Нӕ «амондгун Хуцауи» фӕндуй, цӕмӕй нин игъосун кӕнуни гъуддаг цийнӕ хӕсса (1Тм 1:11). Куд арӕхстгундӕр кӕнӕн, уотӕ нӕ цийнӕ дӕр ферӕзуй. Фарстати фӕрци нӕ бон фӕууй адӕймаги хӕццӕ дзубанди райдайун, сагъӕсти ’й бафтаун, удта ин банхус кӕнун, цӕмӕй ӕхуӕдӕг раст гъудимӕ ӕрцӕуа (Мф 22:41–45). Адӕймагмӕ фарста ку раттӕн ӕма дзуапмӕ ку фенгъӕлмӕ кӕсӕн, уӕд ин цума фӕззӕгъӕн: «Дӕ гъуди базонун мин хъӕбӕр ӕхсидзгӕ ’й!» (Иак 1:19). Удта ӕ гъуди ку зӕгъа, уӕд ӕй зондзиан, нӕ дзубанди куд раидарддӕр кӕнӕн, уой.

БАКӔСӔ ВИДЕОРОЛИКМӔ «АХУРКӔНУЙНӔГТӔ ЦӔТТӔ КӔНУНИ ГЪУДДАГ ЦИЙНӔ ХӔССУЙ. АРӔХСТГУНДӔРӔЙ ИГЪОСУН КӔНТӔ. ФАРСТАТӔ ДӔТТЕТӔ» ӔМА АЦИ ФАРСТАТӔБӔЛ ДЗУӔППИТӔ РАТТӔ:

• Джейдмӕ цӕхуӕн хуарз менеугутӕ адтӕй?

• Нитӕ Джейдбӕл ке тухстӕй, уой фарстати фӕрци куд бавдиста?

• Фарстати фӕрци Нитӕ Джейди фулдӕр базонунмӕ куд баразӕнгард кодта?

• Фарстати фӕрци Нитӕ Джейди сагъӕс кӕнунмӕ куд баразӕнгард кодта?