Исай Йеговӕн зӕрдиагӕй лӕггадӕ кӕнунмӕ цӕттӕ ке адтӕй, уомӕй нин фӕнзуйнаг ӕй. Е ’ууӕндундзийнадӕ бӕрӕг адтӕй, Йеговӕн дзуапп уайтагъд ке равардта, уомӕй, уотемӕй ба ’й зонгӕ дӕр нӕ кодта, кумӕ ’й ӕрветуйнаг ӕй, уой (Ис 6:8). Дӕ бон ӕй дӕ уавӕртӕ феййевун, цӕмӕй, игъосунгӕнгутӕ кӕми нӕ фагӕ кӕнуй, уоми лӕггадӕ кӕнай? (Пс 110:3). Фиццагидӕр бал дӕ гъӕудзӕй банимайун, ӕндӕр рауӕнмӕ рандӕ ун дин «цӕйбӕрцӕ ислӕудзӕй, уой» (Лк 14:27, 28). Фал цӕттӕ уо, хуарз хабар игъосун кӕнуни гъуддаги туххӕй дӕхе цӕмӕйдӕрти фӕццох кӕнунмӕ дӕр (Мф 8:20; Мк 10:28–30). Видеороликки «Игъосунгӕнгутӕ кӕми нӕ фагӕ кӕнуй, уоми лӕггадӕ кӕнӕн» куд загъд адтӕй, уотемӕй Хуцауӕн лӕггадӕ кӕнгӕй ци арфӕдзийнӕдтӕй исхайгин уӕн, етӕ нӕ зиндзийнӕдтӕй берӕ фулдӕр ӕнцӕ.

• Уильямсти бийнонтӕй алкедӕр сӕхе цӕмӕй фӕццох кодта, цӕмӕй Эквадори лӕггадӕ кодтайуонцӕ?

• Кумӕ рандӕ уодзӕнцӕ, уой ку ӕвзурстонцӕ, уӕд цӕхуӕн гъуддӕгтӕбӕл расагъӕс кодтонцӕ?

• Цӕхуӕн арфӕдзийнӕдтӕй исхайгин ӕнцӕ?

• Игъосунгӕнгутӕ кӕми нӕ фагӕ кӕнуй, уой туххӕй дӕ бон кӕцӕй ӕй фулдӕр базонун?

• Нӕ бон куд ӕй не ’гас бийнонтӕй Йеговӕн лӕггадӕ кӕнун? (km-OSS 8/11 4–6)

• Кӕд нин уӕхӕн фадуат нӕййес, ӕма игъосунгӕнгутӕ кӕми нӕ фагӕ кӕнуй, уоми лӕггадӕ кӕнӕн, уӕд нӕ бон куд ӕй не ’мбурдӕн ӕнхус кӕнун? (w16.03-OSS 23–25 [bw568])