35:5, 6; 65:21–23; Ин 3:16). Фал уӕхӕн фадуат айдагъ ӕнсувӕрӕн нӕ уодзӕй. Махӕн дӕр нӕ бон уодзӕй иуазгути зӕрдитӕмӕ над иссерун, зӕрдиагӕй сӕбӕл ку бацийнӕ кӕнӕн, уӕд (Ро 15:7). Ами ес цалдӕр унаффи.
-
Хуарз уайдӕ, рагацау исбадун ӕма программӕ кӕд райдайдзӕй, уомӕ ӕнгъӕлмӕ кӕсуни бӕсти, иуазгутӕбӕл, удта ӕмбурдтӕмӕ рагӕй ка нӕбал цӕуй, уонӕбӕл зӕрдиагӕй бацийнӕ кӕнун
-
Дӕхуӕдӕг ке ӕрбахудтай, уонӕмӕ, ӕвӕдзи, уӕлдай лӕмбунӕгдӕр уодзӕнӕ, фал хунди гӕгъӕдимӕ гӕсгӕ ка ӕрбацудӕй, уони дӕр ма иронх кӕнӕ. Нӕугути дӕ фарсмӕ исбадун кӕнӕ, цӕмӕй Библий стихтӕмӕ еумӕ кӕсайтӕ ӕма еумӕ зарайтӕ
-
Радзубандий фӕсте ескӕмӕ ести фарстатӕ ку фӕззинна, уӕд ин банхус кӕнӕ дзуапп иссерун. Уе ’мбурди хуӕдфӕсте иннӕ ӕмбурдӕн ку уа фембӕлд, уӕдта байархайӕ, цӕмӕй адӕймаги еци къуӕре ӕндӕр бон бабӕрӕг кӕнай. Ӕ адрис кенӕ дӕмӕ ӕ телефони номертӕ ку нӕ уа, уӕдта ин зӕгъӕ: «Кӕд дӕ фӕндуй, абони цӕбӕл дзурдтонцӕ, уой туххӕй фулдӕр базонун, уӕд мин дӕ адрис кенӕ дӕ телефони номертӕ раттӕ, ӕма ибӕл иннӕ хатт радзубанди кӕндзиан»