Аллихузи дидингутӕмӕ, стъалутӕй идзаг арвмӕ кенӕ гулфгӕнгӕ ӕхсӕрдзӕнмӕ ку фӕккӕсис, уӕд си Хуцауи къох фӕууинис? Ӕрдзӕмӕ кӕсгӕй дӕ цӕстингас кумӕфӕнди ма фӕууа, алкӕмидӕр зиннунцӕ Йегови ӕнӕуингӕ менеугутӕ (Ро 1:20). Ку ӕрлӕууӕн ӕма ку расагъӕс кӕнӕн, нӕ алливарс ӕрдзӕ куд дессаг ӕй, уӕд нӕ бон уодзӕй фӕууинун Хуцауи хъаурӕ, уарзондзийнадӕ, зунд ӕма рӕстдзийнадӕ, уой хӕццӕ ба ма ӕ рӕдаудзийнадӕ дӕр (Пс 104:24).

Йеговӕ ци сфӕлдиста, уонӕй алли бон дӕр ци фӕууинис? Горӕти цӕргӕй дӕр дӕ бон ӕй цъеути зарунмӕ ӕма бӕлӕсти сур-сурмӕ игъосун. Йеговӕ ци сфӕлдиста, уомӕ лӕмбунӕг ку фӕккӕсӕн, уӕд нин е банхус кӕнуй, цӕмӕй ӕгӕр ма мӕтӕ кӕнӕн, нӕ гъудитӕ, сӕйрагдӕр ци ӕй, уомӕ исаразӕн, удта нӕбӕл Йеговӕ ӕносмӕ дӕр ке тухсдзӕй, уобӕл федардӕрӕй ӕууӕндӕн (Мф 6:25–32). Кӕд дин сувӕллӕнттӕ ес, уӕд уонӕн дӕр ӕнхус кӕнӕ Йегови дессаги менеугутӕ уинун. Нӕ алливарс ци рӕсугъд дуйне ес, уомӕн никки хъӕбӕрдӕр ку аргъ кӕнӕн, уӕд Сфӕлдесӕгмӕ хӕстӕгдӕр кӕндзиан (Пс 8:3, 4).

БАКӔСӔ ВИДЕОРОЛИКМӔ «ЧУДЕСА ТВОРЕНИЯ ПРОСЛАВЛЯЮТ БОГА. СВЕТ И ЦВЕТ» ӔМА АЦИ ФАРСТАТӔБӔЛ ДЗУӔППИТӔ РАТТӔ:

• Нӕ бон хузтӕ ӕртасун цӕй фӕрци ӕй?

• Ӕрттевагӕ хузтӕ куд исӕвзурунцӕ?

• Арвбӕл аллихузи хузтӕ цӕмӕн уинӕн?

• Дӕ алливарс ӕрдзи дессаги хузтӕй дӕ зӕрдӕмӕ хъӕбӕрдӕр кӕци цӕуй?

• Нӕ алливарс ци рӕсугъд дуйне ес, уомӕ лӕмбунӕг кӕсунмӕ рӕстӕг хецӕн кӕнун ӕхсидзгӕ цӕмӕн ӕй?