2022 азы 24 февралы Уӕрӕсейы ӕфсад Украинӕмӕ бабырста. Уавӕр тынг уӕззау кӕй у, уымӕ гӕсгӕ милуантӕ сӕ цардӕн тӕрсгӕйӕ сӕ хӕдзӕрттӕй лидзынц a.

 «Бомбӕтӕ хаудысты ӕмӕ зӕхх ӕнкъуысыд. Афтӕ тынг тарстыстӕм, ӕмӕ йын зӕгъӕн дӕр нӕй. Куы фехъуыстам, поездыл ӕндӕр ранмӕ ацӕуӕн кӕй ис, уӕд фӕстӕ нал фӕкодтам. Немӕ рахастам ӕрмӕстдӕр фӕйнӕ гыццыл рюкзакы. Сӕвӕрдтам дзы документтӕ, хостӕ, дон ӕмӕ иугыццыл хӕринаг, ӕндӕр ницы. Вокзалмӕ куы цыдыстӕм, уӕд нӕ алыварс бомбӕтӕ хаудысты» (Наталия, Харьков).

 «Хӕст уыдзӕн, уый нӕ нӕ уырныдта. Кӕмдӕр горӕты бомбӕтӕ срӕмыгътой. Суанг рудзгуыты ӕвгтӕ дӕр базмӕлыдысты. Мӕхицӕн загътон, лидзын хъӕуы, зӕгъгӕ. Мемӕ райстон, ӕнӕмӕнгдӕр цы хъӕуы, ӕрмӕстдӕр уыдӕттӕ. Райсомӕй 8 сахатыл хӕдзарӕй рацыдтӕн, поездыл сбадтӕн ӕмӕ Львовмӕ ацыдтӕн. Уырдыгӕй та – автобусыл Польшӕмӕ» (Надеждӕ, Харьков).

Ацы статьяйы

•  Адӕм Украинӕйӕ цӕмӕн лидзынц, уымӕн йе ’цӕг аххосӕгтӕ цы сты?

•  Лыгъд адӕмы ӕцӕг ныфс цы бауадздзӕн?

•  Цымӕ Библийӕн йӕ бон у, лидзинаг чи фӕци, уыцы адӕмӕн баххуыс кӕнын?

 Адӕм Украинӕйӕ цӕмӕн лидзынц, уымӕн йе ’цӕг аххосӕгтӕ цы сты?

 Украинӕйӕ бирӕтӕ лидзинаг фесты, Уӕрӕсейы ӕфсад ӕм кӕй бабырста, уый тыххӕй. Фӕлӕ Библийӕ базонӕн ис, адӕм сӕ хӕдзӕрттӕй лидзинаг цӕмӕн фӕвӕййынц, уымӕн йе ’цӕг аххосӕгтӕ.

•   Хицауӕдтӕн сӕ бон нӕу, адӕм сӕм цӕмӕ ӕнхъӕлмӕ кӕсынц, уый саразын. Хицӕуттӕ арӕх сӕ бартӕй раст нӕ фӕпайда кӕнынц ӕмӕ, сӕ дӕлбар чи ис, уыдоны фефхӕрынц (Екклесиаст 4:1; 8:9).

•   Сайтан Хӕйрӕг у «ацы дунейы хицау» ӕмӕ адӕмыл тынг ӕндавы. Библийы фыст ис: «Ӕгас дуне... ис Фыдбылызы къухы» (Иоанны 14:30; 1 Иоанны 5:19).

•   Адӕм рагӕй фӕстӕмӕ дӕр зындзинӕдтӕ ӕвзарынц. Фӕлӕ мах цы рӕстӕджы цӕрӕм, уый тыххӕй Библийы фыст ис: «Фӕстаг бонты скӕндзӕн тынг уӕззау рӕстӕг» (2 Тимофеймӕ 3:1). Уымӕй уӕлдай ма дзы фыст ис, нӕ рӕстӕджы кӕй уыдзӕн хӕстытӕ, ӕрдзон бӕллӕхтӕ, адӕм хӕринагхъуаг кӕй ӕййафдзысты ӕмӕ-иу кӕй сыстдзӕн фыднизтӕ – адӕтты тыххӕй адӕмы бахъӕуы иу ранӕй иннӕ ранмӕ лидзын (Лукайы 21:10, 11).

 Лыгъд адӕмы ӕцӕг ныфс цы бауадздзӕн?

