Е ӔХСИДЗГӔ ЦӔМӔН ӔЙ. Цӕмӕй адӕн фӕййервӕзонцӕ, уой туххӕй гъӕуама Йеговӕмӕ ӕ номӕй ковонцӕ (Ро 10:13, 14). Фал Библи ахур кӕнунбӕл ка исарази ӕй, уонӕй алке Йегови уагӕвӕрдтӕмӕ гӕсгӕ цӕрун нӕ фӕффӕндуй. Мах нӕ рӕстӕгӕй лӕдӕргӕй пайда кӕнӕн, ӕма ӕнхус кӕнӕн, ӕ царди ӕййивддзийнӕдтӕ кӕнун ке фӕндуй, ӕма уотемӕй Йегови зӕрдӕ ка рохс кӕнуй, уонӕн. Кӕд еске хӕццӕ Библи рагӕй ахур кӕнӕн, фал еци адӕймаг ӕ царди ӕййивддзийнӕдтӕ нӕ кӕнуй, уӕд зундбӕл дзорӕг уодзӕй, ӕ хӕццӕ ку нӕбал ахур кӕнӕн, фал ӕнхус кӕнӕн, Йеговӕ ӕхемӕ ӕма ӕ организацимӕ ке ӕрбакӕнуй, уонӕн (Ин 6:44). Дзурд дӕр ибӕл нӕййес, адӕймаг ӕ царди ӕййивддзийнӕдтӕ ку искӕна, ӕма уотемӕй ку бавдеса, «ӕносон царди надбӕл» ӕй цӕун ке фӕндуй, уӕд нин ӕхцӕуӕн уодзӕй ӕ хӕццӕ нӕуӕгӕй Библи ахур кӕнун райдайун (Гъд 13:48).

УОМӔН КУД ЕС ГӔНӔН:

• Ахуркӕнуйнаги растауӕ, бӕлвурд зонундзийнӕдтӕ есун ӕй ке фӕндуй, уой туххӕй (1Тм 2:4).

• Балӕдӕрун ин кӕнӕ, ци базонуй, уой ӕнхӕст кӕнун куд ӕхсидзгӕ ӕй, уой (Лк 6:46–49).

• Ӕ хӕццӕ фӕлмӕнӕй радзубанди кӕнӕ, Киристе итауӕги туххӕй ци цӕветтон радзурдта, уобӕл ӕма ’й бафӕрсӕ, ӕ гъудимӕ гӕсгӕ ’й ци хъор кӕнуй, ци базонуй, уомӕ гӕсгӕ цӕрун (Мф 13:18–23).

• Фӕлмӕнӕй ин балӕдӕрун кӕнӕ, ӕ хӕццӕ Библи цӕмӕн нӕбал ахур кӕндзӕнӕ, уой.

• Ба ин лӕдӕрун кӕнӕ, рӕстӕгӕй-рӕстӕгмӕ имӕ ке цӕудзӕнӕ, ӕма ӕ царди ӕййивддзийнӕдтӕ ку искӕна, уӕд ӕ хӕццӕ нӕуӕгӕй Библи ахур кӕнун ке райдайдзӕнӕ.

БАКӔСӔ ВИДЕОРОЛИКМӔ «БИБЛИЙЫ УАГӔВӔРДТӔМ ГӔСГӔ ЙӔ ЦАРД ФӔИВЫНЫЛ ЧИ НӔ АРХАЙЫ, УЫДОНИМӔ БИБЛИ АХУЫР КӔНЫН НАЛ ХЪӔУЫ» ӔМА АЦИ ФАРСТАТӔБӔЛ ДЗУӔППИТӔ РАТТӔ:

• Библи ка ахур кӕнуй, еци нӕлгоймаг ӕ цард Библий уагӕвӕрдтӕмӕ гӕсгӕ ке нӕ аразуй, е сӕ дзубандийӕй куд зиннуй?

• Ӕнсувӕр ахуркӕнуйнагӕн куд банхус кодта балӕдӕрун, ӕ царди ӕййивддзийнӕдтӕ ке гъӕуама кӕна, уой?

• Ӕнсувӕр ахуркӕнуйнагӕн куд балӕдӕрун кодта, фӕстӕдӕр ӕй ку бафӕндӕуа, уӕд бабӕй ӕ хӕццӕ Библи ахур кӕнун ке райдайдзӕй?