25:1–12

Кӕд Йесо дӕс кизгей туххӕй фӕсномуг дзурд ӕ исӕрст фӕдбӕлдзӕугути туххӕй ракодта, уӕддӕр ӕ сӕйраг гъуди ӕгас киристӕнттӕмӕ дӕр хауй (w15-OSS 15/3 12–16 [bw556]). «Мадта ма бафунӕй уотӕ, уомӕн ӕма нӕдӕр еци бон зонетӕ, нӕдӕр еци сахат» (Мф 25:13). Дӕ бон ӕй Йесой фӕсномуг дзурд балӕдӕрун кӕнун?

• Сиахс (1 стих): Йесо Киристе.

• Цӕттӕ ка адтӕй, еци зундгин кизгуттӕ (2 стих): ӕ ихӕслӕвӕрд ӕнхӕст кӕнунмӕ цӕттӕ ка ӕй ӕма аци дуйней кӕрони уӕнгӕ рохсгӕнӕнти хузӕн ка ӕрттевуй, еци еузӕрдон исӕрст киристӕнттӕ (Фп 2:15).

• Кадӕр нигъгъӕр кодта: «Сиахс ӕрбацӕуй!» (6 стих): Йесо Паддзах ке иссӕй, уомӕн бӕлвурдгӕнӕнтӕ.

• Ӕнӕзунд кизгуттӕ (8 стих): сиахси размӕ ка рацудӕй, фал къӕрцгъос ӕма еузӕрдон ка нӕ разиндтӕй, еци исӕрст киристӕнттӕ.

• Зундгин кизгуттӕ син сӕ сойнӕй нӕ равардтонцӕ (9 стих): еузӕрдон исӕрст киристӕнттӕбӕл фӕстаг мухур ӕвӕрд ку ’рцӕуа, уӕд сӕ бон нӕбал уодзӕй, еузӕрдонӕй ка нӕ байзадӕй, уонӕн банхус кӕнун, уомӕн ӕма уӕд ӕрӕгӕмӕ уодзӕй.

• «Сиахс ӕрбацудӕй» (10 стих): устур бӕллӕхи кӕронмӕ хӕстӕг Йесо ӕрцӕудзӕй тӕрхон искӕнунмӕ.

• Цӕттӕ ка адтӕй, еци кизгуттӕ киндзӕхсӕвӕрмӕ сиахси хӕццӕ бацудӕнцӕ ӕма дуар ӕхгӕд ӕрцудӕй (10 стих): Йесо еузӕрдон исӕрст киристӕнтти уӕларвмӕ ӕрӕмбурд кӕндзӕй. Еузӕрдон ка нӕ разинна, етӕ ба сӕ уӕларвон хуӕрзеуӕгӕй фенӕхай уодзӕнцӕ.