Цӕмӕй Израили ковӕндонӕ конд ӕрцудайдӕ, уой туххӕй гъудӕй байархайун ӕма устур хӕрзтӕ искӕнун. Фал израилӕгтӕ еци гъуддаги ӕнӕзийнадӕ адтӕнцӕ ӕма рӕдауӕй лӕвардтонцӕ ци сӕмӕ адтӕй, уой (1Анз 29:2–9; 2Анз 6:7, 8). Ковӕндонӕ конд ку ’рцудӕй, уӕд имӕ уой фӕсте израилӕгтӕ куд зилдӕнцӕ, уомӕй бӕрӕг адтӕй, се ’ууӕндундзийнадӕ ци уавӕри адтӕй, е (2Пд 22:3–6; 2Анз 28:24; 29:3). Абони дӕр ӕнӕуой залтӕ ӕма Конгрессти залтӕ аразунмӕ, удта се ’фснайунмӕ ӕма сӕмӕ зелунмӕ берӕ рӕстӕг ӕма хъауритӕ багъӕуй. Фал е хауй нӕ лӕггадӕмӕ ӕма еци гъуддаги Йегови хӕццӕ ӕмгуст ке кӕнӕн, уой нӕхецӕн устур кадӕбӕл нимайӕн (Пс 127:1; Рар 7:15).

• Алли ӕмбурди фӕсте дӕр ку ӕфснайӕн. Дӕ бон ку нӕ уа, уӕдта байархайӕ, цӕмӕй дӕ алливарс кӕдзосӕй ниууадзай.

• Зал ӕфснайунмӕ ӕма ’й барӕвдзӕ кӕнунмӕ ку фӕккӕсӕн. Еци гъуддагмӕ куд фулдӕремӕй бавналӕн, уотӕ нӕ куст дӕр тагъддӕр фӕууодзӕй, удта ма нин игъӕлдзӕгдӕр уодзӕй (lv-OSS 105 ф., 18 абз.).

• Нисайнӕгтӕ ку гӕлдзӕн. Зӕрдиагӕй «дууӕ листӕг... ӕхцай» дӕр ку раттӕн, уӕддӕр Йегови зӕрдӕ барохс кӕндзиан (Мк 12:41–44).

• Гӕнӕн ку уа, уӕд Йеговӕн кӕми фӕкковӕн, уӕхӕн бунӕттӕ кӕнунмӕ кенӕ сӕ барӕвдзӕ кӕнунмӕ ку ӕнхус кӕнӕн. Уой туххӕй нӕ дӕсни косгутӕ ун нӕ гъӕуй.