Киристе зӕнхӕбӕл ку адтӕй, уӕд дзурдта, куд ӕхсидзгӕ ӕй ӕнхӕст кӕнун фӕдзӕхст, «нимайӕ дӕ фидӕ ӕма дӕ мади», зӕгъгӕ (Рц 20:12; Мф 15:4). Еци дзурдтӕ Киристейӕн сӕребарӕй ӕ бон адтӕй дзорун, уомӕн ӕма сувӕллон ку адтӕй, уӕд ӕ ниййергутӕмӕ игъуста (Лк 2:51). Ӕ мӕлӕти размӕ ба батухстӕй, цӕмӕй ӕ мадӕмӕ фӕккӕсӕг адтайдӕ (Ин 19:26, 27).

Мах рӕстӕги дӕр ӕригон киристӕнттӕ сӕ ниййергутӕмӕ ку фегъосунцӕ ӕма сӕ хӕццӕ уӕзданӕй ку фӕдздзорунцӕ, уӕд уотемӕй февдесунцӕ, ке сӕ нимайунцӕ, уой. Фал аци фӕдзӕхст ӕрмӕстдӕр кӕстӕртӕмӕ нӕ хауй. Кӕд нӕ ниййергутӕ сӕ кари бацудӕнцӕ, уӕддӕр сӕ гъӕуама идарддӕр дӕр нимайӕн ӕма сӕ унаффитӕмӕ игъосӕн (Ӕм 23:22). Удта нӕ бон ӕй нӕ рацӕргӕ ниййергути хӕццӕ рӕстӕг ӕрветун ӕма, ку гъӕуа, уӕд син ӕхцайӕй ӕнхус кӕнун (1Тм 5:8). Ӕригон ан ӕви нӕ, уӕддӕр нӕ ниййергути хӕццӕ радзорунмӕ рӕстӕг ку агорӕн, уӕд уомӕй бӕрӕг уодзӕй, ке сӕ нимайӕн, е.

БАКӔСӔ ВИДЕОРОЛИКМӔ «МӔ НИЙЙЕРГУТИ ХӔЦЦӔ ЕУМӔЙАГ ӔВЗАГ КУД ИССЕРОН?» ӔМА АЦИ ФАРСТАТӔБӔЛ ДЗУӔППИТӔ РАТТӔ:

• Дӕ ниййергути хӕццӕ дин, гӕнӕн ес, ӕма цӕмӕн уа зин дзорӕн?

• Дӕ ниййергути хӕццӕ ку дзорай, уӕд дӕ бон куд ӕй бавдесун, ке сӕ нимайис, уой?

• Кӕд дин дӕ ниййергути хӕццӕ ӕнцон дзорӕн нӕй, уӕддӕр дӕ идарддӕр дӕр зӕрдиагӕй архайун цӕмӕн гъӕуй? (Ӕм 15:22)