2022 азы 19 майы Иугонд Нациты Организацийы Ӕдасдзинады советӕн 75 уӕлдӕр хицауӕй фылдӕр фехъусын кодтой, зӕгъгӕ, дам, «коронавирусы пандемийӕйы ӕмӕ, климӕт кӕй ивы, уый тыххӕй дунейы бирӕ рӕтты хӕринаг нӕ фаг кӕны, ӕмӕ Украинӕйы хӕсты аххосӕй та уавӕр ноджы фыддӕр кӕны». Уымӕй гыццыл фӕстӕдӕр иу журналы ныффыстой: «Дунейы ӕнӕуи дӕр бирӕ зындзинӕдтӕ ис. Ӕмӕ ацы хӕсты аххосӕй, ӕххормаг чи ӕййафы, уыцы адӕм фӕфылдӕр уыдзысты» (The Economist). Библийы фыст ис, нӕ рӕстӕджы адӕм хӕринагхъуаг кӕй ӕййафдзысты. Фӕлӕ ма дзы ис хорз уынаффӕтӕ дӕр. Уыдон нын ахӕм зын рӕстӕджыты баххуыс кӕндзысты.

•   Йесо Чырысти загъта: «Иу адӕм сыстдзӕн иннӕ адӕмы ныхмӕ, ӕмӕ иу паддзахад иннӕ паддзахады ныхмӕ. Стӕй куы иу ран, куы иннӕ ран адӕм ӕййафдзысты хӕринагхъуаг» (Матфейы 24:7).

•   Раргомады чиныджы фыст ис цыппар барӕджы тыххӕй. Иу барӕг дзы амоны хӕстытӕм. Йӕ фӕстӕ та ис ӕндӕр барӕг. Уый та амоны ӕххормагдзинадмӕ, ома хӕринаг амал кӕнын тынг зын куы уа ӕмӕ йӕ туджы аргъӕй куы уӕй кӕной, уыцы рӕстӕгмӕ. Раргомады 6:5, 6 стихты фыст ис: «Ӕмӕ акастӕн, ӕмӕ федтон сау бӕх. Чи йыл бадт, уымӕн йӕ къухы уыди барӕнтӕ. Ӕмӕ фехъуыстон хъӕлӕс... чидӕр радзырдта: „Мӕнӕуы къус динарыл [ома кусӕгӕн йӕ боны мызд]. Хъӕбӕрхоры ӕртӕ къусы динарыл“».

 Адӕм хӕринагхъуаг кӕй ӕййафдзысты, уый тыххӕй Библийы цы фыст ис, уый ӕххӕст кӕны абон, Библи «фӕстаг бонтӕ» кӕй хоны, уыцы рӕстӕг (2 Тимофеймӕ 3:1). «Фӕстаг бонты» тыххӕй ӕмӕ, Раргомады чиныджы цы цыппар барӕджы кой ис, уыдоны тыххӕй фылдӕр базонӕн ис видеороликӕй «1914 азӕй дуне фӕивта» ӕмӕ статьяйӕ «Цыппар барӕджы чи сты?».

•   Библийы ис хорз уынаффӕтӕ. Уыдон нын баххуыс кӕндзысты зын уавӕрты, зӕгъӕм, хӕринаг куы зынаргъдӕр кӕна кӕнӕ суанг куы нӕ фаг кӕна, уӕд дӕр. Цалдӕр уынаффӕйы дзы фенӕн ис статьяйы «Как обходиться меньшими средствами?».

•   Уымӕй уӕлдай нын Библи ныфс ӕвӕры, цард хуыздӕрырдӕм кӕй фӕивдзӕн, уымӕй. Фыст дзы ис, ахӕм рӕстӕг кӕй ралӕудзӕн, ӕмӕ «зӕххыл хор уыдзӕн парахат» ӕмӕ алкӕмӕн дӕр хӕринаг фагӕй фылдӕр уыдзӕн (Псалом 72:16). Библи нын ныфс цӕмӕй ӕвӕры ӕмӕ ууыл фидарӕй ӕууӕндӕн цӕмӕн ис, уый тыххӕй фылдӕр базонӕн ис статьяйӕ «Реальная надежда на лучшее завтра».