МА БАФЫНӔЙ УТ!
Тӕрхоны боны сахат: адӕм бӕстысӕфтмӕ фӕхӕстӕгдӕр сты. Библийы цы фыст ис?
2023 азы 24 январы ахуыргӕндтӕ Тӕрхоны боны сахат a ӕмбисӕхсӕвмӕ фӕхӕстӕгдӕр кодтой. Ӕмбисӕхсӕв амоны, адӕм сӕхӕдӕг сӕхи кӕй фесафдзысты, уымӕ.
«Адӕмӕн тӕссаг у, сӕхӕдӕг сӕхи куы фесафой, уымӕй. Ӕмӕ Тӕрхоны боны сахат дӕр уымӕ амоны. Ахуыргӕндтӕ дыццӕджы уыцы сахат ӕмбисӕхсӕвмӕ фӕхӕстӕгдӕр кодтой, нырмӕ куыд никуыма уыди, афтӕ. Уый баст у, Украинӕйы цы хӕст цӕуы, уыимӕ, ядерон хӕстӕй тӕссаг кӕй у ӕмӕ, зӕххы климӕт тӕссаг уавӕры кӕй ис, уыимӕ» (AFP International Text Wire).
«Ахуыргӕндтӕ фехъусын кодтой, Тӕрхоны боны сахат размӕ кӕй акодтой ӕмӕ ӕмбисӕхсӕвмӕ 90 секунды йеддӕмӕ кӕй нал баззад. Адӕм бӕстысӕфтмӕ афтӕ хӕстӕг никуыма уыдысты» (ABC News).
«Ахуыргӕндты ӕхсӕнадӕмон къорды хъуыдымӕ гӕсгӕ, адӕм сӕхӕдӕг сӕхи кӕй фесафдзысты, уымӕй абоны хуызӕн тӕссаг никуыма уыд» (The Guardian).
Адӕм ӕмӕ зӕхх ӕцӕгдӕр тагъд фесӕфдзысты? Фидӕны цы уыдзӕн, уымӕй нӕ тӕрсын хъӕуы? Библийы цы фыст ис?
Фидӕны нӕм цы ӕнхъӕлмӕ кӕсы?
Библийы куыд фыст ис, афтӕмӕй «зӕхх... лӕууы ӕнустӕм» ӕмӕ йыл адӕм «цӕрдзысты ӕнустӕм» (Екклесиаст 1:4; Псалом 37:29). Уӕдӕ уый гӕнӕн нӕй, цӕмӕй адӕм зӕхх фесафой кӕнӕ йӕ ахӕм уавӕрмӕ ’ркӕной, ӕмӕ йыл цӕрӕн мауал уа.
Фӕлӕ Библийы кӕроны кой ис. Зӕгъӕм, фыст дзы ис, зӕгъгӕ, «дуне... фӕивгъуыйы» (1 Иоанны 2:17).
Уый куыд ӕмбаргӕ у, уый базонӕн ис статьяйӕ «Мир идёт к своему концу? Что такое апокалипсис?».
Чи зоны ма дӕ бафӕнда бакӕсын статья «Дунейы кӕрон кӕд ӕрцӕудзӕн?».
Нӕ бон у фидӕнмӕ ныфсджынӕй ӕнхъӕлмӕ кӕсын
Кӕд абон дунейы бирӕ зындзинӕдтӕ ис, уӕддӕр нын Библи ӕххуыс кӕны, цӕмӕй нӕ бон уа фидӕнмӕ ныфсджынӕй ӕнхъӕлмӕ кӕсын.
Библийы ис бирӕ хорз уынаффӕтӕ (2 Тимофеймӕ 3:16, 17). Зӕгъӕм, статьяйӕ «Как совладать с беспокойствами?» базондзынӕ, Библи дын куыд баххуыс кӕндзӕн, цӕмӕй-иу цыфӕнды зын уавӕры дӕр дӕ къухтӕ ма ’руадзай.
Библи нын зӕрдӕ ӕвӕры, диссаджы фидӕн нӕм кӕй ӕнхъӕлмӕ кӕсы (Ромӕгтӕм 15:4). Ӕмбарын нын кӕны, тагъд рӕстӕджы дӕр ӕмӕ нӕм фидӕны дӕр цы ӕнхъӕлмӕ кӕсы, уый. Ӕмӕ нын уый та ӕххуыс кӕны, цӕмӕй нӕ зӕрдӕтӕ сабыр уой, дунейы цыфӕнды хабӕрттӕ ма цӕуа, уӕддӕр.
Цӕмӕй Библи хуыздӕр базонай, уый тыххӕй Библи лӕвар ахуыр кӕнын райдай.
a «Тӕрхоны боны сахат амоны, адӕм сӕ зианхӕссӕг технологиты аххосӕй тагъд сӕхӕдӕг сӕхи кӕй фесафдзысты, уымӕ. Уыцы ахӕсгӕ хуызы сахат нын нӕ зӕрдыл лӕууын кӕны, адӕм кӕрон цавӕр хъуыддӕгтӕн хъуамӕ скӕной, цӕмӕй ма фесӕфой» (Bulletin of the Atomic Scientists).
Чи зоны ма дӕ зӕрдӕмӕ фӕцӕуа
БИБЛИ: ФАРСТАТӔ ӔМӔ ДЗУАППЫТӔ
Армагеддоны хӕст цы у?
Дзырд «Армагеддон» Библийы ӕмбӕлы ӕрмӕстдӕр иу хатт, фӕлӕ Фыстады уыцы хӕсты кой цӕуы райдианӕй кӕронмӕ.
БИБЛИЙЫ СӔЙРАГ АХУЫРӔДТӔ
Хуыцау адӕмы хъизӕмӕрттӕн кӕрон цӕуылнӕ скӕны?
Бирӕтӕ не ’мбарынц, адӕм сӕ кӕрӕдзийӕ се сӕфт цӕмӕн уынынц ӕмӕ уыйбӕрц зындзинӕдтӕ цӕмӕн ӕвзарынц. Ацы фарстайӕн Библийы ис бӕлвырд дзуапп.
БИБЛИЙЫ СӔЙРАГ АХУЫРӔДТӔ
Хуыцау зӕхх цӕмӕн сфӕлдыста?
Дун-дуне у тынг рӕсугъд. Зӕхх Хурмӕ нӕдӕр ӕввахс у, нӕдӕр дзы дард у, стӕй йӕхи алыварс цас тагъд хъуамӕ зила, афтӕ тагъд зилы. Цымӕ Хуыцау Зӕхх афтӕ рӕсугъдӕй цӕмӕн сфӕлдыста?
МАХ ТЫХХӔЙ
Бабӕрӕг кӕныны тыххӕй курдиат
Аныхас кӕн, Библийӕ дӕм цы фарста ис, ууыл кӕнӕ Йегъовӕйы Ӕвдисӕнты тыххӕй фылдӕр базон.
