2023 аз райдыдта, ӕмӕ не ’ппӕты дӕр ныфс ис, нӕхиуыл дӕр ӕмӕ нӕ бинонтыл дӕр хорз хабӕрттӕ кӕй цӕудзӕн. Уымӕй нӕ фидар ныфс цӕмӕн ис?

 Библийы фыст ис хорз хабар: абон цы зындзинӕдтыл ӕмбӕлӕм, уыдон сты рӕстӕгмӕ ӕмӕ сын тагъд кӕрон ӕрцӕудзӕн. Ӕцӕгдӕр, Библи «фыст ӕрцыд махӕн зонд бацамонынӕн, цӕмӕй... Фыстад цы удӕнцой дӕтты, уый фӕрцы [нӕ] уа ныфс» (Ромӕгтӕм 15:4).

•   Библи ныфс цӕмӕй ӕвӕры, уый базоныны тыххӕй бакӕс статья «Реальная надежда на лучшее завтра».

 Библи нын цы ныфс дӕтты, «уыцы ныфс махӕн у науӕнгуырау» (Дзуттӕгтӕм 6:19). Уыцы ныфс нын нӕ зӕрдӕты фарн хъахъхъӕны. Уый нын ӕххуыс кӕны, цӕмӕй нӕ зындзинӕдтӕн быхсӕм, цардыл цин кӕнӕм ӕмӕ нӕм амондджын фидӕн кӕй ӕнхъӕлмӕ кӕсы, ууыл ма дызӕрдыг кӕнӕм.

•   Базон, Библи нын цы ныфс дӕтты, уый иу нӕлгоймагӕн куыд баххуыс кодта йӕ нозт ныууадзынӕн. Бакӕс видеороликмӕ «Мӕ цардӕй сфӕлмӕцыдтӕн».

•   Базон, Библи нын цы ныфс дӕтты, уый нын куыд баххуыс кӕндзӕн, зиан ныл куы ’рцӕуа, уӕд. Бакӕс видеороликмӕ «Удӕнцой, зиан кӕуыл ӕрцыд, уыдонӕн».

 Бирӕтӕ ӕнхъӕлмӕ кӕсынц, цард кӕй фӕхуыздӕр уыдзӕн, уымӕ. Фӕлӕ уый искуы уыдзӕн, уый фидарӕй сӕ бон зӕгъын нӕу. Фӕлӕ Библи ныфс цӕмӕй ӕвӕры, уый ӕнӕмӕнг сӕххӕст уыдзӕн. Уый нӕ фидарӕй цӕмӕн уырны? Уымӕн ӕмӕ нын уымӕй ныфс ӕвӕры, «йӕ бон сайын кӕмӕн нӕу», уыцы Хуыцау Йегъовӕ a (Титмӕ 1:2). Ӕрмӕстдӕр Йегъовӕйӕн у йӕ бон, зӕрдӕ цӕмӕй ӕвӕры, уыдӕттӕ сӕххӕст кӕнын. Уымӕн йӕ бон у, «цыдӕриддӕр [ӕй] фӕнды, уый саразын» (Псалом 135:5, 6).

 Мах тынг фӕнды, цӕмӕй, Библи ныфс цӕмӕй ӕвӕры, уый дын ӕххуыс кӕна. Уыдӕттӕ ӕнӕмӕнг кӕй сӕххӕст уыдзысты, уый дӕ цӕмӕй фидарӕй уырна, уый тыххӕй «Фыстад лӕмбынӕг иртас» (Хъуыддӕгтӕ 17:11). 2023 аз райдыдта, ӕмӕ ды дӕр Йегъовӕйы Ӕвдисӕнтимӕ Библи лӕвар ахуыр кӕнын райдай. Уый фӕрцы дын фидӕнӕй фидар ныфс фӕзындзӕн!