Иов 12:1—25
12 Уӕд Иов загъта:
2 «Уӕдӕ! Сымах хуызӕн адӕм нӕй.Зонд сымахимӕ амӕлдзӕн!+
3 О, фӕлӕ сымахау ӕз дӕр ӕнӕзонд нӕ дӕн+,Сымахӕй ӕвзӕрдӕр нӕ дӕн+.Ӕмӕ, цы дзурут, уыдӕттӕ чи нӕ зоны?
4 Мӕ хионӕн хъазӕнхъул сдӕн+.Хуыцауӕн лӕгъстӕ кӕнын, цӕмӕй мӕ фехъуса+.Раст, ӕнӕзӕрдӕхудт адӕймаг хъазӕнхъул сси.
5 Ӕнӕмӕт адӕймаг бӕллӕх ницӕмӕ дары+.Уый, дам, ӕнхъӕлмӕ кӕсы, йӕ къах кӕмӕн цуды, уыдонмӕ+.
6 Иннӕты чи стигъы, уыдон сӕ цатырты ӕнӕмастӕй цӕрынц+.Хуыцауы маст кӕмӕ ссудзы, уыдон сты ӕдас,Йӕ хуыцауы йӕ къухы чи хӕссы, уый куыд ӕдас у, афтӕ+.
7 Фӕлӕ-ма, дӕ хорзӕхӕй, бафӕрс хӕдзарон фосы, ӕмӕ дын ӕй уыдон бацамондзысты+.Бафӕрс уӕларвон мӕргъты, ӕмӕ дын ӕй уыдон радзурдзысты+.
8 Науӕд дӕ хъус ӕрдар зӕхмӕ, ӕмӕ дын ӕй уый бацамондзӕн+Ӕмӕ дын ӕй денджызы кӕсӕгтӕ+ рахабар кӕндзысты.
9 Уыдонӕй йӕ чи нӕ зоны,Ӕппӕт уыдӕттӕ Йегъовӕйы къух кӕй сарӕзта?+
10 Йӕ къухы сты, удӕгас чидӕриддӕр у, уыдоны удтӕ+,Алы адӕймаджы царды тых дӕр+.
11 Ӕвзаг* хӕринаджы ад куыд ӕвзары+,Афтӕ ныхӕстӕ та хъус не ’взары?+
12 Ау, зонд зӕрӕдтӕм нӕй?+Ӕмӕ ӕмбарындзинад, бирӕ чи фӕцард, уыдонмӕ?
13 Уымӕ ис зонд ӕмӕ хъомыс+,Уымӕ ис уынаффӕ ӕмӕ ӕмбарындзинад+.
14 Уый иугӕр ныппырх кодта, уӕд ӕй ничиуал сараздзӕн+.Иугӕр сӕхгӕдта, уӕд ӕй иу адӕймаг дӕр нал байгом кӕндзӕн+.
15 Дӕттӕ бауромы, ӕмӕ бахус вӕййынц+.Рауадзы сӕ, ӕмӕ зӕхх фӕивынц+.
16 Уымӕ ис хъару ӕмӕ куырыхон зонд+.Чи рӕдийы, уый дӕр ӕмӕ, иннӕты чи рӕдийын кӕны, уый дӕр йӕ къухы ис+.
17 Уынаффӕгӕнджыты бӕгъӕввадӕй ацӕуын кӕны+,Тӕрхонгӕнджытӕн сӕ сӕрызонд фӕцӕуын кӕны.
18 Паддзӕхтӕ цы рӕхыстӕй сбӕттынц, уыдон суӕгъд кӕны+Ӕмӕ сын сӕ астӕутыл рон ӕрбабӕтты.
19 Сауджынты бӕгъӕввадӕй ацӕуын кӕны+Ӕмӕ, сӕ бынӕтты фидар чи бады, уыдоны раппары+.
20 Ӕууӕнкджын чи у, уыдонӕн сӕ ныхас байсы,Зӕрӕдты сӕ зондӕй ӕнӕхай фӕкӕны.
21 Кадджын адӕмы фӕхудинаг кӕны+,Тыхджынтӕн сӕ рӕттӕ суӕгъд кӕны.
22 Талынджы ӕмбӕхст хъуыддӕгтӕ раргом кӕны+,Саудалынджы цы ис, уый хурмӕ рахӕссы.
23 Уый адӕмты скӕны тыхджын, цӕмӕй сӕ фесафа+.Адӕмты сбирӕ кӕны, цӕмӕй сӕ сӕ бынатӕй акӕна.
24 Адӕмы хистӕртӕн сӕ зонд байсы,Цӕмӕй ӕдзӕрӕг ран, фӕндаг кӕм нӕй, уым рахау-бахау кӕной+.
25 Уыдон талынджы+, рухсы цъыртт кӕм нӕй, уым, сӕ развӕндаг сгаргӕ цӕуынц.Афтӕ сын бакӕны, ӕмӕ расыг лӕгау фӕрахау-бахау кӕнынц+.
Фиппаинӕгтӕ
^ Комк. «комарынг».
