Йеговӕ ӕгас адӕнмӕ дӕр ӕмхузӕн цӕстӕй кӕсуй (Гъд 10:34, 35). Ӕхемӕ хонуй, «еугур адӕнтӕй, муггӕгтӕй, адӕнихӕттитӕй ӕма ӕвзӕгтӕй» ка ӕй, уони (Рар 7:9). Уомӕ гӕсгӕ киристон ӕмбурди алкӕмӕдӕр ӕмхузӕн цӕстӕй кӕсӕн ӕма еуети иннетӕй уӕлдӕр не ’вӕрӕн (Иак 2:1–4). Хуцау нӕ ке ахур кӕнуй, уой фӕрци цӕрӕн «дзенети», гъома ӕ уодигъӕдӕ хуӕздӕрӕрдӕмӕ ка ӕййевуй, уӕхӕн адӕни астӕу (Ис 11:6–9). Ку архайӕн, цӕмӕй ӕгасемӕдӕр ӕмхузӕн цӕстӕй кӕсӕн, уӕд уомӕй бӕрӕг уодзӕй, Хуцауи ке фӕнзӕн, е (Еф 5:1, 2).

• Цӕмӕй алкӕмӕдӕр ӕмхузӕн цӕстӕй кӕсӕн, уой туххӕй нӕ Хуцау куд ахур кӕнуй, е тӕккӕ хуӕздӕр ахурадӕ цӕмӕн ӕй?

• Ӕгас дуйней дӕр нӕ хуӕртӕ ӕма не ’нсувӕртӕ кӕрӕдзей хӕццӕ куд цӕрунцӕ, е дӕ зӕрдӕмӕ цӕмӕй цӕуй?

• Нӕ хуӕртӕ ӕма не ’нсувӕрти астӕу фарнӕ ку фӕууй, уӕд Йеговӕ куд искадгин уй?