 Библийӕ нӕ бон у базонын, не Сфӕлдисӕг Хуыцау Йегъовӕ b, сӕ хӕдзӕрттӕй лидзинаг чи фӕвӕййы, уыцы адӕмы кӕй уарзы ӕмӕ сын кӕй тӕригъӕд кӕны (Дыккаг закъон 10:18). Хуыцау ныфс ӕвӕры, йӕ уӕларвон хицауады фӕрцы сӕ сӕ зындзинӕдтӕй кӕй фервӕзын кӕндзӕн. Уыцы хицауад, ома Хуыцауы Паддзахад, баивдзӕн зӕххон хицауӕдтӕ (Данел 2:44; Матфейы 6:10). Йегъовӕ йӕ Паддзахады фӕрцы Сайтан Хӕйрӕджы фесафдзӕн (Ромӕгтӕм 16:20). Уыцы Паддзахад разамынд дӕтдзӕн ӕгас зӕххы цӕрджытӕн, ӕмӕ адӕм адӕмыхӕттытыл нал дихтӕ кӕндзысты. Иууылдӕр иу бинонтау иумӕ фӕрнӕй цӕрдзысты. Адӕмы сӕ хӕдзӕрттӕй лидзын никуыуал бахъӕудзӕн, уымӕн ӕмӕ Библи ныфс ӕвӕры: «Алчидӕр сӕ баддзӕн йӕ сӕнӕфсиры бын ӕмӕ йӕ легъуибӕласы бын, ӕмӕ сын тӕссаг никӕмӕй уыдзӕн, уымӕн ӕмӕ уыцы ныхас ӕфсӕдты Хуыцау Йегъовӕйы дзыхӕй рацыд» (Михей 4:4).

 Ӕрмӕстдӕр Хуыцауы Паддзахадӕн у йӕ бон афтӕ бакӕнын, цӕмӕй иу адӕймаг дӕр йӕ хӕдзарӕй лидзинаг макуыуал фӕуа. Уымӕн цы аххосӕгтӕ ис, уыдонӕн се ’ппӕтӕн дӕр Йегъовӕ йӕ Паддзахады фӕрцы ӕнустӕм кӕрон скӕндзӕн. Ӕркӕсӕм дзы цалдӕрмӕ.

•   Хӕстытӕ. «[Йегъовӕ] зӕххы кӕрӕтты онг уромы хӕстытӕ» (Псалом 46:9). Уый куыд сараздзӕн, уый базоныны тыххӕй бакӕс статья «Зӕххыл сабыр цард чи скӕндзӕн?».

•   Ӕфхӕрд ӕмӕ тыхми. «Сӕ уд сын [Йегъовӕ] фервӕзын кӕндзӕн ӕфхӕрдӕй ӕмӕ тыхмийӕ» (Псалом 72:14). Адӕмӕн се ’взӕр зондахаст аивынӕн цы баххуыс кӕндзӕн, уый базоныны тыххӕй бакӕс статьятӕ «Уымӕн гӕнӕн ис, ӕмӕ адӕм кӕрӕдзийӕ се сӕфт мауал уыной!».

•   Мӕгуырдзинад. «[Йегъовӕ] фервӕзын кӕндзӕн, ӕххуысмӕ чи дзыназы, уыцы мӕгуыры» (Псалом 72:12). Цӕмӕй мӕгуыртӕ мауал уа, уый тыххӕй Хуыцау цы сараздзӕн, уый базоныны тыххӕй бакӕс статья «Справедливая экономика. Это возможно?».

•   Ӕххормагдзинад. «Зӕххыл хор уыдзӕн парахат» (Псалом 72:16). Цӕмӕй зӕххыл иу ӕххормаг адӕймаг дӕр ма уа, уый тыххӕй Хуыцау цы сараздзӕн, уый базоныны тыххӕй бакӕс статья «Мир без голода?».

 Цымӕ Библийӕн йӕ бон у, лидзинаг чи фӕци, уыцы адӕмӕн баххуыс кӕнын?

 О. Йӕ хӕдзарӕй лидзинаг чи фӕци, уыцы адӕмӕн Библи хорз фидӕнӕй ныфс ӕвӕры, стӕй сын ӕххуыс кӕны, абон цы зындзинӕдтыл ӕмбӕлынц, уыдоны сӕрты хизынӕн.

 Библийы уагӕвӕрд: «Мӕт мацӕуыл кӕнут, фӕлӕ алы уавӕры дӕр Хуыцаумӕ кувут, лӕгъстӕ йын кӕнут, бузныг ын дзурут ӕмӕ дзы афтӕмӕй курут, цы уӕ хъӕуы, уый. Ӕмӕ уын Хуыцауы фарн, зонд кӕуыл не ’ххӕссы, уыцы фарн... бахъахъхъӕндзӕн уӕ зӕрдӕтӕ ӕмӕ уӕ зонд» (Филиппӕгтӕм 4:6, 7).

 Йӕ хъуыды. Хуыцаумӕ кувут, цӕмӕй, цыфӕнды ма уа, уӕддӕр-иу ма тыхсат ӕмӕ-иу уӕ зӕрдӕты фарн уа. Бакӕс статья «Филиппийцам 4:6, 7. „Ни о чём не беспокойтесь“».