Дыккаг закъон 33:1—29
33 Моисей, ӕцӕг Хуыцауы адӕймаг+, йӕ мӕлӕты размӕ раарфӕ кодта+ Израилы фырттӕн ӕмӕ сын загъта ацы ныхӕстӕ.
2 Уый загъта:«Йегъовӕ ӕрцыд Синайӕ+,Сеирӕй сӕ йӕ рухсӕй ныррухс кодта+.Фараны хӕхбӕстӕй хурау ракаст+.Йемӕ уыдысты ӕнӕнымӕц рухс зӕдтӕ+,Йӕ рахиз фарс уыдысты ӕфсӕддонтӕ+.
3 Йӕ адӕм ын уыдысты зынаргъ+.Уыцы сыгъдӕг адӕм иууылдӕр сты дӕ къухы+,Уыдон сӕхи ӕруагътой дӕ къӕхты цур+Ӕмӕ дын дӕ ныхӕстӕм хъуыстой+,–
4 Моисей нын радта закъон+,Уый у Иаковы ӕмбырды исбон+.
5 Адӕмы хистӕртӕ куы ӕрӕмбырд сты+Ӕмӕ Израилы мыггӕгтӕ иууылдӕр+,Уӕд Хуыцау Йешуруны сси паддзах+.
6 Рувим цӕрӕд, макуы амӕлӕд+,Ӕмӕ йӕ адӕм макуы фӕкъаддӕр уӕнт»+.
7 Иудӕйӕн та афтӕ раарфӕ кодта+:«Фехъус, о Йегъовӕ, Иудӕйы хъӕлӕс+,Ӕрбакӕн ӕй йӕ адӕммӕ.Уый йӕхи къухтӕй тох кӕны, йӕхи цы у, уый сӕрыл.Ӕххуыс ын кӕн йе знӕгтимӕ тох кӕнынӕн»+.
8 Левийы тыххӕй та загъта+:«О Хуыцау, дӕ туммим ӕмӕ дӕ урим*+ сты, иузӕрдион дыл чи у, уыцы адӕймаджы+,Массӕйы кӕй фӕлвӕрдтай, уый+.Ды йемӕ быцӕу кодтай Меривӕйы дӕтты раз+.
9 Уый йӕ мад ӕмӕ йӕ фыды тыххӕй загъта: „Нӕ сӕ зонын“.Суанг ӕм йе ’фсымӕртӕ дӕр нымады нӕ уыдысты+,Йӕ фыртты фарс дӕр нӕ уыд.Уый фидар хӕцыд дӕ ныхасыл+,Ӕххӕст кодта дӕ бадзырд+.
10 Уадз бацамонӕд Иаковӕн дӕ тӕрхӕттӕ+Ӕмӕ Израилӕн – дӕ закъон+.Уадз ӕмӕ дын судзӕд буд, йӕ тӕф дӕ фындзыл куыд ӕмбӕла+,Дӕ нывондхӕссӕныл дын хӕссӕд судзинаг нывӕндтӕ+.
11 О Йегъовӕ, раарфӕ кӕн йӕ хъаруйӕн+,Йӕ хъуыддӕгтӕ дын ӕхсызгон уӕнт+.Сӕ синтӕ ныппырх кӕн, йӕ ныхмӕ чи цӕуы, уыдонӕн+Ӕмӕ дзы йе сӕфт чи уыны, уыцы адӕмӕн, сӕ къӕхтыл куыд нал слӕууой»+.
12 Вениаминӕй та загъта+:«Йегъовӕйӕн уарзон чи у, уый+ йӕм ӕдас бынат ссарӕд+,Ӕнӕхъӕн бон ӕй дарӕд йӕ дӕлбазыр+,Ӕмӕ йе уӕхсчыты ’хсӕн цӕрӕд»+.
13 Иосифӕй та загъта+:«Йегъовӕ йын йӕ зӕххӕн алкӕддӕр арфӕ кӕнӕд+,Дӕттӕд ын ӕртӕх – зынаргъ лӕвар арвӕй+,Ӕмӕ арф дӕттӕ зӕххы бынӕй+,
14 Хуры зынаргъ лӕвӕрттӕ+,Алы мӕйы хъӕздыг лӕвӕрттӕ, сӕ тыллӕг+,
15 Скӕсӕйнаг хӕхты хуыздӕр лӕвӕрттӕ+Ӕмӕ ӕнусон къуыбырты зынаргъ лӕвӕрттӕ,
16 Зӕххы зынаргъ лӕвӕрттӕ ӕмӕ йе ’ппӕт бӕркӕдтӕ+,Сындзы къутӕры Чи фӕзынд, уый хорзӕх ӕй уӕд+.Хайджын сӕ уӕд Иосиф+,Йе ’фсымӕрты ’хсӕнӕй ӕвзӕрст чи ’рцыд, уый+.
