НӔ КИРИСТОН ЦАРД
Сувӕллон нӕмӕ ку ракӕса
Игъосун кӕнгӕй нӕмӕ сувӕллон ку ракӕса, уӕд ин гъӕуама зӕгъӕн, цӕмӕй ӕ ниййергутӕй ескӕмӕ фӕдздзора. Уотемӕй бавдесдзиан, ке сӕ нимайӕн, уой (Ӕм 6:20). Сувӕллон нин медӕмӕ ку зӕгъа, уӕд ин гъӕуама фӕлмӕнӕй зӕгъӕн «нӕ». Ӕ ниййергутӕ хӕдзари ку нӕ уонцӕ, уӕд гъӕуама ӕндӕр хатт ӕрбацӕуӕн.
Кӕд сувӕллон уотӕ минкъий нӕбал ӕй, гъома хестӕр кълӕсти ахур кӕнуй, уӕддӕр хуӕздӕр уодзӕй ӕ ниййергутӕмӕ ин ку фӕдздзорӕн. Хӕдзари ку нӕ уонцӕ, уӕд ӕй ӕнгъезуй бафӕрсун, зӕгъгӕ, бакӕсунмӕ дин ести ку ниууадзӕн, уӕд дӕ ниййергутӕ неци зӕгъдзӕнцӕ. Кӕд ӕнгъеза, уӕд ин нӕ бон уодзӕй литературӕ ниууадзун, удта нӕ сайти туххӕй дӕр зӕгъун.
Дзӕбӕх нӕмӕ ка байгъуста, уӕхӕн сувӕллонмӕ иннӕ хатт ку ’рбацӕуӕн, уӕд гъӕуама байархайӕн, цӕмӕй ӕ ниййергути хӕццӕ радзубанди кӕнӕн. Уӕд син балӕдӕрун кӕндзиан, цӕмӕн ӕрбацудан ӕма син бавдесдзиан, Библий унаффитӕ бийнонти цардӕн пайда ке ’нцӕ (Пс 119:86, 138). Ниййергутӕ ку уинонцӕ, ке сӕ нимайӕн ӕма сӕ хӕццӕ куд уӕзданӕй дзорӕн, уӕд Хуцауи ном кадгин кӕндзиан. Уой фӕрци ма нин ӕндӕр фадуӕттӕ дӕр фӕззиндзӕй, цӕмӕй бийнонти хӕццӕ хуарз хабари туххӕй радзорӕн (1Пт 2:12).