Иуди 3

Киристе фӕдзахста: «Ӕгас хъауритӕй архайетӕ нарӕг дуарбӕл бахезунбӕл» (Лк 13:24). Ӕ дзурдтӕй бӕрӕг ӕй, не ’гас хъауритӕй ке гъӕуама архайӕн, цӕмӕй, Хуцау зӕрдӕ кӕмӕй байвардта, еци хуӕрзеуӕг райсӕн. Уӕхӕн гъуди ма ӕ финстӕги ниффинста Киристей ӕнсувӕр Иудӕ дӕр. Киристӕнтти разӕнгард кодта се ’ууӕндундзийнади сӕрбӕл «ӕгас хъауритӕй тох кӕнун». Ӕгас хъауритӕй нӕ архайун гъӕуй, цӕмӕй:

• ӕнӕгъдау фӕндти хӕццӕ тох кӕнӕн (Иуди 6, 7);

• ӕмбурди бартӕ кӕмӕн ес, уони нимайӕн (Иуди 8, 9);

• нӕ уодигъӕдӕ федар кӕнӕн «сугъдӕг ӕууӕндундзийнади» фӕрци, гъома киристон ахурӕдти фӕрци (Иуди 20, 21).