17 Уый у фыццагзад галау рӕсугъд+,Йӕ сыкъатӕ – хъӕддаг галы сыкъатӕ+.Уый йӕ сыкъатӕй адӕмтыл фӕстӕмӕ ахӕцдзӕн+,Се ’ппӕтыл дӕр ахӕцдзӕн суанг зӕххы кӕрӕттӕм.Йӕ сыкъатӕ – Ефремы дӕсгай минтӕ+,Йӕ сыкъатӕ – Манассийы минтӕ».
18 Завулонӕй та загъта+:«Цин кӕн, Завулон, куы рацӕуыс, уӕд+.Цин кӕн, Иссахар, дӕ цатырты+.
19 Уыдон адӕмты хондзысты хӕхтӕм.Уым хӕсдзысты рӕстдзинады нывӕндтӕ+.Уыдон сӕхи ӕфсаддзысты денджызты ӕнӕкӕрон хъӕздыгдзинӕдтӕй+Ӕмӕ змисы ӕмбӕхст хӕзнатӕй».
20 Гадӕй та загъта+:«Арфӕгонд у, Гады арӕнтӕ чи уӕрӕхдӕр кӕны, уый+.Гад цӕрдзӕн, домбай куыд цӕры, афтӕ+,Ныппырх-иу кӕндзӕн йӕ амӕттагӕн йӕ къух, суанг йӕ тыл дӕр+.
21 Йӕхицӕн равзардзӕн хуыздӕр зӕхх+.Уым ис закъонӕвӕрӕджы хай+.Адӕмӕн сӕ хистӕртӕ ӕрӕмбырд уыдзысты,Ӕмӕ уый архайдзӕн Йегъовӕйы рӕстдзинадмӕ гӕсгӕ,Ӕххӕст ын кӕндзӕн йӕ тӕрхӕттӕ Израилы тыххӕй».
22 Данӕй та загъта+:«Дан у домбайы лӕппын+.Уый рагӕпп кӕндзӕн Васанӕй»+.
23 Неффалимӕй та загъта+:«Неффалим ӕфсӕст у Йегъовӕйы хорзӕхӕй,Дзаг у йӕ арфӕдзинӕдтӕй.Бацахс ныгуылӕн ӕмӕ хуссар»+.
24 Асирӕй та загъта+:«Асир у арфӕгонд, ис ын бирӕ фырттӕ+.Уадз ӕмӕ йе ’фсымӕрты хорзӕх ссарӕд+Ӕмӕ йӕ къӕхтӕ сойы тулӕд+.
25 Ӕфсӕйнаг ӕмӕ ӕрхуы – дӕ кулдуары ӕхгӕнӕнтӕ+,Цӕрӕнбонты уыдзынӕ ӕдыхст ӕмӕ ӕнӕмӕт.
26 Ничи у Йешуруны+ ӕцӕг Хуыцауы хуызӕн+.Арвыл дӕм фӕцӕуы ӕххуысмӕ+,Фӕцӕуы йе стыр кадимӕ ӕрвон мигътыл+.
27 Раджы замантӕй фӕстӕмӕ чи ис, уыцы Хуыцау у де ’мбӕхсӕн+,Уый дыл хӕцы йе ’нусон къухтӕй+.Де знӕгты дын дӕ разӕй фӕсурдзӕн+Ӕмӕ зӕгъдзӕн: „Ныццӕгъд сӕ!“+
28 Израил цӕрдзӕн ӕдасӕй+,Иаковы суадон – хибарӕй+,Хор ӕмӕ ног сӕн кӕм ис, уыцы зӕххыл+.Ӕмӕ йын арв дӕтдзӕн ӕртӕх+.
29 Куыд амондджын дӕ, Израил!+Чи у дӕу хуызӕн?+Сымах стут, Йегъовӕ йӕ ирвӕзынгӕнӕг кӕмӕн у, уыцы адӕм+,Уый у уе ’ххуысы уарт+Ӕмӕ уе ’мбисонды хъама+.Де знӕгтӕ дӕ разы кӕндзысты зӕрдӕлхӕнӕн митӕ+,Ӕмӕ сын сӕ бӕрзӕндтыл балӕгӕрддзынӕ»+.
