Адӕмӕн сӕ ныфс асӕтты, афтӕ ӕнхъӕл кӕмӕй вӕййынц, ӕмӕ сыл ӕууӕндӕн ис, уыдон сӕ куы фӕфыдӕнхъӕл кӕнынц, уӕд. Бирӕтӕ нал ӕууӕндынц:

•   политиктыл, уымӕн ӕмӕ сӕ фылдӕр адӕмы нӕ, фӕлӕ сӕхи пайдайыл фӕхъуыды кӕнынц;

•   ног хабӕрттыл, уымӕн ӕмӕ хабӕрттӕ ӕцӕг куыд вӕййынц, афтӕ сӕ нӕ фӕдзурынц;

•   ахуыргӕндтыл, уымӕн ӕмӕ сӕ фылдӕры адӕмы мӕт нӕ вӕййы;

•   дины разамонджытыл, уымӕн ӕмӕ адӕмӕн Хуыцауы тыххӕй рӕстдзинад нӕ амонынц, фӕлӕ политикӕйы архайынц.

 Адӕм алкӕуыл кӕй не ’ууӕндынц, уымӕй раст кӕнынц. Библийы фыст ис:

•   «Уӕ зӕрдӕ ма дарут кадджын лӕгтыл, адӕймаджы фыртыл, уымӕн ӕмӕ йӕ бон нӕу ирвӕзын кӕнын» (Псалом 146:3).

 Библийы фыст ис, дӕ бон кӕй у Йесо Чырыстийыл ӕууӕндын. Уый ӕнӕуи хорз адӕймаг нӕ уыд. Хуыцау ӕй сӕвӕрдта «паддзахӕй, ӕмӕ йӕ паддзахадӕн кӕрон никуы ’рцӕудзӕн» (Лукайы 1:32, 33). Йесо Чырысти у Хуыцауы Паддзахады Паддзах. Уыцы Паддзахад ныр уӕлӕрвтӕй разамынд дӕтты (Матфейы 6:10).

•   Дӕ бон Йесо Чырыстийыл ӕууӕндын цӕмӕн у, уый базонӕн ис статьятӕй «Хуыцауы Паддзахады Паддзах чи у?» ӕмӕ «Хуыцауы Паддзахадӕн цы бантысдзӕн?».