ФӔСИВӔДЫ ФАРСТАТӔ
Мӕ ныййарджытӕ мӕ мӕхи ирхӕфсын цӕуылнӕ уадзынц?
Де ’мбӕлттӕ дӕ фӕхуыдтой, цӕмӕй уӕ рӕстӕг иумӕ арвитат. Дӕ ныййарджыты бафарстай, ацӕуай ӕви нӕ, фӕлӕ дын уыдон фидарӕй загътой, «нӕ», зӕгъгӕ. Уый дӕм диссаг нӕ фӕкаст, уымӕн ӕмӕ дын уый размӕ дӕр ахӕм дзуапп радтой.
Ацы статьяйы
Мӕ ныййарджытӕ мын алы хатт «нӕ» цӕмӕн фӕзӕгъынц?
Кӕд дӕм афтӕ кӕсы, ӕмӕ дын дӕ ныййарджытӕ бар ницӕмӕн дӕттынц, уӕд, чи зоны, афтӕ хъуыды кӕнын райдайай, ӕмӕ сӕ нӕ фӕнды, цӕмӕй дӕхи ирхӕфсай.
Иу чызгӕн, Марийӕн, йӕ ныййарджытӕ фыццаг хатт телефон куы балхӕдтой, уӕд уымӕ дӕр афтӕ каст. Уый загъта: «Мӕ фыд мын загъта, цавӕр приложенитӕй нӕу мӕ бон пайда кӕнын, стӕй мӕ бон кӕмӕ у телефонӕй фыссын ӕмӕ дзурын ӕмӕ цафонмӕ. Ме ’мбӕлттӕн та сӕ бон уыд, цы сӕ фӕндыд, уый аразын!»
Цӕуыл хъӕуы ахъуыды кӕнын. Цымӕ Марийы фыды нӕ фӕндыд, цӕмӕй йӕ чызг йӕхи ирхӕфстаид? Йӕ фыд ма, чи зоны, цӕуыл мӕт кодта?
Фӕндагыл цӕуынӕн ис цавӕрдӕр уагӕвӕрдтӕ ӕмӕ нӕ нӕ уадзынц, нӕхи куыд фӕнды, афтӕ цӕуын. Фӕлӕ нӕ уыимӕ хъахъхъӕнгӕ дӕр кӕнынц. Уый абарӕн ис, нӕ ныййарджытӕ нӕ цы домынц, уыимӕ
Бафӕлвар. Зӕгъӕм, дӕхӕдӕг дӕ ныййарӕг ӕмӕ дын ис рӕзгӕ кары сывӕллон ӕмӕ йын телефон балхӕдтай. Ды цӕуыл мӕт кӕнис? Цӕмӕй йӕ бахъахъхъӕнай, уый тыххӕй йын бар цӕмӕн нӕ дӕттис? Ӕмӕ дын афтӕ куы загъид, дӕу нӕ фӕнды, цӕмӕй мӕхи ирхӕфсон, зӕгъгӕ, уӕд ын ды цы зӕгъис?
«Мӕ фыд-иу мын арӕх загъта: „Дӕхи мӕ бынаты сӕвӕр, цыма ды дӕ ныййарӕг“. Уый фӕрцы-иу бамбӕрстон, цӕмӕндӕрты мын бар цӕуылнӕ дӕтты ӕмӕ уый хорз цӕмӕй у. Сывӕллӕттӕ мын куы уыдаид, уӕд сӕ ӕз дӕр уыдӕттӕ домдтаин» (Таня).
Мӕ бон цы у аразын, цӕмӕй-иу мын мӕ ныййарджытӕ «о» зӕгъой?
«Хъӕр ныхас куы кӕнай, уӕд дӕ къухы ницы бафтдзӕн, дӕхи дӕр ӕмӕ дӕ ныййарджыты дӕр цы сфӕлмӕцын кӕнай ӕндӕр. Дӕ ныййарджытимӕ куы быцӕу кӕнай, уӕд афтӕ хъуыды кӕндзысты, ӕмӕ нырма ӕвӕлтӕрд дӕ ӕмӕ дын фылдӕр сӕрибардзинад дӕттын нӕма хъӕуы» (Ричард).
«Мӕ ныййарджытӕ мын цӕмӕндӕрты бар нӕ фӕдӕттынц, кӕй мыл тыхсынц, уый тыххӕй. Афтӕ зӕгъӕн нӕй, ӕмӕ сӕ нӕ фӕнды, цӕмӕй мӕ рӕстӕг хъӕлдзӕгӕй ӕрвитон, фӕлӕ сӕ фӕнды, цӕмӕй уый фӕстӕ мацӕуыл фӕфӕсмон кӕнон» (Айви).
