Е ӔХСИДЗГӔ ЦӔМӔН ӔЙ. Хъӕрӕутӕй беретӕн зин фӕууй ӕнӕзонгӕ адӕни хӕццӕ дзорун. Уомӕ гӕсгӕ нӕ еу минкъий ӕндӕрхузи фӕгъгъӕуй архайун, цӕмӕй син хуарз хабар фегъосун кӕнӕн. Йеговӕ ӕ адӕнӕн ци закъӕнттӕ равардта, уонӕй бӕрӕг ӕй, хъӕрӕу адӕнбӕл ке тухсуй ӕма сӕ ке уарзуй (Лв 19:14). Ӕма мах бон дӕр ӕй нӕ Хуцауи фӕнзун ӕма хъӕрӕу адӕнӕн ӕнхус кӕнун, цӕмӕй Йегови базононцӕ.

УОМӔН КУД ЕС ГӔНӔН:

• Агоретӕ хъӕрӕу адӕни (Мф 10:11). Ӕ хеуӕнтти астӕу хъӕрӕу адӕймаг кӕмӕн ес, уӕхӕнӕй неке зонис? Ка ’й зонуй, уе ’мбурди территоримӕ хауй, хъӕрӕутӕ кӕми фӕуунцӕ, уӕхӕн бӕстихай, зӕгъӕн, скъола кенӕ зӕрӕндти хӕдзарӕ. Ӕма си ка фӕууй, уони, гӕнӕн ес, бафӕндӕуа, цӕмӕй син ӕрбахӕссӕн, нӕ организаци хъӕрӕутӕн ке рауадзуй, уӕхӕн публикацитӕ.

• Адӕймагбӕл зӕрдиагӕй тухсӕ. Хъӕрӕу адӕймаг ӕй ку лӕдӕра, зӕрдиагӕй ибӕл ке тухсис ӕма имӕ хуарз зӕрдӕ ке дарис, уӕд ӕй, ка ’й зонуй, дӕ хӕццӕ радзорун дӕр бафӕндӕуа. Ӕ хӕццӕ дзубанди кӕнун райдайӕ, уӕ территорий адӕни фулдӕр ци тухсун кӕнуй, уобӕл.

• Ӕнхус син кӕнӕ, цӕмӕй Йегови базононцӕ. Цӕмӕй хъӕрӕу адӕн ӕма, цӕстӕй лӕгъуз ка уинуй, етӕ Йеговӕмӕ бахӕстӕг уонцӕ, уой туххӕй нӕ организаци уадзуй ӕрмӕг аллихузи форматти. Игъосун кӕнунбӕл дзуапдӕттӕг цӕстӕдарӕг гъӕуама исбӕрӕг кӕна, литературӕн дзуапп ка дӕттуй, еци ӕнсувӕр раст ке байдзаг кодта, адӕймаги литературӕ цӕхуӕн формати гъӕуй, уой фӕдбӕл курдиадӕ.