Библийы уагӕвӕрд: «Ӕнӕзонд йӕ маст иууылдӕр ныккалы, зондджын та йӕ маст кӕронмӕ уромы» (Ӕмбисӕндтӕ 29:11).
«Мӕ фыд мӕ цы нӕ уагъта аразын, уый сусӕгӕй арӕзтон. Ме ’мбӕлттӕм-иу ӕхсӕвыгон ӕнафоны фыстон ӕмӕ мӕ цы приложенитӕ нӕ уагъта рафыссын, уыдон-иу рафыстон. Фӕлӕ-иу мӕ фыд уӕддӕр алцыдӕр базыдта ӕмӕ-иу мын фылдӕр цӕмӕндӕрты нал лӕвӕрдта бар, уымӕн ӕмӕ мыл нал ӕууӕндыд. Сайын хорзӕй ницӕмӕ ӕркӕны» (Мари).
«Ӕнхъӕлмӕ кӕсын зон. Цӕмӕй дын дӕ ныййарджытӕ цӕмӕндӕр бар раттой, уый тыххӕй, чи зоны, рӕстӕг бахъӕуа. Фӕлӕ йӕ куы уыной, сӕ коммӕ кӕй кӕсыс, уӕд дын, чи зоны, фылдӕр сӕрибардзинад раттой» (Мелиндӕ).
Библийы уагӕвӕрд: «Алы хъуыддаджы дӕр уӕ ныййарджытӕм хъусут» (Колоссӕгтӕм 3:20).
«Дӕ ныхасыл куы ныллӕууай, уӕд дӕ цард нӕ фенцондӕр уыдзӕн ӕмӕ дӕ цы фӕнды, уый уӕддӕр дӕ къухы нӕ бафтдзӕн» (Натали).
«Ныййарджыты фӕфӕнды, цӕмӕй сӕ сывӕллӕттӕ раст уынаффӕтӕ хӕссой. Ӕз фӕархайын, цӕмӕй-иу мӕ мад ӕмӕ мӕ фыдӕн сабырӕй бамбарын кӕнон, цы хъуыды кӕнын, уый. Афтӕ куы фӕкӕнын, уӕд мын бар раттынц, цы мӕ фӕфӕнды, уый саразынӕн» (Джозеф).
Библийы уагӕвӕрд: «Нымай дӕ фыд ӕмӕ дӕ мады» (Ефесӕгтӕм 6:2).
Чи зоны ма дӕ зӕрдӕмӕ фӕцӕуа
ФӔСИВӔДЫ ФАРСТАТӔ
Мӕ ныййарджытӕ мӕ цы домынц, уыдӕтты тыххӕй семӕ куыд аныхас кӕнон?
Базон, дӕ бон куыд у дӕ ныййарджытимӕ уӕзданӕй ныхас кӕнын. Уый цы хорз хъуыддӕгтӕм ӕркӕндзӕн, уый дӕм, чи зоны, диссаг дӕр фӕкӕса.
КУСӔН СХЕМӔТӔ
Дӕ ныййарджытимӕ разы цӕуыл нӕ вӕййыс
Ахъуыды кӕн, дӕ ныййарджыты ныхасмӕ хъусын дын ӕппӕты зындӕр кӕд вӕййы, ууыл.
ФЛОМАСТЕРӔЙ НЫВ АНИМАЦИ
Цы хъӕуы, цӕмӕй мын фылдӕр сӕрибардзинад уа?
Чи зоны дӕм афтӕ кӕсы, ӕмӕ дӕхи бон дӕр у уынаффӕтӕ хӕссын. Фӕлӕ цымӕ дӕ ныййарджытӕ дӕр афтӕ хъуыды кӕнынц? Дӕ бон цы у саразын, цӕмӕй дыл ӕууӕндой?
ФӔСИВӔДЫ ФАРСТАТӔ
Ныййарджыты ныхасмӕ хъусын цӕмӕн хъӕуы?
Мыййаг дын дӕ ныййарджыты ныхасмӕ хъусын зын вӕййы? Ацы статьяйы ис, ацы хъуыддаджы дын чи баххуыс кӕндзӕн, цалдӕр ахӕм уынаффӕйы.
ДЕ ’МГӔРТТӔ ЦЫ ДЗУРЫНЦ?
Мӕ ныййарджытимӕ иумӕйаг ӕвзаг куыд ссарон?
Уый дын ӕрхӕсдзӕн, ӕнхъӕл дӕр кӕмӕн нӕ дӕ, ахӕм пайда.
